នៅក្នុងរដ្ឋបាល សា លាខេត្តបាត់ដំបង មាន ការបង្កើតបក្ខពួកមន្ត្រី នៅក្រោមឱវាទ របស់ ឯកឧត្តម សុខ លូ អភិបាល នៃគណ: អភិបាលខេត្តបាត់ដំបង ដូចការចោទប្រកាន់ របស់លោក លី ឌីនូរី មែន ដែរទេ ?
21-September-2026 / ព័ត៌មានជាតិ
បាត់ដំបង៖ ចាប់តាំង ពីថ្ងៃប្រកាស ចូលកាន់ តំណែងជាអភិបាល ខេត្តបាត់ដំបង របស់ ឯកឧត្តម សុខ លូ ក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីអំឡុងឆ្នាំ២០២១ កន្លងទៅនេះ ។
ទើបតែ ព្រឹកថ្ងៃទី១៩ ខែមករា ឆ្នាំ២០២២នេះ មានការ បែកធ្លាយព័ត៌មាន ដ៏គួរ អោយភ្ញាក់ផ្អើលមួយផ្ទុះ ចេញពីមន្ត្រីជាន់ខ្ពស់ម្នាក់បំរើការងារនៅក្នុងសាលាខេត្តបាត់ដំបង គឺលោក លី ឌីនូរី ឋានន្តរ សក្តិ វរៈមន្ត្រី ថ្នាក់លេខ ២ នៃក្របខ័ណ្ឌមន្ត្រីរដ្ឋ បាលជាន់ខ្ពស់ក្រសួង មហាផ្ទៃ តួនាទីបច្ចុប្បន្ន មន្ត្រីសាលាខេត្តបាត់ ដំបង បានដាក់ពាក្យស្នើសុំលាឈប់ពីការងារ ដោយសារតែពុំពេញចិត្តនឹងការបង្កើតបក្ខពួកក្នុងសាលាខេត្តបាត់ ដំបង ។ នេះបើយោង តាមពាក្យស្នើសុំលា ឈប់ពីការងារ ដែល លោក លី ឌីនូរី គោរពជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី១៨ ខែមករា ឆ្នាំ ២០២២ ដែល ការិយា ល័យនិពន្ធគេហទំព័រ មាតុភូមិ ទើបទទួលបាននៅព្រឹកថ្ងៃទី១៩ ខែមករា ឆ្នាំ២០២២ នេះ ។
បើតាមខ្លឹមសារក្នុងលិខិត លោក លី ឌីនូរី បានរៀបរាប់ថា លោកបានបំពេញ ភារកិច្ចជាមន្ត្រីរាជការក្របខ័ណ្ឌក្រសួងមហា ផ្ទៃចាប់តាំងពីឆ្នាំ ២០០៧ រហូតបច្ចុប្បន្នជាមន្ត្រីសាលាខេត្តបាត់ ដំបង ។ ដោយសារលោកពុំពេញចិត្តនឹងការបង្កើតបក្ខពួកក្នុងសាលាខេត្តបាត់ដំបង លោកសូមគោរពស្នើសុំលាឈប់ពីក្របខ័ណ្ឌមន្ត្រីរាជការស៊ីវិលក្រសួងមហាផ្ទៃចាប់ពីពេលនេះតទៅ ។
សូមបញ្ជាក់ថា:ការសម្រេចលាឈប់នៅពេលនេះគឺធ្វើឡើងស្របគ្នា បន្ទាប់ពីសាលាខេត្តបាត់ដំបង កាលពីថ្ងៃទី១៨ ខែមករា ឆ្នាំ២០២២ បានចេញលិខិតអញ្ជើញលើកទី១ ដល់លោក លី ឌីនូរី មន្ត្រីការិយាល័យគ្រប់គ្រងបុគ្គលិកនៃទីចាត់ការគ្រប់គ្រងធនធានមនុស្សសាលាខេត្តបាត់ដំបង ដើម្បីចូលមកបំពេញ ការងារនៃការិយាល័យគ្រប់គ្រងបុគ្គលិក ក្រោយពីអវត្តមានគ្មានច្បាប់អនុញ្ញាតជាប់ៗគ្នារយៈពេល២សប្ដាហ៍កន្លងមក ។ ជុំវិញលិខិតអញ្ជើញលើកទី១ នេះ ត្រូវបាន លោក លី ឌីនូរី ឆ្លើយតបវិញភ្លាមៗតាមបណ្ដាញសង្គមហ្វេសប៊ុកយ៉ាងដូច្នេះថា ៖ថ្ងៃនេះបានទទួលលិខិតអញ្ជើញលើកទី១ របស់រដ្ឋបាលខេត្តបាត់ដំបង។ ខ្ញុំមិនបដិសេដទេ ប៉ុន្តែមានសំណួរខ្លះៗ ។
១-តើរយ:កាលកន្លង មកក្រុមអស់លោកធ្វើ ទុក្ខបុកម្នេញខ្ញុំ វាមិន ទាន់គ្រប់គ្រាន់មែនទេ?២-នៅពេលដែលខ្ញុំចូលបំពេញការងារ តើធានាទេ មានការងារធ្វើសំរាប់ខ្ញុំដូចមន្ត្រីធម្មតា ? រឺត្រឹមតែចង់អោយខ្ញុំមកអង្គុយអានកាសែតដូចរយៈ:កាលមុន ? តើខ្ញុំមានកំហុសអ្វី ? ប្រសិន បើមកអង្គុយត្រឹមអានកាសែត ខ្ញុំមិនមកល្អជាង សុខចិត្តសុំលា ឈប់ទៅធ្វើការងារឯកជនវិញ ។ ៣- បក្សពួកនិយមខ្លាំងពេកនាំអោយអន្តរាយដល់ស្ថាប័នរដ្ឋ ។ នេះប្រហែលមកពីខ្ញុំមិន មែននៅក្នុងក្រុមគេទេដឹង? កន្លែងដែលមានបក្សពួកពេក ខ្ញុំមិនធ្វើ ការជាមួយទេ សូមជ្រាប ។
ទាក់ទិន នឹងការចោទ ប្រកាន់របស់លោក លី ឌីនូរី ខាងលើនេះ ការិយាល័យនិពន្ធយើង មិនអាចស្វែងរកការសុំបំភ្លឺពី មន្ត្រីអ្នកនាំពាក្យ សាលាខេត្តបាត់ដំបង បាននៅឡើយទេ នៅព្រឹក មិញនេះ ព្រោះពុំ មានលេខទូរស័ព្ទ ។ ករណីនេះ សង្ឃឹមថា ឯកឧត្តម សុខ លូ អភិបាល នៃគណអភិបាលខេត្តបាត់ដំបង នឹងចេញមុខធ្វើសន្និសីទ សារព័ត៌មាន បំភ្លឺជូនសាធារណជន ក៏ដូច ជាមន្ត្រីសាធារណ:ទូទាំងខេត្តបាត់ដំបងដើម្បី ជំរះមន្ទិលសង្ស័យ ពី រឿងមន្ត្រីរាជការ ធ្វើការ ងារមានបក្ខមានពួក មានខ្សែ មានខ្នង ដែលធ្វើអោយបែកបាក់សាមគ្គីផ្ទៃក្នុង និងប៉ះ ពាល់កិត្តិយសស្ថាប័ន សាលាខេត្តបាត់ដំបង ធ្ងន់ធ្ងរណាស់ ។ ដោយ: សុផល Tel : 086 911 920
