គ្រូជោគជ័យសៀវសុផលបង្ហាញបញ្ជីរលុយជំពាក់គេ និងទ្រព្យរបស់ខ្ញុងសុទ្ធតែបញ្ចាំ និងបង់រំលស់ មេបក្សនយោបាយមួយថាខុសច្បាប់
27-March-2024 / សន្តិសុខសង្គម
ភ្នំពេញ ៖ តារាកំប្លែងអ្នកនាងស្រេងសុកាន់ដាហៅ នាងខ្ញុង និងប្តីលោកកៃដក្រោយពីនាំគ្នាលើកដៃ សុំជំនួយកាលពីថ្ងៃទី១៨តុលារួចមក បងប្អូនខ្មែរភាគច្រើន អាណិតនិងគាំទ្រ រូបនាង ដោយត្រឹមតែ ៣ថ្ងៃសោះ ទទួលបានទឹកប្រាក់ជាង ៥ម៉ឺនដុល្លារ ។មេបំណុលមួយចំនួន ក៏បានលើកលែងការប្រាក់ឲ្យរូបនាងផងដែរ។
ក្រោយពីនាងខ្ញុងជោគជ័យ លោកគ្រូសៀវសុផលដែលអ្នកអាងថាអ្នកជោគជ័យបានទម្លាយ ថារូបលោកជា អ្នកផ្តើមគំនិតឲ្យនាងខ្ញុង សុំប្រជាជនម្នាក់១ដុល្លារ ដើម្បីដោះបំណុលនោះ ដោយទទួលសេវា៥០០ដុល្លារ។ លោកគ្រូ ជោគជ័យសៀវសុផលបន្ទាប់ពីបានរាយការណ៍ទៅមន្ត្រីក្រសួងមហាផ្ទៃដើម្បីលាងកំហុស ក៏បាន បង្ហោះបញ្ជីហរិញ្ញវត្ថុលុយជំពាក់គេ ចំណូលចំណាយ របស់តារាកំប្លែងរូបនេះ ដែលត្រូវគេ ភ្ញាក់ផ្អើល បន្ទាប់ពី ឃើញ ទ្រព្យសម្បត្តិរបស់នាង មិនតិចទេ ដែលនៅជាប់នឹងខ្លួន នោះ សុទ្ធតែជា របស់បញ្ចាំ និងបង់រំលោះ ស្ទើរតែទាំងអស់ទៅហើយ។
ក្រោយពីបានលុយ តារាកំប្លែងរូបនេះធ្វើឬកម៉ាបាវនិងអះអាង ថា លុយជំពាក់រូបនាង ត្រូវតែរកស៊ីយកមកសងគេ ការចេញមកសុំម្នាក់១ដុល្លារនេះ គឺដើម្បី អាចធានាថា កូនៗរបស់រូបនាងអាច រៀនសូត្រនិងរស់នៅបាន ខណៈពេល ម្ចាស់បំណុលអាចប្តឹងរូបនាង ចូលគុកគ្រប់ពេល!។ទាក់ទងនិងលោកគ្រូសៀវសុផលឃុបឃឹតគ្នាជាមួយខ្ញុងនិងប្តីបោកប្រាសប្រជាពលរដ្ឋមួយនគរដើម្បីរកលុយលោកវីល្លៀម ហ្គ័ងអតីតសមាជិកឧត្តមក្រុមប្រឹក្សាពិគ្រោះយោបល់ថ្នាក់ស្មើរដ្ឋមន្ត្រីក្នុងនាមគណបក្សខ្មែរក្រោក ក៏បានចេញមុខបកស្រាយលើកឡើងដូច្នេះថា៖
តើការរៀបចំសេណារីយូ (ផែនការ/ឧបាយកល) ដើម្បីទទួលបានផលប្រយោជន៍បែបនេះ ត្រូវចាត់ទុកជាបទល្មើសឬទេ ? បើគិតជាផ្លូវច្បាប់តាមផ្លូវច្បាប់ព្រហ្មទណ្ឌ បទឆបោក មាត្រា ៣៧៧ បានកំណត់និយមន័យថា ” គឺជាអំពើបន្លំចំពោះរូបវន្តបុគ្គលឬនីតិបុគ្គលណាមួយ ដោយប្រើឈ្មោះក្លែងដោយអះអាងទៅលើឋានៈក្លែងដោយរំលោភទៅលើឋានៈពិតប្រាកដ ឬដោយប្រើ (ឧបាយកលទុច្ចរិត) ហើយដូច្នេះបានទទួលពីបុគ្គលនេះដោយធ្វើអោយខូចប្រយោជន៍ របស់បុគ្គលនេះឬរបស់តតិយជននូវ៖ ទី១៖ ការប្រគល់មូលនិធិតម្លៃ ឬ ទ្រព្យសម្បត្តិអ្វីមួយ។ ទី២៖ ការផ្គត់ផ្គង់សេវា។ ទី៣៖ ការធ្វើលិខិតដែលមានតម្លៃជាកាតព្វកិច្ច ឬជាការឲ្យរួចពីកាតព្វកិច្ច។លោក វីល្លៀម ហ្គ័ង!
