អាម៉េរិកបញ្ឈប់ជើងហោះហើរយន្តហោះស៊ីវិលទៅកាន់ប្រទេសវ៉ែណេហ្សុយអេឡា
21-September-2026 / ព័ត៌មានអន្តរជាតិ
អាម៉េរិក៖ កាលពីថ្ងៃទី១៥ ខែឧសភា ក្រសួងចរាចរណ៍ អាមេរិក បានប្រកាស ផ្អាករាល់ជើងហោះហើរស៊ីវិល ទាំងអស់ ពីអាមេរិកទៅកាន់ប្រទេសវេណេហ្ស៊ុយអេឡា ក្រោមហេតុផលសន្តិសុខ ។
នាយកដ្ឋានសន្តិសុខមាតុភូមិអាមេរិក កាលពីថ្ងៃទី១៥ ខែឧសភា បានប្រកាសថា ខ្លួនបានសម្រេចចិត្តបញ្ឈប់ជាបន្ទាប់ជើងហោះហើរដឹកអ្នកដំណើរ និងដឹកទំនិញ រវាងសហរដ្ឋអាមេរិក នឹងវេណេហ្ស៊ុយអេឡា ពីព្រោះវិបត្តិនយោបាយនៅក្នុងប្រទេសនេះ បានគំរាមកំហែងដល់សន្តិសុខ សុវត្ថិភាពអ្នកដំណើរ, គំរាមកំហែងដល់យន្តហោះ និងអាកាសយានិក ។
ការសម្រេចចិត្តនេះ នឹងក្លាយជាផលប៉ះពាល់ធ្ងន់ធ្ងរមួយ សម្រាប់ពលរដ្ឋវ៉េណេហ្ស៊ុអេឡារាប់លាននាក់ ដែលពឹងផ្អែកលើការបរិច្ចាគ ឬការផ្ញើប្រាក់ពីសាច់ញាតិនៅបរទេស ដើម្បីបានរស់នៅ ខណៈដែលសេដ្ឋកិច្ចក្នុងប្រទេសរបស់ពួកគេ រងនូវការបំផ្លាញភាគច្រើន មិនថាតែវិស័យឧស្សាហកម្ម ឬកសិកម្ម រដ្ឋាភិបាលបានកាត់បន្ថយការនាំចូល ។ មនុស្សជាច្រើនពឹងផ្អែកលើសេវាដឹកជញ្ជូនផ្លូវអាកាសពីទីក្រុង ម៉ៃអាមី (Miami)ដើម្បីទទួលបានថ្នាំពេទ្យដែលខ្វះខាត, គ្រឿងបន្លាស់យានយន្ត និងម្ហូបអាហារជាដើម ។កាលពីថ្ងៃទី១៥ឧសភានេះដែរអាជ្ញាធរលោកម៉ាឌូរ៉ូបានប្រកាសពីជំនួយចិននឹងមកដល់ប្រទេសវ៉េណេហ្សុយអេឡាឆាប់ៗនេះដែរ។
ដោយឡែកសម្រាប់ការផ្អាកការហោះហើរយន្តហោះស៊ីវិលនេះក្រុមអ្នកឯកទេសវិភាគបានលើកឡើងថា ជាសញ្ញា អាក្រក់មួយសម្រាប់វេណេហ្ស៊ុយអេឡា ដោយអាមេរិក និងសម្ព័ន្ធមិត្តអាចប្រើប្រាស់ កម្លាំងវាយប្រហារទៅលើរដ្ឋាភិបាលរបស់ប្រធានាធិបតីម៉ាឌូរ៉ូ .។ពេលនេះមេបក្សប្រឆាំងលោក Guaido កំពុងពិចារណាស្នើសុំអន្តរគមន៍យោធាពីសហរដ្ឋអាមេរិក ខណៈបេសកជនពិសេស ម្នាក់របស់លោកគ្រោងនឹងជួបជាមួយមន្ត្រីនៃមន្ទីរបញ្ចកោណអាមេរិកនៅសប្ដាហ៍ក្រោយនេះនៅទីក្រុង អូស្លូ (Oslo) ប្រទេសន័រវែស ។ព្រោះចាប់តាំងពីការធ្វើរដ្ឋប្រហារមិនបានសម្រេច កាលពីថ្ងៃទី៣០មេសាឆ្នាំ២០១៩មកប្រធានាធិបតីវេណេហ្ស៊ុយអេឡា បានចាត់វិធានការតឹងតែងបំផុត កម្ចាត់ក្រុមប្រឆាំង នៅក្នុងប្រទេសរបស់លោក ដោយបានកាត់ទោសដាក់ពន្ធនាគារជាច្រើនរូប ក៏ដូចជាដកអភិឯកសិទ្ធិ តំណាងរាស្ត្រក្រុមប្រឆាំងជាច្រើនរូបផងដែរ ។
នៅពេលនេះដែរសភាធម្មនុញ្ញរបស់ប្រធានាធិបតី លោក នីកូឡាស់ ម៉ាឌូរ៉ូ បានដកអភ័យឯកសិទ្ធិសភាពីសមាជិកសភាជាតិនៃគណបក្សប្រឆាំង៥នាក់បន្ថែមទៀត ដើម្បីបើកផ្លូវកាត់ទោសអ្នកទាំងនេះពីបទក្បត់ជាតិ និងបះបោរ បង្កភាពចលាចលក្នុងប្រទេស។ប្រភពព័ត៌មានបានឲ្យដឹងថា តំណាងរាស្ត្រសំខាន់ៗរបស់បក្សប្រឆាំងដែលបានដកហូតអភ័យឯកសិទ្ធិនោះ រួមមាន លោក Juan Andres Mejia, លោក Sergio Vergara, លោក Freddy Superlano, លោក Carlos Paparoni និង លោក Miguel Pizarroដោយចោទថាអ្នកទាំងនេះមានជាប់ពាក់ព័ន្ធនឹងទង្វើធ្វើរដ្ឋប្រហារ មិនបានសម្រេចនៅក្នុងប្រទេសនេះ។សមាជិកសភាគណបក្សប្រឆាំង លោក Stalin Gonzalez រួមជាមួយទីប្រឹក្សានយោបាយ លោក Gerardo Blyde និង លោក Fernando Martinez ក៏បានទៅប្រទេសន័រវែសផងដែរ ។
មន្ត្រីពាក់ព័ន្ធជាច្រើនទៀតដែលចូលរួមក្នុងការសម្របសម្រួលជម្លោះនយោបាយនេះ ក្នុងនោះមានមន្ត្រី ជំនួយការក្នុងកិច្ចព្រមព្រៀងសន្តិភាព កូឡុំប៊ីឆ្នាំ២០១៦ រវាងរដ្ឋាភិបាល និង ពួកឧទ្ទាម FARC ផងដែរ។មេដឹកនាំប្រឆាំង លោកជួន កាយដូ (Juan Guaido) បានប្រកាសខ្លួនឯងថាជាប្រធានាធិបតីបណ្តោះអាសន្ន ហើយហៅការបោះឆ្នោតជ្រើសរើសលោកម៉ាឌូរ៉ូ ជាថ្មីក្នុងឆ្នាំ២០១៨នោះថា ជាការលួចបន្លំ ។ ប្រទេសជាង៥០ ជុំវិញពិភពលោកបានទទួលស្គាល់ លោក កាយដូ ថា ជាប្រធានាធិបតីស្របច្បាប់របស់ប្រទេសនេះ ទោះបីជាលោក មិនត្រួតត្រាយោធា ឬមុខងារជាមូលដ្ឋាននៃអភិបាលកិច្ច ក៏ដោយ ។
