វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5402 នាក់
ម្សិលមិញ 8227 នាក់
សរុប 14132283 នាក់
ប្រទេសរុស្ស៊ី៖ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានបំបែកភាពស្ងាត់ស្ងៀមដោយបានថ្លែង ថា ការព្រួយបារម្ភនានាជាមូលដ្ឋានពីសំណាក់ទីក្រុងម៉ូស្គូ ជុំវិញបញ្ហាអ៊ុយក្រែននោះ ត្រូវបានសហរដ្ឋអាមេរិក និងអង្គការ NATO ច្រានចោល។ សារព័ត៌មានចិន CGTN នារសៀលថ្ងៃពុធ ទី០២ ខែកុម្ភៈ ឆ្នាំ២០២២បានផ្សាយថានៅក្នុងសន្និសីទសារព័ត៌មានមួយ ជាមួយនាយករដ្ឋមន្ត្រីហុងគ្រី លោក វីកទ័រ អ័រប៊ែន (Viktor Orban),។
លោក ពូទីន បានលើកឡើងថា រុស្ស៊ីមិនទាន់បានឃើញការឆ្លើយតបណាមួយ ពីសំណាក់សហរដ្ឋអាមេរិកនៅឡើយទេ ពាក់នឹងការទាមទារជាគន្លឹះចំនួន ៣ ចំណុចរបស់រុស្ស៊ីដូចជា ការពង្រីកខ្លួនរបស់ NATO, ការបោះបង់ចោលការដាក់ពង្រាយអាវុធ ដែលងាយបង្កគ្រោះថ្នាក់ នៅជិតព្រំដែនរុស្ស៊ី និងការចុះហត្ថលេខាកាលពីឆ្នាំ១៩៩៧ រវាងរុស្ស៊ី និងអង្គការ NATO ពាក់ព័ន្ធនឹងហេដ្ឋរចនាសម្ព័ន្ធយោធា NATO នៅក្នុងប្លុកអឺរ៉ុប។
លោក វ្ល៉ាឌីមៀ ពូទីន បានសង្កត់ធ្ងន់ ថា «ប្រទេសអ៊ុយក្រែនខ្លួនឯង គឺគ្រាន់តែជាឧបករណ៍មួយ ដើម្បីសម្រេចគោលបំណងមួយ (នៃការដាក់រុស្ស៊ីជាគោលដៅ) ប៉ុណ្ណោះ។ វាអាចត្រូវបានសម្រេច តាមរយៈមធ្យោបាយផ្សេងៗពីគ្នា ក្នុងនោះក៏រួមមានទាំងការអូសរុស្ស៊ី ឲ្យចូលរួមក្នុងជម្លោះប្រដាប់អាវុធផងដែរ»។
លោក ពូទីន បានចោទជាសំនួរទៅគ្រប់គ្នាវិញថា «ចូរអ្នកស្រមៃមើលទៅ ប្រសិនបើអ៊ុយក្រែនជាសមាជិកមួយរបស់ NATO ហើយចាប់ផ្តើមបើកប្រតិបត្តិការយោធា ទៅលើតំបន់គ្រីមា (Crimea) ដែលជាទឹកដីរបស់រុស្ស៊ីនោះ... តើយើងនឹងត្រូវប្រយុទ្ធគ្នាជាមួយសម្ព័ន្ធមិត្ត NATO? តើមាននរណាម្នាក់ធ្លាប់គិតពីបញ្ហានេះទេ? ខ្ញុំគិតថាគ្មានទេ»។
សូមបញ្ជាក់ថាសហរដ្ឋអាមេរិកបានទទួលការឆ្លើយតបជាលាយលក្ខណ៍អក្សរពីរុស្ស៊ី ប៉ុន្មានថ្ងៃបន្ទាប់ពីខ្លួនបានបញ្ជូនការឆ្លើយតបជាលាយលក្ខណ៍អក្សរទៅក្រុងម៉ូស្គូ ហើយនេះជាវិវត្តចុងក្រោយបង្អស់ក្នុងយុទ្ធនាការការទូតដើម្បីដោះស្រាយវិបត្តិនៅប្រទេសអ៊ុយក្រែន។កាលពីថ្ងៃចន្ទ ទី ៣១ មករា មន្ត្រី និងអ្នកនាំពាក្យក្រសួងការបរទេសអាមេរិក បាននិយាយថាពួកគេបាន«ទទួលការឆ្លើយតបពីរុស្ស៊ី »។ ថ្លែងនៅសន្និសីទសារពត៌មានអ្នកនាំពាក្យក្រសួងការបរទេសអាមេរិកថា៖ «វានឹងមិនមានផលចំណេញក្នុងការចរចាជាសាធារណៈ ដូច្នេះយើងនឹងទុកឱ្យប្រទេសរុស្ស៊ីជាអ្នកសម្រេច ប្រសិនបើពួកគេចង់ពិភាក្សាអំពីការឆ្លើយតបរបស់ពួកគេ ឬទេ»។
ការដោះដូរឯកសារនេះបានកើតឡើងមុនជំនួបតាមទូរស័ព្ទរវាងរដ្ឋមន្ត្រីការបរទេសអាមេរិកលោកអានតុនី ប៊ីនកែន និងរដ្ឋមន្ត្រីការបរទេសរុស្ស៊ី លោកសឺហ្គេ ឡាវរ៉ូវ ដែលត្រូវបានគ្រោងនឹងកើតឡើងនៅថ្ងៃអង្គារ។ការចរចាដើម្បីកាត់បន្ថយភាពតានតឹង រុស្ស៊ី បានធ្វើការទាមទារការធានាសន្តិសុខមួយចំនួនពីមហាអំណាចលោកខាងលិចរួមមានការហាមឃាត់ការដាក់ពង្រាយអាវុធទំនើបនៅជិតព្រំដែនរុស្ស៊ី ការបញ្ឈប់ការពង្រីកសមាជិកភាពអង្គការណាតូមកអឺរ៉ុបខាង ជាពិសេសអ៊ុយក្រែន។
កាលពីថ្ងៃពុធ សប្ដាហ៍មុនអាមេរិកបានបញ្ជូនសារឆ្លើយឆ្លងចំពោះការទាមទារទាំងនេះទៅរុស្ស៊ី ដែលក្នុងនោះអាមេរិកបាននិយាយថា ខ្លួនបានបង្ហាញការព្រួយបារម្ភរបស់ខ្លួនអំពីសកម្មភាពរបស់រុស្ស៊ី និងបានផ្ដល់ការវិភាគអំពីការទាមទាររបស់រុស្ស៊ី៕