វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6757 នាក់
ម្សិលមិញ 8227 នាក់
សរុប 14133638 នាក់
ពោធិសាត់៖ជនសង្ស័យជាឃាតកដែលកាប់សម្លាប់លោកនាយសង្កាត់រដ្ឋបាលព្រៃឈើប្រមោយប្លន់យកទ្រព្យសម្បត្តិនោះត្រូវបាននគរបាលខេត្តពោធិសាត់ដឹកនាំដោយលោកឧត្តមសេនីយ៍ត្រីម៉ូលីដាស្នងការរងចាប់ខ្លួនបានហើយ ។
ប្រតិបត្តិការបង្ក្រាបជនសង្ស័យករណីឃាតកម្មខាងលើ ធ្វើឡើងនៅវេលាម៉ោង៩ និង៤០នាទីព្រឹកថ្ងៃសៅរ៍ ទី១៣ ខែវិច្ឆិកា ឆ្នាំ២០២១ នៅត្រង់ចំណុចក្នុងបរិវេណ(វត្តកែវឧត្ដម)ហៅវត្តកណ្ដាល ស្ថិតក្នុងភូមិគល់ទទឹង ឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ ។
លោកឧត្តមសេនីយ៍ត្រី ម៉ូលីដាបានឲ្យដឹងថា ជនសង្ស័យជាឃាតកឈ្មោះ រឿន រ៉ូ ភេទប្រុស អាយុ ១៥ឆ្នាំ ជនជាតិខ្មែរ បច្ចុប្បន្ន រស់នៅភូមិស្ទឹងតូច សង្កាត់រលាប ក្រុង.ខេត្តពោធិ៍សាត់ត្រូវជាក្មេងស៊ីឈ្នួលនៅផ្ទះជាមួយជនរងគ្រោះ ។
កម្លាំងជំនាញរបស់លោកដកហូតវត្ថុតាងម៉ូតូ១គ្រឿងម៉ាកហុងដាឌ្រីម សេ១២៥ ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ ពោធិ៍សាត់ 1I-9761 ។ ចំណែកទូរស័ព្ទម៉ាកអាយហ្វូនចំនួន៣គ្រឿង និងចិញ្ចៀនពេជ្រ១វង់នោះ ជននេះប្រាប់ថាលក់ហើយ ។ករណីឃាតកម្មកាប់សម្លាប់ដោយប្រើកាំបិតផ្គាក់ជាអាវុធកាប់ចំនួន៧កាំបិតនោះ ជនរងគ្រោះជានាយសង្កាត់រដ្ឋបាលព្រៃឈើប្រមោយឈ្មោះ សេង វិសាល ភេទប្រុស អាយុ ៥២ឆ្នាំ ជនជាតិខ្មែរ រស់នៅភូមិពាលញែកទី១ សង្កាត់ផ្ទះព្រៃ ក្រុង.ខេត្តពោធិ៍សាត់ ដើម្បីប្លន់យកទ្រព្យសម្បត្តិ(ម៉ូតូ ចិញ្ចៀនពេជ្រ និងទូរស័ព្ទ)ខាងលើ គឺបានបង្កឡើងកាលពីវេលាម៉ោង៨ និង០០នាទីយប់ថ្ងៃទី៩ ខែវិច្ឆិកា ឆ្នាំ២០២១ រហូតដល់ថ្ងៃ១១វិច្ឆិកាបានដឹង៕