វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3069 នាក់
ម្សិលមិញ 4140 នាក់
សរុប 14165459 នាក់
កំពង់ឆ្នាំង៖នៅថ្ងៃទី២៨ ខែវិច្ឆិកា ឆ្នាំ២០២០ក្រុមការងារមួយរបស់ក្រសួងសុខាភិបាលត្រូវបានចាត់តាំងឲ្យចុះសហការជាមួយអាជ្ញាធរមូលដ្ឋានដើម្បីពិនិត្យករណីពុលស្រា នៅក្នុងពិធីបុណ្យសពអ្នកពុលថ្នាំដោយសាផឹកទឹកអណ្តូង ក្នុងខេត្តកំពង់ឆ្នាំង បណ្តាលឱ្យមានមនុស្សស្លាប់។
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលឲ្យដឹងថា ក្រុមការងារក្រសួងសុខាភិបាលដែលចុះពិនិត្យករណីខាងលើនេះ ដឹកនាំដោយ លោកសាស្ត្រាចារ្យ ស៊ា ហួង រដ្ឋលេខាធិការក្រសួងសុខាភិបាល រួមដំណេីរដោយ លោកវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល និងលោកវេជ្ជបណ្ឌិត ង៉ូវ កាង អគ្គាធិការរងនៃអគ្គាធិការដ្ឋានក្រសួងសុខាភិបាល។
បើតាមអ្នកនាំពាក្យក្រសួងសុខាភិបាល, បច្ចុប្បន្ន អ្នកសង្ស័យថា ពុលស្រាចំនួន០៤នាក់ (ស្រី២នាក់ និងប្រុស២នាក់) មានសភាពធ្ងន់ធ្ងរ ត្រូវបានបញ្ជូនមកសង្គ្រោះនៅមន្ទីរពេទ្យខេត្តកំពង់ឆ្នាំង។ សូមបញ្ជាក់ថា មុននឹងមានករណីពុលស្រាសក្នុងកម្មវិធីបុណ្យសពនេះ គឺមានស្ត្រី២នាក់បានស្លាប់បន្ទាប់ពីបញ្ជូនមកសង្គ្រោះបន្ទាន់នៅមន្ទីរបង្អែកខេត្ត និង១៣នាក់ផ្សេងទៀតដែលចុះច្រូតស្រូវជាមួយគ្នា មានអាការៈធ្ងន់ និងស្រាលកំពុងសង្គ្រោះបន្ទាន់ បន្ទាប់ពីពួកគាត់បាននាំគ្នាហូបទឹកអណ្តូងនៅតាមវាលស្រែ ពេលសម្រាកហូបបាយថ្ងៃត្រង់រួច កាលពីថ្ងៃទី២៥ ខែវិច្ឆិកា ឆ្នាំ២០២០ នៅភូមិជីប្រ៉ង ឃុំជៀប ស្រុកទឹកផុស ខេត្តកំពង់ឆ្នាំង។ ជនរងគ្រោះដែលស្លាប់ក្នុងករណីពុលទឹកនេះម្នាក់ឈ្មោះ ណុល វ៉ារ៉ុម អាយុ៤៥ឆ្នាំ និងម្នាក់ទៀតឈ្មោះ ម៉ៅ ចិន្តា អាយុ៤៧ឆ្នាំ ទាំងពីរនាក់រស់នៅភូមិជីប្រង ឃុំជៀប ស្រុកទឹកផុស ខេត្តកំពង់ឆ្នាំង។ករណិយ៍នេះសមត្តកិច្ចបានឃាត់ខ្លួនជនសង្ស័យឈ្មោះ ជា វិត អាយុ ៤៦ឆ្នាំ រស់នៅក្នុងភូមិទ័ពតាឡាត់ឃុំជៀប ស្រុកទឹកផុស ។
ស្នងការរងនគរបាលខេត្តកំពង់ឆ្នាំងលោកឧត្តមសេនីយ៍ត្រីប៉ុលវុទ្ធីបានឲ្យដឹងថាបន្ទាប់ពីមានករណីពុលទឹកកម្លាំងនគរបាលខេត្តបានធ្វើការស្រាវជ្រាវអំពីមូលហេតុនៃគ្រោះថ្នាក់។តាមការស្រាវជ្រាវឃើញថានៅមុនពេលកើតហេតុជនសង្ស័យបានយកធុងថ្នាំនិងសម្ភារៈទៅលាងនៅអណ្ដូងទឹកដែលនៅជិតនោះចំនួនបីធុង។ការលាងនេះបន្ទាប់ពីបានបាញ់ថ្នាំឪឡឹករួច។លោកបន្តថាអណ្តូងទឹកនេះស្ថិតនៅក្នុងចម្ការរបស់ជនសង្ស័យ។ក្រោយការលាងសម្អាតរួចជនសង្ស័យបានយកសម្បកថ្នាំបាញ់សម្លាប់សត្វល្អិតបីប្រភេទដាក់ជាសញ្ញាឲ្យប្រជាពលរដ្ឋបានដឹងដែរ។
បន្ទាប់មកក៏មានមនុស្សស្រីប្រុសប្រមាណជាង៣០នាក់ ត្រូវដឹកសង្គ្រោះបន្ទាន់មកមន្ទីរពេទ្យបង្អែកខេត្តកំពង់ឆ្នាំងជាបន្តបន្ទាប់ ដែលសង្ស័យថានាំគ្នាផឹកស្រាកំដរបុណ្យសព កាលពីវេលាម៉ោងប្រមាណជាង៤រសៀលថ្ងៃទី២៨ ខែវិច្ឆិកា ឆ្នាំ២០២០ នៅស្រុកទឹកផុស ខេត្តកំពង់ឆ្នាំង ។