វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5977 នាក់
ម្សិលមិញ 5544 នាក់
សរុប 13947074 នាក់
ភ្នំពេញ៖អ្នកនាំពាក្យស្ថានទូតអាមេរិកប្រចាំកម្ពុជាលោក Chad Roedemeierបដិសេធមិនបកស្រាយរឿងសញ្ញាបត្រ័សាលាបណ្ឌឹតសភាយោធាអាមេរិកwest point របស់លោកឧត្តមសេនីយ៍ហ៊ុនម៉ាណែតតបទៅនិងសំណួរចាក់ដោតដែលសម្តេចតេជោហ៊ុនសែនបានលើកឡើងក្នុងពិធីប្រគល់រង្វាន់ដល់ជ័យលាភីមេដាយមាសកីឡាប៉េតតង់កំរឹតពីភពលោកអ្នកស្រីអ៊ុកស្រីមុំដោយស្នើឲ្យលោកឯកអគ្គរដ្ឋទូតអាមេរិកប្រចាំកម្ពុជាបកស្រាយនោះទេ។
មូលហេតុព្រោះបញ្ហាសញ្ញាបត្រលោក ហ៊ុន ម៉ាណែត ត្រូវបានសាលាទាហានអាមេរិក West Point បកស្រាយរួចហើយកាលពីឆ្នាំ២០១៩ ដែលមានន័យថាស្ដង់ដាសញ្ញាបត្ររបស់សាលាអាមេរិកមិនមានការបែងចែកស្ដង់ដារកម្រិត២ ឬសញ្ញាបត្រយោគយល់ដូចដែលលោក សម រង្ស៊ី លើកឡើងនោះទេ។ ឆ្លើយតបនឹងសារអេឡិចត្រូនិចអ៊ីម៉ែលរបស់ EAC Newsលោក Chad Roedemeier បានបញ្ជាក់ប្រាប់ ថាស្ថានទូតមិនអាចឆ្លើយតបរឿងសញ្ញាបត្រជំនួសសាលារបស់អាមេរិកនោះទេ តែលោកថាករណីសញ្ញាបត្ររបស់លោក ហ៊ុន ម៉ាណែត ត្រូវបានសាលា West Point បកស្រាយរួចហើយកាលពីខែតុលា ឆ្នាំ២០១៩ ដែលពេលនោះប្រធានផ្នែកកិច្ចការសាធារណៈ និងទំនាក់ទំនងនៅសាលាបណ្ឌិត្យសភាយោធាអាមេរិក West Point លោក Christopher Ophardt បានបញ្ជាក់កាលពីខែតុលា ឆ្នាំ២០១៩ថា ការអនុញ្ញាតដល់សិស្សអន្តរជាតិបានមកសិក្សានៅសាលាបណ្ឌិតសភាអាមេរិក West Point គឺជាគំនិតផ្ដួចផ្ដើមរបស់ក្រសួងការបរទេសនិងក្រសួងការពារជាតិអាមេរិក។
ហើយរបៀបនៃជ្រើសរើស ការសិក្សា និងបណ្ដុះបណ្ដាលយោធាគឺដូចគ្នាទៅនឹងសិស្សជនជាតិអាមេរិកដូចគ្នា។ គ្មានការបែងចែកសិស្សកម្រិត២ ឬសិស្សទទួលបានការយោគយល់នោះទេ។ថ្លែងក្នុងពិធីប្រគល់ប្រាក់រង្វាន់ជូនកីឡាការិនី អ៊ុក ស្រីមុំ បន្ទាប់ពីដណ្ដើមបានមេដាយមាសពិភពលោក នៅវិមាន សន្តិភាព នាព្រឹកថ្ងៃទី៥ ខែមករា ឆ្នាំ២០២២នេះ សម្តេចតេជោ ហ៊ុន សែន បានថ្លែងថា សម្តេចតែងឱ្យ តម្លៃដល់ការអប់រំនិង មិនដែលបន្ទោសបង្អាប់ដល់កូនអ្នកណាមួយ ក្នុងរឿងសិក្សារបស់គេនោះទេ តែគេតែងតែវាយ ប្រហារលើការរៀនសូត្ររបស់កូនសម្តេចជាបន្តបន្ទាប់។
សម្តេចតេជោ ៖ «និយាយរួមខ្ញុំផ្ដល់ការលើកទឹក មិនថាកូនគេ កូនខ្ញុំទេឱ្យតែរៀនពូកែ! ខ្ញុំមិនដែលបន្ទោស បង្អាប់កូនមេដឹកនាំណាមួយទោះបីជាកូនមេដឹកនាំហ្នឹងនៅខាងបក្សប្រឆាំងក៏ខ្ញុំមិនដែលបានទៅបន្ទោសបង្អាប់ កូនរបស់គេទេ។ ប៉ុន្តែគេមិនទុកឱកាសសូម្បីតែកូនរបស់ខ្ញុំ ក៏គេវាយមិនឈប់» ។
សម្ដេចតេជោថ្លែងដោយសំណួរចាក់ដោតថា៖ «អាចនឹងនិយាយបានទេពីបញ្ហា ហ្នឹង! ដែលថាសាលា West Point មានកម្រិតជា សញ្ញាបត្រប្រភេទ២ឬសញ្ញាបត្រកិត្តយស។
តើ សហរដ្ឋអាមេរិកការពារជនខិលខូច ឬការពារសាលាអាមេរិក? មិនមែនការពារ ហ៊ុន ម៉ាណែត ទេ! គឺការពារ សាលា។ អញ្ចឹងទេគឺមានតែសហរដ្ឋអាមេរិក និង អង់គ្លេស ដើម្បីការពារស្ថាប័នអបរំរបស់ខ្លួនគឺមានតែ ចេញមកបញ្ជាក់អញ្ចឹងទៅ។ ហើយបើថាចេញមកបញ្ជាក់ អញ្ចឹងទៅហាក់បីដូចជាវាយប្រហារចំពោះអ្នកដែលបាន និយាយ។ អើ! អញ្ចឹងទុកអញ្ចឹងទៅ យើងក៏សម្គាល់មើល អាហ្នឹងដែរ។ តើគេការពារស្ថាប័នអប់រំរបស់គេ ឬគេ ការពារមនុស្សខិលខូច? យើងក៏សម្គាល់មើលរឿងហ្នឹង ដែរ»។