ប្រជាជនថៃអាចប្រើឧបករណ៍ធ្វើតេស្តិ៍រហ័សនិងធ្វើចត្តាឡីស័កដោយខ្លួនឯងក្នុងពេលការឆ្លងកើនឡើងអត់កន្លែងដេក
21-September-2026 / ព័ត៌មានអន្តរជាតិ
ប្រទេសថៃ៖ ប្រទេសថៃបាននិងកំពុងកើតមានសោកនាដកម្មដោយសារបញ្ហាកូវីតបានអនុញ្ញាតឲ្យអ្នកជំងឺកូវីដ-១៩កម្រិតស្រាលធ្វើចត្តាឡីស័កនៅផ្ទះដោយខ្លួនឯង និងសម្រេចឲ្យប្រើប្រាស់ឧបករណ៍តេស្តិ៍រហ័ស ខណៈដែលការឆ្លងរាលដាលកាលពីពេលថ្មីៗនេះបានដាក់សម្ពាធយ៉ាងខ្លាំងទៅលើប្រព័ន្ធសុខាភិបាលនៅក្នុងទីក្រុងបាងកក។
ជាក់ស្តែងពិធីករអ្នកអានព័ត៌មានប្រចាំប្រទេសថៃល្បីឈ្មោះ លោកសូរ៉ាយុទ្ធ( Sorrayuth) បានសម្រក់ទឹកភ្នែកពេលដែលលោកអានព័ត៍មានទិន្នន័យអ្នកស្លាប់នៅផ្ទះច្រើនពេកកំឡុងពេលឆ្លងកូវីត១៩ នៅប្រទេសថៃ ។ឯមន្ទីរពេទ្យវិញទៀតសោតក៏គ្មានគ្រែព្យាបាល ដោយលោក Sorrayuth បន្តលើកឡើងថា លោកមិននឹកស្មានថាប្រទេសថៃដើរដល់ដំណាក់កាលនេះទេ គាត់មិនដែលគិតសូម្បីម្តង គិតថាវាមានតែនៅក្នុងរឿង តែនេះជាជិវិតពិត ដោយលោកបានចោទជាសំនួរថាតើខាងថ្នាក់ដឹកនាំប្រទេសបណ្តោយអោយប្រជាជនដេកស្លាប់នៅផ្ទះដល់ពេលណាទៀត។
ប្រទេសថៃភាគច្រើនបានប្រើប្រាស់ការធ្វើតេស្តិ៍ RT-PCR ប៉ុន្តែដោយសារមានមនុស្សច្រើនពេកបានតម្រង់ជួររង់ចាំធ្វើតេស្តិ៍នៅក្នុងទីក្រុងបាងកក អាជ្ញាធរក៏បានពិចារណាលើវិធានការថ្មី។មន្ត្រីរដ្ឋបាលចំណីអាហារនិងឱសថថៃបាននិយាយថា ឧបករណ៍ធ្វើតេស្តិ៍រហ័សអង់ទីហ្សែននឹងត្រូវបានដាក់លក់នៅលើទីផ្សារនៅសប្តាហ៍ក្រោយ ហើយពួកគេកំពុងព្យាយាមកំណត់តម្លៃឲ្យនៅត្រឹមប្រហែល៣ដុល្លារអាមេរិកក្នុងមួយឈុត។ជាមួយនិងការបើកឲ្យធ្វើតេសត្តខ្លួនែង អាជ្ញាធរថៃក៏បានអនុញ្ញាតឲ្យអ្នកជំងឺកូវីដ-១៩កម្រិតស្រាល ឬមិនមានចេញរោគសញ្ញាធ្វើចត្តាឡីស័កនៅផ្ទះដោយខ្លួនឯងផងដែរដោយសារមន្ទីរពេទ្យទប់ទល់លែងជាប់ក្រោយមានអ្នកឆ្លងជាង៩,០០០នាក់ក្នុងមួយថ្ងៃ។
