វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7466 នាក់
ម្សិលមិញ 8227 នាក់
សរុប 14134347 នាក់
ភ្នំពេញ៖នៅព្រឹកថ្ងៃទី៧ ខែធ្នូ ឆ្នាំ២០២១ កញ្ញា សេង ធារីអនិកជនអាមេរិកាំង អ្នកច្បាប់និងជាអ្នកធ្វើការខាងការពារ សិទ្ធិមនុស្សដែលបានក្លាយខ្លួនជាសកម្មជននយោបាយប្រឆាំង បានកោរសក់ស្លៀកសម្លៀកបំពាក់ល្ខោនអប្សារា កាន់ផ្កាឈូក បាននិយាយចោទប្រកាន់ តុលាការរាជធានីភ្នំពេញ ថាជា «តុលាការល្ខោននយោបាយ»។
សម្រាប់តុលាការវិញបានចោទប្រកាន់ក្រមុំចាស់ សេង ធារី ក្នុងបទល្មើស «រួមគំនិតក្បត់» និង«ញុះញង់បង្កឲ្យមានភាពវឹកវរធ្ងន់ធ្ងរ ដល់សន្តិសុខសង្គម» ជាមួយសកម្មជនអតីតគណបក្សសង្គ្រោះជាតិជាច្រើននាក់ទៀត។ មូលហេតុ ដោយសារតែនាង សេង ធារី បានចូលរួមក្នុងសកម្មភាពគាំទ្រគម្រោងធ្វើដំណើរវិលចូល ប្រទេសកម្ពុជារបស់លោក សម រង្ស៊ី កាលពីថ្ងៃទី៩ ខែវិច្ឆិកា ឆ្នាំ២០១៩។ ការប្រកាសរបស់លោកសមរង្ស៊ី កាលណោះ ត្រូវបានតុលាការ ចោទប្រកាន់ថា ជាផែនការប៉ុនប៉ងធ្វើរដ្ឋប្រហារផ្តួលរំលំរាជរដ្ឋាភិបាលស្របច្បាប់ដឹកនាំដោយសម្តេចតេជោ ហ៊ុន សែន។តែមិនទាន់ឭថាតុលាការធើកអនិកជនក្រមុំចាស់ម្នាក់នេះបែបណានៅឡើយទេ!។
ដោយសាររបាំអប្សរា គឺជារបាំមួយ ក្នុងបណ្តារបាំព្រះរាជទ្រព្យ ឬរបាំក្បាច់បុរាណខ្មែរ ដែលត្រូវបានអង្គការយូណេស្កូ ទទួលចុះក្នុងបញ្ជីបេតិកភណ្ឌអរូបរីនៃមនុស្សជាតិ ( Intangible Heritage of Humanity) កាលពីថ្ងៃទី៣ ខែវិច្ឆិកា ឆ្នាំ២០០៣។ របាំអប្សរា គឺជារបាំមួយ ដែលស្ថិតក្នុងរបាំព្រះរាជទ្រព្យ មានឈ្មោះល្បីល្បាញ និងបានលើកតម្កើងកិត្តិយសវប្បធម៌ អរិយ្យធម៌ប្រទេសជាតិ ធ្វើឲ្យពិភពលោក ទទួលស្គាល់ខ្មែរ។ ដូចនេះ ករណីយ៍ស្ត្រីខ្មែរអាម៉េរិក សេង ធារី យកមកស្លៀកពាក់ ហើយកោរសក់តាំងខ្លួនជាសកម្មជន នយោបាយ ឌឺតុលាការដូចអ្នកមានចម្ងឺអូទីហ្សឹមនោះនាងត្រូវ រងការរិះគន់ថាធ្វើឲ្យ ប៉ះពាល់ដល់សិល្បៈវប្បធម៌ អរិយធម៌ដ៏ផូរផង់របស់ជាតិ ។
កញ្ញា សេង ចាន់ធារីកើតនៅឆ្នាំ១៩៧១ បានភៀសខ្លួន ទៅរស់នៅអាម៉េរិក ជាមួយនឹងប្អូនប្រុស នៅឆ្នាំ១៩៧៩ ហើយឪពុកម្តាយរបស់នាង ត្រូវបានស្លាប់ក្នុងរបបខ្មែរក្រហម។ នៅឆ្នាំ២០០៤ នាងបានវិលត្រលប់មកកម្ពុជា ហើយក៏មានជម្លោះដណ្តើមតួនាទីជាប្រធានមជ្ឈមណ្ឌលអភិវឌ្ឍន៍សង្គម ជាមួយនឹងលោកស្រី ជា វណ្ណាត។ ទីបំផុត កញ្ញា សេង ធារី បានក្លាយជាប្រធានមជ្ឈមណ្ឌលអភិវឌ្ឍន៍សង្គម ហើយប៉ុន្មានឆ្នាំក្រោយមក ក៏ដឹកនាំរលាយអង្គការសង្គមស៊ីវិល ផ្នែកអភិវឌ្ឍន៍សង្គមនោះបាត់ទៅ។
ពេលតុលាការខ្មែរក្រហម បង្កើតឡើង ដើម្បីកាត់ទោសអតីតមេដឹកនាំខ្មែរក្រហមកំពូលៗ កញ្ញា សេង ធារីដែលឈរ ធ្វើជាដើមបណ្តឹងរដ្ឋប្បវេណី ក៏ថ្លាប់បានយំឡាំប៉ា ក្រោយតុលាការ សម្រេចផ្តន្ទាទោសអតីតមេដឹកនាំខ្មែរក្រហម កាំង ហ្គេកអ៊ាវ ហៅ ឌុច អតីតមេគុកទួលស្លែង។បានន័យថាក្រមុំចាស់សេងធាមនុស្សញិញមិនចាញ់លោកស្រីម៉ូសុខហួផងដែរ៕