វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1512 នាក់
ម្សិលមិញ 5378 នាក់
សរុប 14080805 នាក់
ខេត្តកណ្តាល : តើ លោក បាន គី ជានរណា ? ល្បីថាជាស្តេច ក្រាញ់ខាងបាញ់មេ អាប៉ោង ក្នុងបន្ទាយយោ ធាកងអន្តរាគមន៍សង្គ្រោះជើងទឹកនៅក្នុង ក្រុងតាខ្មៅ ខេត្តកណ្តាល ? ។
ប្រភពព័ត៌មានពីប្រជា ពលរដ្ឋ រស់នៅជិតបន្ទាយកងអន្តរាគមន៍ សង្គ្រោះជើងទឹក ក្នុង ក្រុងតាខ្មៅ ខេត្ត កណ្តាល បានរាយ ការណ៍តាមទូរស័ព្ទ មក ការិយាល័យនិពន្ធ សារព័ត៌មាន និងគេហទំព័រ មាតុភូមិ www.meatophoum.com នៅព្រឹកថ្ងៃទី៣០ ខែសីហាឆ្នាំ២០២១ នេះ ថា ក្រុមអ្នកញៀនលេង ល្បែងស៊ីសង នៅតែចេញចូលជួបជុំគ្នាលេងល្បែងស៊ីសងខុសច្បាប់ បៀរ អាប៉ោង នៅក្នុងបន្ទាយយោធាកងអន្តរាគមន៍សង្គ្រោះ ជើងទឹក ស្ថិតនៅក្នុងដែនដីអាណាចក្រក្រុង តាខ្មៅ ខេត្តកណ្តាល ជារៀងរាល់ថ្ងៃ ដោយមិន ខ្វល់ពីការរីករាលជម្ងឺឆ្លង កូវីត១៩គ្រប់ប្រភេទនោះទេ ។
ប្រជាពលរដ្ឋ បានបញ្ជាក់ថា ទីតាំងបនល្បែងស៊ីសងនេះគឺបានដំណើរការមកឡើងដុះស្លែរហើយ ជារៀង រាល់ពេលថ្ងៃរសៀល គេឃើញក្រុម អ្នកញៀនល្បែងភាគច្រើន ជាមន្ត្រីរាជការស៊ីវិល និងមន្ត្រីយោធា តែងតែបើក ឡានស៊េរីទំនើបៗ ពាក់ស្លាកលេខ ខ.មក៏មាន មកឈប់ចតនៅជិតបន្ទាយហើយនាំគ្នា ចូលលេងល្បែង អាប៉ោង បៀរ យ៉ាងពពាក់ពពូន ចាក់ស៊ីសងចាញ់ឈ្នះរាប់សិបលានរៀល និង រាប់ពាន់ដុល្លារឯណោះ ។ ប្រភពព័ត៌មានពីក្រុមអ្នកលេងល្បែង ដែលធ្លាប់បានចូលទៅលេងក្នុងបន្ទាយយោធានោះ ក៏បានប្រាប់តាមទូរស័ព្ទ អោយដឹងថា :មានមេបាញ់ អាប៉ោងម្នាក់ឈ្មោះ បាន គី ដែលភាសាក្រុមអ្នក លេងល្បែងប្រសិទ្ធនាម អោយឈ្មោះថា ជាស្តេច ត្រាញ់បាញ់អាប៉ោង គ្មានសមត្ថកិច្ចថ្នាក់ណាហ៊ានបង្ក្រាបឬចាប់បានម្តងសោះ ។
ដោយឡែក បើតាមមន្ត្រីយោធាចូល និវត្តន៍ម្នាក់លួចបង្ហើប ប្រាប់ថា កងអន្តរាគមន៍ សង្គ្រោះជើងទឹក ក្រុង តាខ្មៅនេះ ស្ថិតក្រោម ការគ្រប់គ្រង របស់បញ្ជា ការដ្ឋានកងអង្គរក្ស សម្តេចតេជោ ហ៊ុន សែន ដែលមានលោក នាយឧត្តមសេនីយ៍ សន្តិបណ្ឌិត ហុីង ប៊ុនហៀង ជាមេបញ្ជាការកងអង្គរក្ស ។ ដូច្នេះទើប ក្រុមអ្នកញៀនល្បែង បៀរ អាប៉ោង មានសេចក្តីសុខ ពុំដែល មានសមត្ថកិច្ចឬអាជ្ញាធរដែលដីមូលដ្ឋាន ហ៊ានក្អកឡើយ ។ ជុំវិញ សេចក្តីរាយការណ៍ របស់ប្រពលរដ្ឋអំពីករណី ក្រុមអ្នកលេង ល្បែងសុីសងនៅតែគឃ្លើនជួបជុំគ្នាលេង ល្បែងក្នុងទីតាំងខាង លើនេះ ការិយាល័យ និពន្ធយើង មិនដឹងថា តើជាការពិតដែរ ឬក៏អត់នោះទេ ? ព្រោះពុំស្គាល់ ឈ្មោះ និងលេខទូរស័ព្ទ មេកងអន្តរាគមន៍សង្គ្រោះជើងទឹក ដើម្បីសុំការបំភ្លឺ បញ្ជាក់ជូនមហាជន ។
សង្ឃឹមថា ថ្នាក់ ដឹកនាំ ខេត្តកណ្តាល និង ជាពិសេស លោក នាយឧត្តមសេនីយ៍ សន្តិ បណ្ឌិត ហុីង ប៊ុនហៀង លោកនឹងធ្វើការពិនិត្យ ស៊ើបអង្កេតមើល លើ ករណីព័ត៌មាន បែក ធ្លាយ អំពីក្រុមអ្នក លេងល្បែងថ្លើមធំ ហ៊ាន យកបន្ទាយយោធា ដែលជាទីតាំងរក្សារការណ៍សម្ងាត់ បើកអោយមានការចេញចូល ជួប ជុំគ្នាលេងល្បែង ស៊ីសងបែបអនាធិបតេយ្យ យ៉ាងគឃ្លើន ៕ ដោយ:
សុផល Tel: 086 911 920 /012 953 824