រដ្ឋាភិបាលថៃបាននិយាយនៅថ្ងៃទី១២ខែកក្កដាថាខ្លួននឹងផ្តល់វ៉ាក់សាំង AstraZenecaជាលើកទី២ ដល់ប្រជាជនដែលបានចាក់ថ្នាំSinovacដំបូងដើម្បីបង្កើនសមត្ថភាពក្នុងការបង្កើតអង្គបដិប្រាណប្រឆាំងនឹង Covid-19។រដ្ឋមន្ត្រីសុខាភិបាលថៃលោកAnutin Charnvirakulបាននិយាយថាការសម្រេចចិត្តនេះមានគោលបំណងបង្កើនភាពសាំប្រឆាំងទៅនឹងមេរោគបំប្លែងខ្លួនDeltaនិងបង្កើតអង្គបដិប្រាណឲ្យប្រសើរឡើង។ លោករដ្ឋមន្ត្រី Charnvirakul បានបន្ថែមថាដូសទី២នៃថ្នាំ AstraZeneca នឹងត្រូវផ្តល់ឱ្យនៅចន្លោះពេល៣ឬ៤សប្តាហ៍បន្ទាប់ពីការចាក់ដូសទី១។
លើសពីនេះទៀតប្រទេសថៃក៏គ្រោងនឹងផ្តល់នូវវ៉ាក់សាំងចំនួន៣ mRNA (PfizerនិងModerna)ដល់បុគ្គលិកសុខាភិបាលដែលបានទទួលវ៉ាក់សាំង Sinovacចំនួន២ដង។នេះគឺជាយុទ្ធសាស្ត្រចាក់ថ្នាំដែលរួមបញ្ចូលវ៉ាក់សាំងចិនចំនួន២និងវ៉ាក់សាំងដែលត្រូវបានបង្កើតឡើងដោយលោកខាងលិច។រហូតមកដល់បច្ចុប្បន្ននេះមិនមានការសិក្សាជាក់លាក់ណាមួយស្តីពីប្រសិទ្ធភាពនៃការចាក់បញ្ចូលគ្នារវាងSinovacនិងAstraZenecaទេ។ប៉ុន្តែចំនួនកំពុងកើនឡើងនិងពិចារណាលើការបញ្ចូលគ្នានៃការចាក់វ៉ាក់សាំងផ្សេងៗគ្នាក្នុងបរិបទនៃការភ័យខ្លាចចំពោះមេរោគថ្មីដែលមានគ្រោះថ្នាក់និងឆ្លង។ការផ្លាស់ប្តូរនេះបានកើតឡើងនៅក្នុងបរិបទនៃស្ថានភាពរាតត្បាតនៅក្នុងប្រទេសថៃកាន់តែអាក្រក់ទៅៗ។
សូមបញ្ជាក់ថានៅថ្ងៃអង្គារ៍ទី១៣ក្កដានេះប្រទេសថៃបានរាយការណ៍ពីករណីឆ្លងថ្មីនៃជំងឺកូវីដ-១៩ចំនួន៨,៦៥៨នាក់និងមានអ្នកបាត់បង់ជីវិតចំនួន៥៦នាក់ដោយធ្វើឲ្យចំនួនអ្នកឆ្លងសរុបឡើងដល់ជាង៣៥៣,០០០នាក់ និងចំនួនអ្នកស្លាប់សរុបកើនដល់២,៨៤៧នាក់។ក្រុមមន្ត្រីថៃបាននិយាយថា ការឆ្លងរាលដាលនោះដំបូងឡើយបណ្តាលមកពីវីរុសកូវីដ-១៩បំប្លែងថ្មីប្រភេទ អាល់ហ្វា (Alpha) ប៉ុន្តែឥលូវនេះ៥៧%នៃករណីឆ្លងថ្មីនៅទីក្រុងបាងកកគឺជាវីរុសកូវីដ-១៩បំប្លែងថ្មីប្រភេទ ដែលតា (Delta) ដែលអាចឆ្លងបានលឿន៕
