វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3855 នាក់
ម្សិលមិញ 5544 នាក់
សរុប 13944952 នាក់
តាកែវ៖ សួនសត្វភ្នំតាម៉ៅស្ថិតនៅស្រុកបាទីខេត្តតាកែវ បានទទួលជោគជ័យ ក្នុងការបង្កាត់ពូជសត្វខ្ទីង ដែលជាប្រភេទសត្វកម្រមួយ នៅប្រទេសកម្ពុជា។ មានកូនខ្ទីងញីមួយក្បាលទៀតបានកើតនៅដើមខែមករា ឆ្នាំ២០២២នេះជាកូនខ្ទីងទី៦ ដែលត្រូវបានបង្កាត់ដោយអ្នកជំនាញនៃសួនសត្វភ្នំតាម៉ៅ សហការជាមួយរដ្ឋបាលព្រៃឈើ និងអង្គការសម្ព័ន្ធមិត្តសត្វព្រៃផងដែរ ចាប់តាំងពីឆ្នាំ២០១៦មក។
សត្វខ្ទីង គឺជាប្រភេទសត្វកម្រជិតផុតពូជនៅកម្ពុជា ហើយវាត្រូវបានកត់ត្រានៅក្នុងបញ្ជីក្រហមរបស់អង្គការ IUCN ថាជាប្រភេទសត្វងាយរងគ្រោះនៅលើពិភពលោក។ ខណៈចំនួនរបស់សត្វខ្ទីង ត្រូវបានកត់សម្គាល់ថាមាននិន្នាការធ្លាក់ចុះនៅទូទាំងពិភពលោក ឧទ្យានសួន សត្វ និងមជ្ឈមណ្ឌលថែរក្សា និងសង្គ្រោះសត្វព្រៃភ្នំតាម៉ៅ បានទទួលជោគជ័យជាបន្តបន្ទាប់ ក្នុងការបង្កាត់ពូជខ្ទីង។