វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 144 នាក់
ម្សិលមិញ 5378 នាក់
សរុប 14079437 នាក់
មីយ៉ាន់ម៉ា៖អាជ្ញាធរមីយ៉ាន់ម៉ាបានការប៉ុនប៉ងរបស់តុលាការឧក្រិដ្ឋកម្មអន្ត្តរជាតិ(ICC)ដើម្បីពិចារណារកកំហុសរបស់មីយ៉ាន់ម៉ាពាក់ពន្ធ័និងការធ្វើអោយជនជាតិភាគតិចអ៊ីស្លាមរ៉ូហ៊ីងយ៉ាប្រមាណ៧សែននាក់ភៀសខ្លួនទៅកាន់ប្រទេសបង់ក្លាដែសកាលពីឆ្នាំមុន។
សេចក្តីថ្លែងការណ៍មួយរបស់ការិយាល័យ លោកស្រីអ៊ុង សានស៊ូជីរដ្ឋមន្ត្រីក្រសួងការបរទេស ចេញកាលពីថ្ងៃព្រហស្បតិ៍ទី៩សីហាបានចាត់ទុកថា តុលាការនៅក្រុងឡាអេមិនមានយុត្តាធិការលើមីយ៉ាន់ម៉ាទេដោយសារខ្លួនមិនជារដ្ឋសមាជិក។សេចក្តីថ្លែងការណ៍បានផ្តល់ហេតុផលថាហេតុអ្វីបានជាខ្លួនមិនឆ្លើយតបផ្លូវការចំពោះសំណើរបស់តុលាការសម្រាប់ការយល់ឃើញរបស់ខ្លួនអំពីការហូរចេញនៃជនរ៉ូហ៊ីងយ៉ា និងបាននិយាយថា សំណួរ”គ្មានមេត្តានិងគួរត្រូវច្រានចោល”។
ពួកអ្នករិះគន់រួមទាំងអ្នកជំនាញអង្គការសហប្រជាជាតិបនាចោទប្រកាន់យោធាមីយ៉ាន់ម៉ាថាបានប្រព្រឹត្តអំពើព្រៃផ្សៃលើជនរ៉ូហ៊ីងយ៉ា ដែលអាចស្មើនឹងការបោសសម្អាតជាតិសាសន៍ ឬក៏អាចថាការប្រល័យពូជសាសន៍។តែរដ្ឋាភិបាលរបស់លោកស្រី អ៊ុង សានស៊ូជី និយាយថាខ្លួនធ្វើប្រតិបត្តិការប្រឆាំងការបះបោរដោយត្រឹមត្រូវតាមច្បាប់ក្នុងការឆ្លើយតបទៅនឹងការវាយប្រហារលើកងកម្លាំងសន្តិសុខដោយជនសកម្មប្រយុទ្ធរ៉ូហ៊ីងយ៉ាកាលពីខែសីហាឆ្នាំមុន។
តុលាការICC បានសុំយោបល់ពីមីយ៉ាន់ម៉ាកាលពីខែមេសា និងក្រោយមកបានកំណត់ថ្ងៃ២៧កក្កដាដើម្បីឆ្លើយតបចំពោះសំណួរថាតើតុលាការនេះគួរមានយុត្តាធិការលើករណីរ៉ូហ៊ីងយ៉ានេះដែរឬអត់។មិនគ្រាន់តែមិនឆ្លើយតប តែរដ្ឋាភិបាលមីយ៉ាន់ម៉ាបានចោទប្រកាន់តុលាការនេះថារំលោភបទដ្ឋានច្បាប់អន្តរជាតិដោយស្វះស្វែងសុំអំណាចច្បាប់លើបញ្ហានេះ ទោះជាមីយ៉ាន់ម៉ាមិនជាភាគីលក្ខន្តិកៈក្រុងរ៉ូមដែលបង្កើតតុលាការនេះក្តី។
សេចក្តីថ្លែងការណ៍ក៏និយាយយោងកិច្ចព្រមព្រៀងសម្រាប់ការវិលត្រឡប់របស់ជនរ៉ូហ៊ីងយ៉ាមកពីបង់ក្លាដែសដែលសកម្មភាពនេះនៅមិនទាន់ត្រូវបានអនុវត្តនៅឡើយ។អង្គការសហប្រជាជាតិបានរិះគន់មីយ៉ាន់ម៉ាថាយឺតយ៉ាវក្នុងការទទួលយកពួកគេត្រឡប់មកវិញ៕