វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1484 នាក់
ម្សិលមិញ 10264 នាក់
សរុប 14140666 នាក់
ចិន៖ អ្នកកាសែត ABC News លោក បៀល បឺតថល (Bill Birtles) និងអ្នកឆ្លើយឆ្លងព័ត៌មាន នៃកាសែត Financial Review លោក មីឆែល ស្មីត (Michael Smith) បានប្រញ៉ាប់ចាកចេញ ពីប្រទេសចិន ក្រោយីអាជ្ញាធរចិន ចាប់ឃុំខ្លួនអ្នកកាសែតជនជាតិអូស្ត្រាលីម្នាក់ ដែលបម្រើការងារឲ្យបណ្ដាញទូរទស្សន៍ចិន CGTN។
ទីភ្នាក់ងារសារព័ត៌មានអន្តរជាតិ Channel News Asia នាព្រឹកថ្ងៃទី៨ ខែកញ្ញា ឆ្នាំ២០២០នេះ បានចុះផ្សាយថា ការប្រញ៉ាប់ចាកចេញនេះ ធ្វើឡើងដោយខ្លាច ប៉ូលិសចិន តាមស្វែងរកដើម្បីសួរចម្លើយ។ គួរបញ្ជាក់ផងដែរថា លោក បឺតថល ជាអ្នកកាសែតប្រចាំទីក្រុងប៉េកាំង និងលោក ស្មីត ជាអ្នកធ្វើការនៅក្នុងទីក្រុងសៀងហៃ (Shanghai) ។មុននិងចាកចេញនេះអ្នកទាំងពីរ បានស្នាក់នៅក្នុងការិយាល័យ ការទូតអូស្ត្រាលីជាច្រើនថ្ងៃ មុនពេលត្រូវបានអនុញ្ញាតឲ្យចាកចេញពីប្រទេសចិន។
លោក បឺតថល និងលោក ស្មីត បានហោះចេញពីទីក្រុងសៀងហៃ អមដំណើរដោយអ្នកការទូតអូស្ត្រាលី កាលពីថ្ងៃចន្ទម្សិលមិញ និងបានទៅដល់ទីក្រុងស៊ីដនី នៅព្រឹកថ្ងៃអង្គារនេះ។ ក្រោយពេលចាកចេញ ក្រុមប៉ូលិសចិន៧នាក់ បានចុះទៅឆែកឆេរនៅក្នុងផ្ទះរបស់លោក បឺតថល ទាំងកណ្ដាលអាធ្រាត្រ កាលពីថ្ងៃព្រហស្បតិ៍សប្ដាហ៍មុន ដើម្បីសាកសួរពីករណីទាក់ទងនឹងសន្តិសុខជាតិ។សូមបញ្ជាក់ថាប្រទេសអូស្ត្រាលីបាននិងកំពុងរងការវាយបកកៀបសង្កត់ពីប្រទេសចិនក្រោយពីប្រទេសអូស្ត្រាលីសហការជាមួយអាមេរិកបើកយុទ្ធនាការប្រឆាំងចិន!។