វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1203 នាក់
ម្សិលមិញ 3184 នាក់
សរុប 14175372 នាក់
ភ្នំពេញ៖ ប្រជាពលរដ្ឋរស់នៅ ក្នុងអគារបុរីកីឡា៨ អគារ” ស្ថិតក្នុងសង្កាត់វាលវង់ ខណ្ឌ៧មករា ប្រមាណ១២០០ គ្រួសារ ទទួលបានការដូរដ៏មានតម្លៃពីសម្តេចតេជោ ហ៊ុន សែន តាមរយៈលោកឃួងស្រេងអភិបាលរាជធានីភ្នំពេញគឺប័ណ្ណកម្មសិទ្ធិ លើចំណែកឯកជន ជាមួយនឹងការលើកលែង ការបង់ពន្ធប្រថាប់ត្រា ពន្ធអចលនទ្រព្យ និងពន្ធអាករផ្សេងៗថែមទៀត ។
លោកឃួង ស្រេង បានលើកឡើងថា ត្រឹមតែរយៈពេល ១០ថ្ងៃប៉ុណ្ណោះ រដ្ឋបាលរាជធានីភ្នំពេញ បានអនុវត្តដោយជោគជ័យ នូវគោលការណ៍ដឹកនាំដ៏ខ្ពង់ខ្ពស់បំផុត របស់សម្តេចតេជោ ហ៊ុន សែន ស្របតាមខ្លឹមសារនៃលិខិតលេខ ១៦៥ សជណ.មយ ចុះថ្ងៃទី៦ ខែកុម្ភៈ ឆ្នាំ២០២៣ របស់ទីស្តីការគណៈរដ្ឋមន្ត្រី។លោកឃួង ស្រេង បន្តទៀតថា ការចែកបណ្ណកម្មសិទ្ធិជូនប្រជាពលរដ្ឋ គឺជាការ រួមចំណែកយ៉ាងសំខាន់ ក្នុងការដោះស្រាយបញ្ហា ផលប៉ះពាល់ជូនបងប្អូន ប្រជាពលរដ្ឋមូលដ្ឋាន ផ្អែកតាមគោលការណ៍ “សន្តិសហវិជ្ជមាន” និង ជាការធ្វើឲ្យមានភាពច្បាស់លាស់ រវាងកម្មសិទ្ធិឯកជន និងកម្មសិទ្ធិ សាធារណៈរបស់រដ្ឋ ដោយឈរលើមូលដ្ឋាន នយោបាយ “ឈ្នះ-ឈ្នះ របស់រាជរដ្ឋាភិបាល លើវិស័យដីធ្លី ហើយកាន់តែពិសេសជាងនេះទៀតនោះ សម្ដេចតេជោ នាយករដ្ឋមន្ត្រី បានសម្រេចលើកលែង ការបង់ពន្ធប្រថាប់ត្រា ពន្ធអចលនទ្រព្យ និងពន្ធអាករផ្សេងៗ ក្នុង ដំណើរការចុះបញ្ជីកម្មសិទ្ធិ ជូនបងប្អូនប្រជាពលរដ្ឋ ចំនួន១,២០០ គ្រួសារ នៃចំណែកអគារស្នាក់នៅរួមចំនួន ១.៣៩២ បន្ទប់ ក្នុងអគារ ទាំង ៨ នេះ ថែមទៀតផង។