ប្រគល់អំណោយសម្ភារៈបរិក្ខាវេជ្ជសាស្ត្រ ជូនដល់ប្រទេសមីយ៉ាន់ម៉ាហើយសម្តេចតេជោ ហ៊ុន សែនជួបលោកម៊ីនអុងឡាំង!
21-September-2026 / ផ្សេងៗ
មីយ៉ាន់ម៉ា៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលអមដំណើរដោយលោកប្រាក់សុខុនរដ្ឋមន្ត្រីក្រសួងការបរតទសលោកចមប្រសិទ្ធ រដ្ឋមន្ត្រីក្រសួងឧស្សាហកមក្មសិប្បកម្មនិងបុត្រាហ៊ុនម៉ាណែតបានអញ្ជើញដល់ទីក្រុងណៃពិដោ នៃប្រទេសមីយ៉ាន់ម៉ា ដោយសុវត្ថិភាពហើយ តាមការអញ្ជើញរបស់នាយឧត្តមសេនីយ៍ជាន់ខ្ពស់ មីនអុង ឡាំង(មេដឹកនាំយោធារដ្ឋប្រហារ) ប្រធានក្រុមប្រឹក្សារដ្ឋបាលនៃសាធារណរដ្ឋសហភាពមីយ៉ាន់ម៉ា។
ដំណើរទស្សនកិច្ចរបស់សម្តេចតេជោ ហ៊ុន សែន នៅក្នុងប្រទេសមីយ៉ាន់ម៉ាមានរយៈពេលពីរថ្ងៃ គឺថ្ងៃទី០៧ និងថ្ងៃទី០៨ ខែមករា។ពេលអញ្ជើញ ដល់ប្រទេសមីយ៉ាន់ម៉ា សម្តេចតេជោ ហ៊ុន សែន បានអញ្ជើញប្រគល់សម្ភារៈបរិក្ខាវេជ្ជសាស្ត្រ អំណោយរាជរដ្ឋាភិបាល និងប្រជាជនកម្ពុជា ជូនដល់ ប្រទេសមីយ៉ាន់ម៉ាដើម្បីរួមចំណែកជួយដល់ប្រជាជនមីយ៉ាន់ម៉ា ក្នុងការទប់ស្កាត់ការរីករាលដាលជំងឺកូវីដ-១៩ នៅវេលាម៉ោង ១០:១០នាទីព្រឹកថ្ងៃទី ៧ ខែមករា ឆ្នាំ២០២២បន្ទាប់ពីបានទៅដល់ ។ ពិធីទទួលបដិសណ្ឋារកិច្ចសម្ដេចតេជោ និងគណៈប្រតិភូ និងពិធីប្រគល់ទទួលអំណោយបរិក្ខាពេទ្យនោះ គឺមានការអញ្ជើញចូលរួមពី លោក វុនណា ម៉ោងល្វីន (Wunna Maung Lwin) រដ្ឋមន្ត្រីការបរទេសមីយ៉ាន់ម៉ាតែប៉ុណ្ណោះ។
អំណោយជាសម្ភារៈបរិក្ខាវេជ្ជសាស្ត្រ ពីរាជរដ្ឋាភិបាល និងប្រជាជននៃព្រះរាជាណាចក្រកម្ពុជា ជូនសាធារណ:រដ្ឋសហភាពមីយ៉ាន់ម៉ា រួមមាន ម៉ាសចំនួន៣លានម៉ាស់ ម៉ាស់N95 ចំនួន២សែនម៉ាស់ វ៉ែនតាការពារចំនួន១សែន សម្លៀកបំពាក់សុវត្តិភាព PPE ចំនួន៣ម៉ឺន របាំងការពារមុខ ចំនួន៣ម៉ឺន ស្បែកជេីងកវែង ចំនួន៣ពាន់គូរ ម៉ាស៊ីនជំនួយដល់ការដកដង្ហើម ចំនួន៥០គ្រឿង ម៉ាស៊ីនតាមដានសញ្ញាជីវិត ចំនួន៥០គ្រឿង និងម៉ាស៊ីនផលិតអុកហ្សីសែនស្វ័យប្រវត្តិ ចំនួន៥០គ្រឿងផងដែរ ។
ប
ន្ទាប់មកនៅពេលរសៀលប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន និង បានជួបពិភាក្សាចង្អៀតនិងបើកកិច្ចប្រជុំកំពូលទ្វេភាគី ជាមួយលោក មីន អ៊ុងឡាំង (Min Aung Hlaing) ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ារនាវេលារសៀលថ្ងៃ នៅទីស្តីការក្រុមប្រឹក្សារដ្ឋបាលរដ្ឋក្នុងរដ្ឋធានីណៃពិដោរនៃសាធារណរដ្ឋសហភាពមីយ៉ាន់ម៉ារ ។
ទាក់ទងនិងដំណើទស្សនៈកិច្ចដែលមានការសសើនិងរិះគន់ផងនោះក្នុងពិធីប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាលជូនដល់កីឡាការិនី អ៊ុក ស្រីមុំ ជ័យលាភីមេដាយមាសពិភពលោកកីឡាប៉េតង់ នៅទីក្រុង Santa Susanna ប្រទេសអេស្ប៉ាញ ឆ្នាំ២០២១ នាព្រឹកថ្ងៃទី០៥ ខែមករា ឆ្នាំ២០២២ សម្តេចនាយករដ្ឋមន្ត្រី ហ៊ុន សែនប្រកាសថាសម្តេចទៅប្រទេសមីយ៉ាន់ម៉ាពេលនេះគឺមិនឃ្លាតឆ្ងាយពីកុងសង់ស៊ីស ៥ចំណុចដែលអាស៊ានបានឯកភាពគ្នាកាលពីខែមេសា ឆ្នាំ២០២១ នៅឥណ្ឌូនេស៊ីនោះឡើយ។
កុងសង់ស៊ីស៥ចំណុច រួមមានទី១៖បិទបញ្ចប់អំពើហិង្សា ទី២៖រៀបចំកិច្ចសន្ទនាក្នុងន័យស្ថាបនាក្នុងចំណោមភាគីពាក់ព័ន្ធទី៣៖ បញ្ជូនជំនួយមនុស្សធម៌ចូលទៅក្នុងមីយ៉ាន់ម៉ាទី៤៖តែងតាំងប្រេសិតពិសេសដើម្បីសម្របសម្រួលកិច្ចពិភាក្សា និងទី៥៖ អនុញ្ញាតឲ្យប្រេសិតពិសេសចូលទៅក្នុងប្រទេសនេះ។ តាមសម្តេចហ៊ុន សែន ប្រធានបទចំនួន៥ចំណុចនេះគឺជាប្រធានបទនៃការជជែកដោយសម្តេចមិនបានដាក់លក្ខខណ្ឌទុកជាមុននោះទេ។ ការព្រមព្រៀងគ្នាលើកុងសង់ស៊ីស៥ចំណុចនេះក៏មានការយល់ព្រមពី មីយ៉ាន់ម៉ាដែរ តែនៅឡើយការអនុវត្ត។សម្តេចថា បើការជជែកគ្នាជាមួយមេដឹកនាំមីយ៉ាន់ម៉ាខ្វះម៉ោង សម្តេចក៏នឹងអាចលើកពេលវិលត្រឡប់មកកម្ពុជាវិញរហូតដល់ថ្ងៃទី៩ ខែមករា។
