វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2703 នាក់
ម្សិលមិញ 6501 នាក់
សរុប 13951258 នាក់
ប្រទេសកូរ៉េខាងត្បូង៖ អតីតប្រធានាធិបតីកូរ៉េខាងត្បូងលោកស្រី ប៉ាក់ហ្គឿនហេ(Park Geun Hye) អាយុ៦៩ឆ្នាំដែលកំពុងតែជាប់ឃុំដោយសារតែប្រព្រឹត្តអំពើពុករលួយនោះ ពេលនេះទទួលបានការលើកលែងទោសហើយនៅថ្ងៃទី២៤ខែធ្នូ ។
សារព័ត៌មានរ៉យទ័រ បានដកស្រង់សម្តីរដ្ឋមន្ត្រីក្រសួងយុត្តិធម៌លោក Park Beom Kye ដែលបានប្រកាសនៅក្នុងសន្និសីទកាសែតថា «យើងបានអនុញ្ញាតឱ្យអតីតប្រធានាធិបតី Park Geun Hye ឆ្លងផុតអតីតកាលដែលគួរឱ្យសោកស្តាយរបស់លោកស្រីហើយ។ ទាំងនោះគឺដើម្បីសាមគ្គីជាតិសាសន៍ និងផ្តល់ឱកាសដើម្បីអនាគតរបស់គាត់»។ការសម្រេចលើកលែងទោសឱ្យអតីតប្រធានាធិបតីនេះកើតឡើងក្រោយពេលក្រុមអ្នកនយោបាយ មកពីគណបក្សប្រឆាំង និងក្រុមអ្នកគាំទ្របានអំពាវនាវឱ្យលើកលែងទោសដល់អតីតប្រធានាធិបតី Park Geun Hye មុនពេលបោះឆ្នោតប្រធានាធិបតីនៅខែមីនាឆ្នាំ២០២២។
កាលពីខែមករា តុលាការជាន់ខ្ពស់កូរ៉េខាងត្បូង បានរក្សាទោសជាប់គុក២០ឆ្នាំដល់អតីតប្រធានាធិបតី Park Geun Hye ពីបទពុករលួយ ទទួលសំណូក ។ ប៉ុន្តែតុលាការក៏បានបើកផ្លូវពីការលើកលែងទោសដល់លោកស្រីផងដែរ។លោកស្រី Park Geun Hye បានក្លាយជាប្រធានាធិបតីស្រីដំបូងបង្អស់របស់កូរ៉េខាងត្បូងនៅឆ្នាំ២០១៣ ។ លោកស្រីត្រូវបានដកហូតតំណែងដោយសារតែរួមគំនិតជាមួយមនុស្សជំនិតទទួលសំណូកបានប្រាក់រាប់ពាន់លានវុនពីក្រុមហ៊ុនធំៗក្នុងប្រទេសកូរ៉េ។ លោកស្រី Park Geun Hye ត្រូវបានឃុំខ្លួនតាំងពីថ្ងៃទី៣១ខែមករាឆ្នាំ ២០១៧ ។