វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1051 នាក់
ម្សិលមិញ 10264 នាក់
សរុប 14140233 នាក់
ភ្នំពេញ : ឧត្តមសេនីយ៏ទោ នៅ អគ្គស្នងការដ្ឋាននគរបាលជាតិ និងបក្ខពួក២នាក់ទៀត ត្រូវបានចាប់ខ្លួនដោយសារបង្កើតកម្មវិធី ផឹកស៊ី រាំ ច្រៀង និងប៉ាតម្សៅ ដល់អ្នកជួលបន្ទប់របស់ខ្លួន បំពាននឹងសេចក្តីសម្រេចរបស់រាជរដ្ឋាភិបាលត្រូវបានឃុំខ្លួនបណ្តោះអាសន្ន១៤ថ្ងៃហើយមុននិងធ្វើសវនាការកាត់ទោសក្រោយពីបានបកសក្តិរួចហើយ។
លោក ឡុង ជាបព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញបាន ធ្វើការចោទប្រកាន់ អតីតលោកផ្កាយ២ អ៊ុង ចាន់ធួក និងបក្ខពួក តាមមាត្រា ៣ មាត្រា៤ និងមាត្រា១១នៃច្បាប់ កូវីដ-១៩ ដោយអនុវត្ត នីតិវិធីបង្ហាញខ្លួនភ្លាម (មាត្រា ៤៧ ក្រមនីតិវិធីព្រហ្មទណ្ឌ) ត្រូវបញ្ជូនទៅ តុលាការជំនុំជម្រះ នាសៀលថ្ងៃទី១៧មេសា។
បន្ទាប់មកចៅក្រមស៊ើបសួរសាលាដំបូងរាជធានីភ្នំពេញ លោក អ៊ុក សុវណ្ណរិទ្ធិ បានសម្រេចឃុំខ្លួនបណ្ដោះអាសន្ន។ នេះបើតាមការបញ្ជាក់ឱ្យដឹងពីលោក គុជ គឹមឡុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញនៅល្ងាចមុននេះបន្តិច។អ្នកនាំពាក្យរូបនេះបានបញ្ជាក់ថា , ជនជាប់ចោទទាំង ៣ រូប នាពេលសវនាការ បានស្នើសុំសិទ្ធិពឹងមេធាវី ដូច្នេះដំណើរការនីតិវិធីនៃការដេញដោលសួរ គឺត្រូវបានផ្អាកជាបណ្ដោះអាសន្ន ដោយតាមនីតិវិធីច្បាប់ត្រូវទុកពេល ២សប្តាហ៍ដើម្បីឲ្យពួកគាត់ស្វែងរកមេធាវីដើម្បីការពារសិទ្ធិ។ ដូច្នេះនៅរយៈពេលពីរសប្ដាហ៍ខាងមុខនេះ នឹងបើកសវនាការជាថ្មីម្ដងទៀត។
ជនជាប់ចោទរួមមាន៖១-ឈ្មោះ អ៊ុង ចាន់ធួក ភេទប្រុស អាយុ៤៥ឆ្នាំ ជាម្ចាស់ទីតាំងផ្ទះជួល ឋានៈអនុប្រធានសេនាធិការ នៃអគ្គស្នងដ្ឋានការនគរបាលជាតិ ឋានន្តរស័ក្តិឧត្តមសេនីយ៍ទោ។២-ឈ្មោះ ឡាយ ភារុណ ភេទ ប្រុស អាយុ២៨ឆ្នាំ មុខរបរបំរើការងារនៅផ្ទះឈ្មោះ អ៊ុង ចាន់ធួក។៣-ឈ្មោះ កុក ឃី ភេទប្រុស អាយុ៣៥ឆ្នាំ មុខរបរបំរើការងារនៅផ្ទះ អ៊ុង ចាន់ធួក។ត្រូវតុលាការធ្វើការផ្តន្ទាទោសដាក់ពន្ធនាគារ
សូមបញ្ជាក់ថាក្រោមបញ្ជាលោក ឃួង ស្រេង ប្រធានគណៈបញ្ជាការឯកភាពរាជធានីភ្នំពេញ នគរបាលខណ្ឌមានជ័យបានចាប់វាយខ្នោះឧត្តមសេនីយ៍ទោ អ៊ុង ចាន់ធួក មានតួនាទីជាអនុប្រធានសេធិការ នៃអគ្គស្នងការដ្ឋាននគរបាលជាតិ និងបក្ខពួក២នាក់ទៀត ដោយសារហ៊ានរៀបចំកម្មវិធីផឹកស៊ី រាំ ច្រៀង និងរហូតមានការលេងប៉ាតម្សៅ ជូនអ្នកជួលបន្ទប់របស់គាត់ជាច្រើននាក់នៅយប់ថ្ងៃទី១៦មេសាស្ថិតភូមិដំណាក់ធំសង្កាត់ស្ទឹងមានជ័យរាជធានីភ្នំពេញ។
សមត្តកិច្ចឲ្យដឹងថាអ្មកទាំង៣នាក់នេះ បានធ្វើសកម្មភាពប្រមូលផ្តុំកម្មករ និងប្រជាពលរដ្ឋចន្លោះពី៣០ទៅ៤០នាក់ ដែលស្នាក់នៅផ្ទះជួលរបស់ខ្លួន (អ៊ុង ចាន់ធួក) ផឹកស៊ី រាំច្រៀង លេងប៉ាតម្សៅ នៅក្នុងទីតាំងរបស់ខ្លួន។បុរសទាំង៣នាក់នេះ ត្រូវបានកម្លាំងនគរបាលចាប់បញ្ជូនឡើងរថយន្ត បញ្ជូនទៅកាន់អធិការដ្ឋាននគរបាលខណ្ឌមានជ័យ ដើម្បីចាត់ការតាមច្បាប់បន្តទៀតដែលអាចនឹងត្រូវដកហូតសក្តិនិងបញ្ជូនទៅតុលាការកាត់ទោទៀតផង។