លោក វីល្លៀម ហ្គ័ង បានចោទជាសំនួរដូច្នេះថា ដើម្បីធានាទប់ស្កាត់បាតុភាពនានាដែលបង្ករដល់ការបំពុលសង្គម ជាចម្ងល់របស់ខ្ញុំ តើ ព្រះរាជអាជ្ញា អាចធ្វើ បណ្ដឹងអាជ្ញាចំពោះករណីនេះឬទេ? ។លោកបន្តថា ការដែលលោកលើកបញ្ហានេះមកនិយាយ ព្រោះពលរដ្ឋត្រូវបានគេបំពុល គេបញ្ឆោត យ៉ាងគួរអោយអាណិតបំផុតហើយសង្គមមួយនេះ ត្រូវបានមនុស្សមួយក្ដាប់តូចប្រើប្រាស់ប្រជាប្រិយភាពក្នុងការបង្កេីតព្រឹត្តការណ៍ទាញផលប្រយោជន៍មកខ្លួន ។ ដែលក្នុងនាមជាអ្នកនយោបាយម្នាក់ត្រូវតែបញ្ចេញមតិការពារផលប្រយោជន៍ពលរដ្ឋរបស់ខ្លួន។
លើសពីនេះ លោកបានសង្កត់ធ្ងន់ថា កម្ពុជាជាប្រទេសនីតិរដ្ឋ រដ្ឋដែលមានច្បាប់ គ្រប់គ្នារស់នៅដោយស្មេីភាពចំពោះមុខច្បាប់។ដោយឡែកសម្រាប់គ្រូជោគជ័យសៀវសុផលតាមរយៈហ្វេសប៊ុកផ្ទាល់ខ្លួនបានសសេរថា៖< ខ្ញុំជួយគាត់ប៉ុណ្ណោះ តាមរយៈទឹកចិត្តអ្នកគាំទ្រ និងខ្មែរតែ១ ហើយក៍សប្បាយចិត្តដែលខ្មែរចេះជួយគ្នា ដោយសារគាត់មិនបានគេចវេសពីបំណុលទេ ហើយមិនមែនលើកទី១ទេ ដែលខ្ញុំជួយកូនសិស្ស អ្នកមានផលវិបាក និងមន្ទីរពេទ្យគន្ធបុប្ឋា ។ ប្រសិនបើការជួយនេះ ធ្វើឲ្យមហាជនមានប្រតិកម្ម និងធ្វើឲ្យខ្ញុង គិតថាប៉ះពាល់ដល់កិត្តិយស ខ្ញុំសូមទោសជាសាធារណ: ចំពោះការបំផុស ១ដុល្លារនេះ »។
លោកសៀវសុផលប្រាប់បន្ថែមថា៖កាលពីថ្ងៃ18/10 ក្រុមការងាររបស់ខ្ញុំ បានជួយ អ្នកនាងខ្ញុង វិញ $488.22 ៕
