វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1121 នាក់
ម្សិលមិញ 6501 នាក់
សរុប 13949676 នាក់
ប្រទេសតៃវ៉ាន់ៈមេដឹកនាំកោះតៃវ៉ាន់ លោកស្រី ត្សៃ អ៊ីងវិន(Tsai Ing-wen) បានទទួលស្គាល់ជាលើកដំបូងមានទាហានអាមេរិកឈរជើងនៅលើទឹកដី ។
ផ្តល់បទសម្ភាសន៍ជាមួយអ្នកដឹកនាំកម្មវិធី Will Ripley របស់បណ្តាញព័ត៌មាន CNN លោកស្រី ត្សៃ អ៊ីងវិន(Tsai Ing-wen) បានបញ្ជាក់ថា «ការគំរាមកំហែងពីចិនដីគោកនៅតែបន្ត ហើយកាន់តែខ្លាំងជាងមុន»។
ប៉ុន្តែមេដឹកនាំកោះតៃវ៉ាន់បញ្ជាក់ថា ទីក្រុង Taipei បានត្រៀមលក្ខណៈពិភាក្សាជាមួយប្រធានាធិបតីចិន លោកស៊ី ជីនពីន។ ភាគីទាំងពីរគួរតែអង្គុយតុពិភាក្សាស្តីពីសន្តិភាព ។ លោកស្រីបញ្ជាក់ថា គោលដៅរបស់យើង គឺជាការស្ថិតស្ថេរទាំងអស់គ្នាក្រោមម្លប់សន្តិភាព។លោក Ripley បានដាក់សំណួរសួរមេដឹកនាំកោះតៃវ៉ាន់ថា តើមានទាហានអាមេរិកប៉ុន្មានឈរជើងនៅតៃវ៉ាន់? មេដឹកនាំតៃវ៉ាន់លោកស្រីត្សៃ អ៊ីងវិនបានលើកឡើងថា មិនច្រើនដូចដែលអ្នកបានគិតនោះឡើយ។ ប៉ុន្តែលោកស្រីមិនបានបញ្ជាក់ឱ្យបានច្បាស់នូវតួលេខណាមួយនោះឡើយដោយគ្រាន់តែថា មិនច្រើននោះទេ។
កាលពីថ្ងៃទី៧ខែតុលា សារព័ត៌មាន Wall Street Journal បានផ្សាយថា មានទាហានអាមេរិក២០ នាក់នៅកោះតៃវ៉ាន់ដើម្បីហ្វឹកហាត់ដល់កម្លាំងទាហានការពារកោះនេះ។ការប្រកាសខាងលើរបស់មេដឹកនាំកោះតៃវ៉ាន់ ក្រោយពេលប្រធានាធិបតីអាមេរិក លោកចូ បៃឌិន បានប្រកាសពីការសន្យាការពារកោះតៃវ៉ាន់គេចផុតពីការវាយប្រហារឈ្លានពានពីចិនដីគោក។
ប្រតិកម្មក្រោយពីបទសម្ភាសន៍នេះនៅថ្ងៃព្រហស្បតិ៍ ក្រសួងការបរទេសចិនបានប្រកាស ថា ប្រទេសចិន «ប្រឆាំងយ៉ាងដាច់ខាត» ចំពោះរាល់ទម្រង់នៃទំនាក់ទំនង និងការដោះដូរជាផ្លូវការនានា រវាងយោធាសហរដ្ឋអាមេរិក និងកោះតៃវ៉ាន់ ដែលជាតំបន់របស់ប្រទេសចិន។ នេះបើតាមការចេញផ្សាយដោយ សារព័ត៌មានចិន CTGN នារសៀលថ្ងៃព្រហស្បតិ៍ ទី២៨ ខែតុលា ឆ្នាំ២០២១។សូមបញ្ជាក់ថាសព្វថ្ងៃនេះអាមេរិកបាននិងកំពុងដឹកនាំធ្វើធ្វើយុទ្ធនាការនាំតៃវ៉ាន់ចូលក្នុងស្ថាបន័នានារបស់អង្គការសហប្រជាជាតិកន្លែងដែលកោះតៃវ៉ាន់ធ្លាប់កានកាប់រហូតដល់ឆ្នាំ១៨៧១បានអាមេរិកគាំទ្រចិនដីគោកវិញ៕