លោកឧត្តម សេនីយ៍ឯក ស ថេត ស្នងការនគរបាលរាជធានីភ្នំពេញថ្មី ប្តេជ្ញាបំរើប្រជា ពលរដ្ឋអោយបានល្អប្រសើរ!
06-April-2025 / សន្តិសុខសង្គម
ភ្នំពេញ: លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានប្តេជ្ញាចិត្តការពារសន្តិសុខ សុវត្ថិភាព និងសណ្តាប់ធ្នាប់នៅក្នុងរាជធានីភ្នំពេញ ឲ្យបានល្អប្រសើរ ដោយសហការជាមួយអាជ្ញាធរពាក់ព័ន្ធ និងជាពិសេសបម្រើសេវាសាធារណៈជូនប្រជាពលរដ្ឋឲ្យបានល្អ។ 
ការប្តេជ្ញានេះ បានធ្វើឡើងនៅក្នុងពិធីចូលកាន់តំណែងជាស្នងការនគរបាលរាជធានីភ្នំពេញ កាលពីរសៀលថ្ងៃទី១១ ខែកញ្ញា ឆ្នាំ២០១៨ នៅស្នងការដ្ឋាននគរបាលរាជធានីភ្នំពេញ ក្រោមអធិបតីភាពឯកឧត្តម ចាន់ អ៊ាន រដ្ឋលេខាធិការក្រសួង មហាផ្ទៃ តំណាងសម្តេចក្រឡាហោម ស ខេង នាយករដ្ឋមន្ត្រីស្តីទីនិងឯកឧត្តមឃួងស្រេងអភិបាលរាជធានីភ្នំពេញ ។ សម្តេចក្រឡាហោម ស ខេង កាលពីថ្ងៃទី១០ ខែកញ្ញា ឆ្នាំ២០១៨ បានចេញប្រកាសប្រគល់ភារកិច្ចជូនលោកឧត្តម សេនីយ៍ឯក ស ថេត ជាស្នងការនគរបាលរាជធានីភ្នំពេញជំនួសលោកនាយឧត្តមសសេនីយ៍ ជួន សុវណ្ណ ដែលត្រូវទៅទទួលតួនាទីថ្មីជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញន ។
ឯកឧត្តមឧត្តមសេនីយ៍ឯក ស ថេត អះអាងថាប្តេជ្ញា អនុវត្តន៍យ៉ាងស្មោះត្រង់បំផុតចំពោះជាតិ សាសនា ព្រះមហា ក្សត្រ គោរព និងប្រតិបត្តិយ៉ាងមុឺងម៉ាត់ចំពោះរដហឋធម្មនុញ នៃព្រះរាជាណាចក្រកម្ពុជា គោរព និងអនុវត្តន៍តាមកម្មវិធីនយោបាយចតុកណដំណាក់កាលទី៤ របសា់ជរដ្ឋាភិបាល ប្រតិបត្តិយ៉ាងម៉ឺងម៉ាត់ និងដោយសច្ចៈធម៌ចំពោះមុខច្បាប់ និងបទបញ្ញត្តិផ្សេងៗរបស់ថ្នាក់ដឹកនាំគ្រប់លំដាប់ថ្នាកម យកអស់ កម្លាំងកាយចិត្តនូវគំនិតប្រាជ្ញា ដើម្បីបំរើសេវាសាធារណជូនប្រជាពលរដ្ឋ រក្សាសាមគ្គីភាពផ្ទៃក្នុង និងអង្គភាពពាក់ព័ន្ធផ្សេងៗទៀតអោយបានល្អបន្ថែមទៀត ។ លោកឧត្តមសេនីយ៍ ឯកបន្តទៀតថា ដើម្បីសម្រេចបានជោគជ័យថ្មីៗបន្ថែមទៀត ត្រូវមានការសហប្រតិបត្តិការជាមួយថ្នាក់ដឹកនាំគ្រប់លំដាប់ ថ្នាក់ នៃស្ថាប័នអង្គភាពពាក់ព័ន្ធ នានាដែលមានកងកម្លាំង ប្រដាប់អាវុធ អាជ្ញាធរមូលដ្ឋាន អង្គការជាតិ អន្តរជាតិក្នុងការ ឆ្លុះបញ្ខាំងសំដៅពីចំណុចអវិជ្ជមានមួយខំនួន ដើម្បីធានា អនុវត្តអោយមានប្រសិទ្ធភាពខ្ពស់ និងទទួលបានជោគជ័យដ៏ ត្រចះត្រចង់ផងដែរ ។
