វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 223 នាក់
ម្សិលមិញ 5020 នាក់
សរុប 14115670 នាក់
កូរ៉េខាងជើង ៖ ក្រោយពីសមាជិកព្រឹទ្ធសភាអាមេរិកមួយចំនួនប្រកាសចង់ឲ្យលោក ដូណាល់ ត្រាំ ដែលជាប្រធានាធិបតី ទទួលបានពានរង្វាន់សន្តិភាព Nobel ចំពោះការដោះស្រាយបញ្ហានៅឧបទ្វីបកូរ៉េ រដ្ឋាភិបាលក្រុងព្យុងយ៉ាង បានប្រកាសកាលពីថ្ងៃទី៦ឧសភាថា ទណ្ឌកម្មរបស់អាមេរិក និងលោក ដូណាល់ ត្រាំ មិនពាក់ព័ន្ធនឹងគោលបំណងក្នុងការបញ្ឈប់កម្មវិធីអាវុធនុយក្លេអ៊ែររបស់កូរ៉េខាងជើងនោះឡើយ។
សារព័ត៌មានជាតិកូរ៉េខាងជើង KCNA បានព្រមានថា អាមេរិកនាពេលនេះកំពុងធ្វើឲ្យពិភពលោកយល់ច្រឡំហើយដែលថារឿងបញ្ឈប់កម្មវិធីនុយក្លេអ៊ែររបស់ក្រុងព្យុងយ៉ាង ជាលទ្ធផលចេញពីការដាក់សម្ពាធ ក៏ដូចជាទណ្ឌកម្មនាពេលកន្លងមក។ "សកម្មភាពនេះគឺជាបំណងដែលមានគ្រោះថ្នាក់ អាចបំផ្លាញបរិយាកាសនៃកិច្ចសន្ទនាដែលស្ទើរតែសម្រេចទៅហើយ និងអាចធ្វើឲ្យស្ថានភាពត្រឡប់ទៅអាក្រក់ដូចដើមវិញក៏ថាបាន" នេះជាការស្រង់សម្ដីមន្ត្រីក្រសួងការបរទេសកូរ៉េខាងជើងម្នាក់របស់សារព័ត៌មាន KCNA។
សូមជម្រាបថា កិច្ចប្រជុំរវាងមេដឹកនាំសហរដ្ឋអាមេរិក និងកូរ៉េខាងជើង នឹងធ្វើឡើងនាពេលឆាប់ៗខាងមុខ (មិនទាន់កំណត់ពេលច្បាស់)។ លោក ដូណាល់ ត្រាំ បានកោតសរសើរដំណើរការឆ្ពោះទៅរកសន្តិភាពនៅឧបទ្វីបកូរ៉េ ប៉ុន្តែលោកនៅតែព្រមានថា អាមេរិក និងសម្ពន្ធមិត្តនឹងបន្តដាក់សម្ពាធជាអតិបរមានៅលើកូរ៉េខាងជើងដដែល៕