រដ្ឋាភិបាលរៀបចំឡអគ្គិសនីដុតខ្មោចអ្នកជម្ងឺកូវីតដែលចេះតែកើនច្រើនបន្តបន្ទាប់
កំពង់ស្ពឺ៖ ទីតាំងដីមួយកន្លែងមានទំហំ ១០ហិកតា ស្ថិតនៅក្នុងភូមិជាំ ឃុំតាសាល ស្រុកឱរ៉ាល់ខេត្តកំពង់ស្ពឺត្រូវបានរដ្ឋាភិបាលរៀបចំធ្វើជាឡអគ្គិសនីនៅថ្ងៃទី១១ ខែមេសា ឆ្នាំ២០២១សម្រាប់ដុតខ្មោអ្នកស្លាប់ដោយសារជំងឺកូវីដ-១៩ ។
លោក មួង ធី អភិបាលស្រុកឱរ៉ាល់ បាន ឱ្យកាសែតដឹង ថា ឈាបនដ្ឋានសម្រាប់បូជាសពអ្នកជំងឺកូវីដ-១៩ ដែលកំពុងរៀបចំនេះ ក្រោមការដឹកនាំរបស់ក្រុមអ្នកបច្ចេកទេសសាលារាជធានីភ្នំពេញ ចំពោះរដ្ឋបាលខេត្ត បានត្រឹមតែផ្តល់ដី និងចូលរួមសម្របសម្រួលតែប៉ុណ្ណោះ។ នេះជាការងារអាទិភាព ដូច្នេះក្រុមការងារ បាននិងកំពុងសម្រុករៀបចំ និងជំរុញការងារនេះយ៉ាងឆាប់រហ័សស្របនឹងការងារគ្រប់គ្រងសភាពការណ៍នៃការរីករាលដាលជំងឺកូវីដ-១៩នាពេលបច្ចុប្បន្ន។ ចំពោះអគ្គិសនីក្រុមការងារបច្ចេកទេស បានរៀបចំរួចរាល់ហើយខណៈការឈូសឆាយដីព្រៃ ក៏បានរួចរាល់ហើយដែរ។
លោកអភិបាលស្រុកឱរ៉ាល់ឲ្យដឹងថាសម្ភារបច្ចេកទេសគ្រឿងម៉ាស៊ីន (ឡដុត) ចំនួន ២គ្រឿង ដែលបានបញ្ជាទិញពីបរទេសនោះ ក៏បានបញ្ជូនមកដល់រួចរាល់ហើយកាលពីពេលថ្មីៗនេះ ប៉ុន្តែការចាប់ដំណើរការនៅពេលណានោះ នៅមិនទាន់ដឹងនៅឡេីយទេ តែអាចក្នុងពេលឆាប់ៗនេះ។
សូមបញ្ជាក់ដែរថាព្រឹកថ្ងៃទី១១ មេសា២០២១ ក្រសួងសុខាភីបាលប្រកាសថារកឃើញករណីជំងឺកូវីដ-១៩សរុបចំនួន១៥៧នាក់(ឆ្លងសហគមន៍១៥៦និងនាំចូល១)និងមានជាសះស្បើយ៧២នាក់ ។ បើគិតចំនួនករណីជំងឺកូវីដ-១៩សរុបកើនដល់៤២៣៨នាក់។ចំនួនសំរាកពេទ្យ២០៥២នាក់ និងចំនួនជាសះស្បើយសរុបកើន២១៥២នាក់និងស្លាប់ថ្មី៣នាក់ សរុបស្លាប់មានចំនួន២៩នាក់ ។
សម្រាប់បញ្ហាកូវីតនៅកម្ពុជាប្រធានអង្គការសុខភាពពិភពលោកប្រចាំកម្ពុជាលោកស្រី វេជ្ជបណ្ឌិត លី អាយលែន (Li Ailan) បានព្រមានពីសោកនាដកម្ម បើប្រជាពលរដ្ឋកម្ពុជាខ្វះការចូលរួម និងទទួលខុសត្រូវ ក្នុងអំឡុងពេលនៃពិធីបុណ្យចូលឆ្នាំខ្មែរខាងមុខ។ សេចក្តីប្រកាសព័ត៌មានរបស់ការិយាលយ័តំណាងអង្គការសុខភាពពិភពលោកនៅកម្ពុជាបានបង្ហា្ញញថា“យើងឈរនៅមាត់ជ្រោះ នៃសោកនាដកម្មមួយក្នុងប្រទេស ដែលបង្កឡើងដោយសារការរាតត្បាតនៃជំងឺកូវីដ-១៩ នាពេលបច្ចុប្បន្ននេះ។ បើទោះជាយើងបានខិតខំប្រឹងប្រែងអស់ពីសមត្ថភាពយ៉ាងណាក៏ដោយ ក៏យើងនៅតែប្រឈមនឹងការលំបាកក្នុងការគ្រប់គ្រងវីរុសនេះ។ ករណីវិជ្ជមានបន្តកើនឡើងរាល់ថ្ងៃ ហើយយើងកំពុងធ្វើការការប្រដេញគ្នាជាមួយមេរោគ។ បើយើងមិនបញ្ឈប់ការផ្ទុះរាតត្បាតឥឡូវនេះទេ ប្រព័ន្ធសុខាភិបាលក្នុងប្រទេសយើងប្រឈមនឹងបន្ទុកយ៉ាងធ្ងន់ធ្ងរ ដែលអាចនឹងមានផលវិបាកជាមហន្តរាយដ៏ធំ”។
ប្រមុខរាជរដ្ឋាភិបាលកម្ពុជា សម្តេច ហ៊ុន សែន នៅថ្ងៃទី ១០ ខែមេសា ឆ្នាំ២០២១ បានប្រកាសថា៖ "គ្រួសារដែលមានសមាជិកស្លាប់ដោយសារជំងឺកូវីដ-១៩ រាជរដ្ឋាភិបាលកម្ពុជាជួយចេញថ្លៃទឹក និងភ្លើង ចំនួន ៥ខែ ចំពោះគ្រួសារដែលឆ្លងជំងឺកូវីដ-១៩ រដ្ឋជួយចេញថ្លៃទឹក និងភ្លើង ចំនួន៣ខែ ដោយឡែកចំពោះគ្រួសារដែលជាប់ធ្វើចត្តាឡីស័ក ឬរាំងខ្ទប់ រដ្ឋនឹងជួយជួយចេញថ្លៃទឹក និងភ្លើងចំនួន ២ខែ និងឧបត្ថម្ភផ្សេងៗទៀត។"
តាមរយៈការប្រកាស សម្តេចនាយករដ្ឋមន្ត្រីបានដាក់បទបញ្ជាដល់អភិបាលរាជធានី-ខេត្តនូវគោលការណ៍ដូចតទៅ៖
១-គ្រួសារមានសមាជិកស្លាប់ដោយកូវីដ-១៩ រដ្ឋនឹងជួយបង់ថ្លៃទឹក និងថ្លៃអគ្គិសនី រយៈពេល៥ខែ ថវិកា១០លានរៀល និងអង្ករ១០០គីឡូក្រាម
២-គ្រួសារដែលមានសមាជិកទទួលរងកូវីដ-១៩ រដ្ឋនឹងជួយបង់ថ្លៃទឹកស្អាត និងថ្លៃអគ្គិសនី រយៈពេល៣ខែ។
៣-គ្រួសារដែលត្រូវធ្វើចត្តាឡីស័ក រដ្ឋនឹងឧបត្ថម្ភថវិកា៣០ម៉ឺន/គ្រួសារ និងបង់ជំនួសនូវថ្លៃប្រើប្រាស់ទឹក អគ្គិសនី ក្នុងរយៈពេល២ខែ៖
- អ្នកនៅក្រៅតំបន់បិទខ្ទប់ ទទួលបានដូចគោលការណ៍ខាងលើ- អ្នកនៅក្នុងតំបន់បិទខ្ទប់ រដ្ឋនឹងផ្ដល់បន្ថែមនូវអង្ករ ២៥Kg មីមួយកេសតូច និងត្រីខ២០កំប៉ុង សម្រាប់ក្រុមគ្រួសារនីមួយៗ- កម្មករ-កម្មការិនី ដែលពាក់ព័ន្ធនឹងកូវីដ-១៩ និងពាក់ព័ន្ធជាមួយនឹងការធ្វើចត្តាឡីស័ក រដ្ឋនឹងបង់ជំនួសនូវថ្លៃទឹក និងថ្លៃអគ្គិសនីក្នុងរយៈពេល២ខែ (បើនៅម្នាក់ឯងក៏ត្រូវចាត់ទុកថាមួយគ្រួសារផងដែរ)។ការប្រកាសបែបនេះ ផ្តល់នូវជំនួយនេអគឺជាការជួយសម្រួលដាក់ជីវភាពរស់នៅរបស់ប្រជាពលរដ្ឋខ្មែរ ដែលកំពុងមានទុក្ខសោកសៅពីការបាត់បង់សមាជិកគ្រួសារ ឲ្យបានធូរស្បើយចិត្តជាងមុន៕
.jpg&h=97&w=146)
