វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5606 នាក់
ម្សិលមិញ 5378 នាក់
សរុប 14084899 នាក់
ភ្នំពេញ៖អយ្យការឲ្យចាប់ខ្លួនលោកយីកុយអនុរដ្ឋលេខាធិការក្រសួងការពារជាតិ បទផ្តើមគំនិតក្នុងអំពើក្លែងបន្លំឯកសារសាធារណៈបាន១ដង្ហើមចង្រឹត រួចដោះលែងវិញ!។
បន្ទាប់ពីនគរបាលចាប់បានហើយកាលពីព្រឹកថ្ងៃទី១០ ខែមករា ឆ្នាំ២០២២លោក សាយ ណូរ៉ា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានចេញដីកាអមសម្រេចឱ្យឃុំខ្លួនមន្ត្រីយោធាពាក់ផ្កាយ៣ម្នាក់ ដាក់ពន្ធនាគារ ពីបទផ្តើមគំនិតក្នុងអំពើក្លែងបន្លំឯកសារសាធារណៈ ដោយរង់ចាំសវនាការលើអង្គសេចក្តី អនុវត្តទៅតាមសាលដីកាបង្គាប់ឱ្យចាប់ខ្លួន និងឃុំខ្លួនរបស់លោក ឃុន លាងម៉េង ប្រធានក្រុមប្រឹក្សាជំនុំជម្រះទី៣ នៃសាលាឧទ្ធរណ៍។
លោក យី កុយ អនុរដ្ឋលេខាធិការក្រសួងការពារជាតិ ភេទប្រុស អាយុ៧៣ឆ្នាំ អតីតមន្ត្រីជាន់ខ្ពស់បម្រើការងារនៅអគ្គលេខាធិការដ្ឋាននៃក្រសួងការពារជាតិ និងស្នាក់នៅផ្ទះលេខ២០៥B ដីឡូត៍លេខ៥ ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ត្រូវបានកម្លាំងសមត្តកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ធ្វើការឃាត់ខ្លួនកាលពីវេលាម៉ោង៩ព្រឹក ថ្ងៃទី៩ ខែមករា ឆ្នាំ២០២២ នៅចំណុចមុខសាលាសង្កាត់ចាក់អង្រែក្រោម ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ រួចបញ្ជូនមកកាន់សាលាដំបូងរាជធានីភ្នំពេញ។
ការចាប់ខ្លួនអនុរដ្ឋលេខាធិការរូបនេះសមត្តកិច្ចនគរបាលរាជធានីភ្នំពេញអតាមសាលដីកាបង្គាប់ឱ្យចាប់ខ្លួន និងឃុំខ្លួនរបស់លោក ឃុន លាងម៉េង ប្រធានក្រុមប្រឹក្សាជំនុំជម្រះទី៣ នៃសាលាឧទ្ធរណ៍បង្គាប់ឱ្យចាប់ខ្លួន និងឃុំខ្លួន។លោកផ្កាយ៣ យី កុយ ត្រូវបានតុលាការដាក់ឱ្យស្ថិតក្រោមការត្រួតពិនិត្យពីបទផ្តើមគំនិតក្នុងអំពើក្លែងបន្លំឯកសារសាធារណៈ ប្រព្រឹត្តនៅចំណុចភូមិក្រាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី០៩ ខែឧសភា ឆ្នាំ២០១៤ តាមបញ្ញត្តិមាត្រា ២៨ និងមាត្រា៦២៩ នៃក្រមព្រហ្មទណ្ឌ ។
តែពេលអយ្យការអមសាលាដំបូងរាជធានីភ្នំពេញបានចេញដីការឱ្យសមត្តកិច្ចយកជនសង្ស័យទៅឃុំខ្លួន លុះពេលដឹកទៅដល់ពាក់កណ្តាលផ្លូវ ស្រាប់តែមានបទបញ្ជាឱ្យសមត្ថកិច្ចដឹកមន្ត្រីយោធាផ្កាយ៣នោះវិលត្រឡប់ទៅកាន់សាលាដំបូងរាជធានីភ្នំពេញវិញ ។ លុះមកដល់វេលាម៉ោង២រសៀលថ្ងៃដដែលនេះ គេបានឃើញលោកផ្កាយ៣យោធា យី កុយ ហៅផាសអាប់ជិះចេញពីសាលាដំបូងរាជធានីភ្នំពេញទៅផ្ទះវិញយ៉ាងរំភើយផាត់ ។ការដោះលែងនេះលោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ថា ការដោះលែង តាមរយៈដីកាដំណោះស្រាយលើកលែងការចោទប្រកាន់របស់ចៅក្រមស៊ើបសួរ ?។ហេតុអីលើកលែងការចោទប្រកាសស្រួលម្លេះឬមួយជនជាប់ចោទផ្តល់សេវាហើយ?។