លោកឧត្តមសេនីយ៍ឯកបានបញ្ជាក់សង្កត់ធ្ងន់ថា កត្តាដែលនាំអោយរាជធានីភ្នំពេញមានសន្តិសុខ សណ្តាប់ធ្នាប់ សុវត្ថិភាពល្អ គឺជាជោគជ័យនៃការអនុវត្តគោល នយោបាយចតុកោណអាណត្តិទី៤ របស់រាជរដ្ឋាភិបាល និងការអនុវត្តទិសដៅដែលក្រសួងមហាផ្ទៃ និងអគ្គស្នងការនគរ បាលជាតិបានដាក់ចេញ ។
សូមបញ្ជាក់ថា ក្នុងឱកាសនៃការប្រកាសចូលកាន់តំណែង ជាស្នងការនគរបាលរាជធានីភ្នំពេញ របស់លោកឧត្តម សេនីយ៍ឯក ស ថេត ក៏មានវត្តមានអស់លោក លោកស្រី ជា មន្ត្រីនគរបាលក្រោឱវាទគ្រប់កំដាប់ថ្នាក់នៃស្នងការដ្ឋាននគរ បាលរាជធានី ព្រមទាំងអស់លោក លោកស្រីជាប្រធាន អនុ ប្រធានមន្ទីរពាក់ព័ន្ធ និងវត្តមានលោកអភិបាល អភិបាលរង ខណ្ឌទាំង១២ ក្នុងរាជធានីភ្នំពេញផងដែរ ។
បើទោះបីចាកចេញពីតំណែងជា ស្នងការនគរបាលរាជធានីភ្នំពេញ នាយឧត្តមសេនីយ៍ ជួន សុវណ្ណ បានសន្សល់ទុកលុយជាង១០០០លានរៀល ក្រោយខិតខំសន្សំរយៈពេលជិត៦ឆ្នាំ ឲ្យទៅស្នងការនគរបាលរាជធានីភ្នំពេញថ្មី គឺលោកឧត្តមសេនីយ៍ឯក ស ថេត ដើម្បីត្រៀមបម្រុងផ្គត់ផ្គង់កងកម្លាំង នៅពេលមានហេតុការណ៍ចាំបាច់កើតឡើង។
ក្រៅពីសល់លុយ នាយឧត្តមសេនីយ៍ ជួន សុវណ្ណ ដែលទៅកាន់តំណែងជា អនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដែលមានឋានៈស្មើ រដ្ឋមន្ដ្រី ក៏បានបន្សល់ប្រេងសាំង ចំនួន៤១,០០០លីត, ប្រេងម៉ាស៊ូត ចំនួន៥,០៨៩លីត និងប្រេងម៉ាស៊ីន ចំនួន១,៧៩៥លីត ព្រមទាំងសម្ភារ មធ្យោបាយជាប្រើប្រាស់ក្នុងបេសកកម្ម រក្សាសន្ដិសុខ សណ្ដាប់ធ្នាប់ជាច្រើនផងដែរ។
ថ្លែងក្នុងពិធីប្រកាសផ្ទេរភារកិច្ច និងតែងតាំងមុខតំណែងថ្មី នាយឧត្តមសេនីយ៍ ជួន សុវណ្ណ បានឲ្យដឹងផងដែរថា កាលពីក្នុងតំណែងជាស្នងការរាជធានីភ្នំពេញ លោកបានទិញរថយន្ដ សម្រាប់ដឹកកងកម្លាំង ចំនួន៧២គ្រឿង និងម៉ូតូប្រដេញ ចំនួន៥៨គ្រឿង និងម៉ូតូសារ៉ែន ចំនួន៥០គ្រឿង។នាយឧត្តមសេនីយ៍ ជួន សុវណ្ណបញ្ជាក់ថា ថវិកាទាំងអស់នេះ គឺបានមកពីការខិតខំសន្សំរបស់គណៈស្នងការ ដើម្បីទុកត្រៀមបម្រុង នៅពេលមានសភាពការណ៍ សម្រាប់ផ្គត់ផ្គង់ជូនកងកម្លាំង បង្ការ ទប់ស្កាត់បាតុកម្ម។
ដោយ: ស៊ុន សុផល
