សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 3831 នាក់

ម្សិលមិញ 10264 នាក់

សរុប 14143013 នាក់

មេយោធាផ្កាយ២ភ្លន់ តារា មិនទាន់មានករណីចាត់ការច្បាប់ឃុំខ្លួនដូចឧត្តមសេនីយ៍ត្រីស៊ុំសុជាតិស្នងការរងនគរបាលខេត្តកំពង់ឆ្នាំងនៅឡើយទេ បើទោះណាមានប្រភពនានាលើកឡើងថា មានពាក់ព័ន្ធនិងករណីដីធ្លីដ៏រសើប ក៏ដោយ!

03-April-2024 / ព័ត៌មានជាតិ

បន្ទាយមានជ័យ៖លោក ភ្លន់តារា ត្រូវបានគេស្គាល់ថាជាអតីតជាមេយោធា ខេត្តបម្ទាយមានជ័យ និងជាឈ្មួញ រកស៊ី ជីកកាយយកអាចម៌ដី លក់ដូរ ។ល។ លោក ត្រូវបានប្តូរទួនាទីនិងភារកិច្ច ទៅរងមេបញ្ជាការយោធភូមិភាគទី៥ខែត្តបាត់ដំបង ហើយលោក ត្រូវបានកាសែតក្នុងស្រុក ចុះផ្សាយព្រោងព្រាត ពាក់ព័ន្ធនិង ដីធ្លី នៅ ស្រុកភ្នំស្រុក ខេត្តបន្ទាយមានជ័យ និង ចុងក្រោយនេះ លោក ផ្កាយ២ រូបនេះ ត្រូវសារព័ត៌មានជាច្រើន អង្គភាព ផ្សាយថា មានជាប់ពាក់ព័ន្ធនឹងដី ព្រៃលិចទឹកជួបឹងទន្លេសាបផងដែរ ។ a b dara

យ៉ាងណា នារសៀលថ្ងៃទី២៨ធ្នូ២០២១មេយោធាខាងលើត្រូវកាសែតផ្សាយថា លោក បានត្រូវមន្ត្រីអន្តរក្រសួងកោះហៅឲ្យបំភ្លឺនៅ សាលាខេត្តបន្ទាយមានជ័យជុំវិញ បទល្មើសកាប់ទន្ទ្រានយកដីព្រៃលិចទឹក ដែរ។ប្រភពពីសារពត៍មាន ក្នុងពេលចូលបំភ្លឺ ចំពោះមុខគណៈកម្មការបង្ក្រាប បទល្មើសកាប់ទន្ទ្រានដីព្រៃលិចទឹក តំបន់៣ ក្នុងខេត្តបន្ទាយមានជ័យ លោកឧត្តមសេនីយ៍ទោ ភ្លន់ តារា មេបញ្ជាការរងយោធភូមិភាគទី៥ បានឆ្លើយសារភាពថា ខ្លួនមានដីព្រៃលិចទឹកត្រឹម១០០ហិកតាតែប៉ុណ្ណោះ ។

ជាងនេះទៅទៀត ផ្កាយ២ ភ្លន់ តារាគេថា ជាមេកើយម្នាក់ដែលមិនចេះទទួលខុសត្រូវ ដោយបានឆ្លើយទម្លាក់កំហុស ដាក់មេការទៅវិញថា មេការឈូសឆាយដីព្រៃលិចទឹក មិនបានឆ្លងយោបល់ពីខ្លួន ដែលជាមេកើយ ខណៈមេការរូបនោះ និងមេឃុំម្នាក់ត្រូវបានឃាត់ខ្លួន កាលពីពេលថ្មីៗនេះ ។
យោងតាមរបាយការណ៍ របស់គណៈកម្មការអន្តរក្រសួង ចុះបង្ក្រាបបទល្មើស រំលោភទន្ទ្រានដីព្រៃលិចទឹក តំបន់បឹងទន្លេសាប បានឱ្យដឹងថា លោកឧត្តមសេនីយ៍ទោ ភ្លន់ តារា មេបញ្ជាការរង យោធភូមិភាគទី៥ បានកាប់បំផ្លាញព្រៃលិចទឹក និងទន្ទ្រានយកដី ដោយខុសច្បាប់ ប្រមាណ៦០០ហិកតា នៅតំបន់៣ ខេត្តបន្ទាយមានជ័យ ។

ជាមួយគ្នានោះ ឧត្តមសេនីយ៍ ភ្លន់ តារា អតីតមេបញ្ជាការតំបន់ប្រតិបត្តិការសឹករង ខេត្តបន្ទាយមានជ័យ ក៏បានប្រមូលយកដីចំនួន ១៥០ហិកតា នៅស្រុកភ្នំស្រុក ខេត្តបន្ទាយមានជ័យ សម្រាប់កងទ័ពបង្កបង្កើនផល និងចិញ្ចឹមសត្វទៅលក់ឲ្យឈ្មួញជាបន្តបន្ទាប់ ចាប់ពីអំឡុងឆ្នាំ២០១២ រហូតដល់ដើមឆ្នាំ២០១៦ ។

ប្រភពពី មន្ត្រីក្រៅរដ្ឋាភិបាល ប្រចាំការនៅ ខេត្តបន្ទាយមានជ័យ បានឲ្យដឹងថា របៀបវារៈ របស់លោក ផ្កាយ២ គឺជា ករណីសង្ស័យ ហើយត្រូវបានអញ្ជើញឲ្យចូលរួមផ្តល់សក្ខីកម្មតែប៉ុណ្ណោះ។ប៉ុន្តែបើគេរកឃើញថា គាត់មានជាប់ពាក់ព័ន្ធមែននោះគេនឹងបន្តនិតិវិធីថ្មីមួយទៀត ។ គឺរុញឲ្យនគរបាលយុត្តិធម៌កសាងសំណុំរឿងបញ្ជូនទៅអយ្យការ ដើម្បីធ្វើការចោទប្រកាន់ទៅតាមផ្លូវច្បាប់ហើយ ។

ជុំវិញករណី ព័ត៌មានថាមានការចាប់ខ្លួនលោកផ្កាយ២អតិតមេយោធាខេត្ត បន្ទាយមានជ័យនោះ នារសៀលថ្ងៃទី២៨ខែធ្នូឆ្នាំ២០២១ សារព័ត៌មានយើងបានសាកសួរ មន្ត្រីអាវុធហត្ថខេត្តម្នាក់ ដែលស្និទ្ធស្នាល និងលោក មេបញ្ជាការខាងលើ លោកថា មិនមានករណី ចាប់ខ្លួនទេ គឺឮថា ហៅសួរនាំដើម្បី ផ្តល់សក្ខីកម្ម ករណីមានជាប់ពាក់ព័ន្ធនឹងដីព្រៃលិចបឹងទន្លេសាបរាប់សិបហិកតាតែប៉ុណ្ណោះ! ។ a b dara1 a b dara2 a b dara3