ស្រីលង្កាដាក់បម្រាមគោចរ បន្ទាប់ពីការបោះឆ្នោតបិទដោយសន្តិវិធី អ្នកប្រឆាំងមានលទ្ធផលនាំមុខ!
03-October-2025 / ព័ត៌មានអន្តរជាតិ
ប្រទេសសេរីលង្កា រដ្ឋាភិបាលប្រទេសស្រីលង្កា បានដាក់ចេញបម្រាមគោចរពេញមួយយប់នៅទូទាំងប្រទេសកាលពីថ្ងៃទី២១ខែកញ្ញា ខណៈលទ្ធផលបោះឆ្នោតបង្ហាញថា គណៈបក្សប្រឆាំងដឹកនាំដោយ លោក Anura Kumara Dissanayaka កំពុងនាំមុខ ។ប៉ូលីសបានប្រកាសបម្រាមគោចររយៈពេលប្រាំបីម៉ោងភ្លាមៗ បន្ទាប់ពីគណៈកម្មាធិការរៀបចំការបោះឆ្នោតឯករាជ្យបាននិយាយថា ការបោះឆ្នោតប្រធានាធិបតីនៅថ្ងៃទី២១ខែកញ្ញាគឺជាការបោះឆ្នោតដែលប្រកបដោយសន្តិភាពបំផុតនៅក្នុងប្រវត្តិសាស្ត្របោះឆ្នោតរបស់ប្រទេសដែនកោះដែលប្រើប្រាស់មូលនិធិកម្ចីពី IMF ដើម្បីធ្វើឲ្យមានស្ថិរភាពសង្គមឡើងវិញ។
ប្រទេសសស្រីលង្កា បានឆ្លងកាត់វិបត្តិសង្គមដ៏ខ្លាំងកាលឆ្នាំ២០២២ ពេលដែលប្រទេសនេះជួបវិបត្តិខ្វះសាច់ប្រាក់បរទេសជាពិសេសប្រាក់ដុល្លារដើម្បីបញ្ជាទិញការនាំចូល នូវប្រភេទគ្រឿងប្រើប្រាស់ចាំបាច់មានស្ករស គ្រឿងអាហារ និង ប្រេងឥន្ធនៈ បានជំរុញឲ្យអតិផរណាហក់ឡើងយ៉ាងខ្លាំងប៉ះពាល់ដល់ប្រជាជន។ប្រជាជននៅពេលនោះ ចាប់ផ្តើមតវ៉ាប្រឆាំងរដ្ឋាភិបាលដែលដែលកាន់អំណាចប្តូរវេនគ្នារវាងសមាជិកក្រុមគ្រួសារនៃអតីតប្រធានាធិបតី Gotabaya Rajapaksa រហូតអាចបណ្តេញប្រធានាធិបតីរូបនេះចេញពីអំណាច ដោយការភៀសខ្លួនទៅក្រៅប្រទេស ប៉ុន្តែរដ្ឋសភាបានបោះឆ្នោតគាំទ្រ លោក Ranil Wickremesinghe ដែលធ្លាប់កាន់តួនាទីជាច្រើន ដូចជា ប្រធានាធិបតីផង នាយករដ្ឋមន្ត្រីផង ដោយឆ្លាស់ចុះឆ្លាស់ឡើងជាមួយ លោក Gotabaya Rajapaksa។
រដ្ឋាភិបាលស្រីលង្កាបានប្រកាសថ្ងៃទី ២៣ ខែកញ្ញា ជាថ្ងៃឈប់សម្រាកសាធារណៈពិសេស ខណៈពេលដែលលទ្ធផលនៃការបោះឆ្នោតនៅថ្ងៃទី២១ ខែកញ្ញា ត្រូវបានគេរំពឹងទុកនៅថ្ងៃទី ២២ខែកញ្ញានេះ។
យោងសេចក្តីរាយការណ៍ មន្ត្រីបោះឆ្នោតម្នាក់បាននិយាយប្រាប់ AFP ដោយលើកឡើងពីតួលេខបណ្ដោះអាសន្នថា ចំនួនអ្នកទៅបោះឆ្នោតមានចំនួនប្រមាណ៧៥ភាគរយ នៅពេលដែលការិយាល័យបោះឆ្នោតបានបិទបន្ទាប់ពីការបោះឆ្នោតរយៈពេលប្រាំបួនម៉ោង។កំណត់ត្រាសម្រាប់ចំនួនអ្នកទៅបោះឆ្នោតនៅក្នុងការបោះឆ្នោតប្រធានាធិបតីស្រីលង្កាត្រូវបានកំណត់មានចំនួន ៨៣,៧២ភាគរយក្នុងឆ្នាំ២០១៩។
លោក Wickremesinghe កំពុងស្វែងរកការបន្តការដឹកនាំប្រទេសដែនកោះនេះ ដើម្បីបន្តវិធានការរឹតបន្តឹងខ្សែក្រវាត់និងផ្លូវរបស់ប្រទេសចិនដែលជាប្រភពហិរញ្ញវត្ថុធ្វើឱ្យសេដ្ឋកិច្ចមានស្ថិរភាព និងបានបញ្ចប់ការខ្វះខាតអាហារ ប្រេងឥន្ធនៈ និងថ្នាំពេទ្យជាច្រើនខែ បន្ទាប់ពីការធ្លាក់ចុះសេដ្ឋកិច្ចដ៏អាក្រក់បំផុតរបស់ប្រទេសស្រីលង្កាក្នុងឆ្នាំ២០២២។ប៉ុន្តែ នៅថ្ងៃអាទិត្យនេះលទ្ធផលបោះឆ្នោតបង្ហាញថា ប្រជាជនចង់ឲ្យមានការផ្លាស់ប្តូរ។ ទាំងប្រមុខបក្សប្រឆាំង និងប្រធានាធិបតីផុតអាណត្តិលោកRail Wickremesinghe រ៉ានីល វីក្រេម៉េស៊ីងហ្កេ ទទួលបានសំឡេងឆ្នោត មិនគ្រប់គ្រាន់ដើម្បីចូលកាន់អំណាចដឹកនាំប្រទេស។ ផ្ទុយទៅវិញ បេក្ខជនប្រធានាធិបតី លោក អានុរ៉ា កុមារ៉ា ឌីស៊ីណាយ៉ាកា(Anura Kumara Dissanayaka០ មកពីគណបក្សរណសិរ្សរំដោះប្រជាជនដែលជាគណបក្សប្រឆាំង នៅ ស្រីលង្កា ជាអ្នកទទួលបានសំឡេងឆ្នោតច្រើនជាងគេ។
បើតាមគណៈកម្មាធិការជាតិរៀបចំការបោះឆ្នោតស្រីលង្កា នៅក្នុងការរាប់សន្លឹកឆ្នោតជាងពាក់កណ្តាលតែប៉ុណ្ណោះ លោក Anura Kumara Dissanayaka អានុរ៉ា កុមារ៉ា ឌីស៊ីណាយ៉ាកាបានទទួលសំឡេងឆ្នោតជាង៤០% ខណៈ មេបក្សប្រឆាំងទទួលបាន ៣៣% ចំណែក លោកប្រធានាធិបតីផុតអាណត្តិ Rail Wickremesinghe រ៉ានីល វីក្រេម៉េស៊ីងហ្កេបានទទួលសំឡេងឆ្នោត១៧%។
ទោះការរាប់សន្លឹកឆ្នោតនៅមិនទាន់ចប់សព្វគ្រប់ ប្រមុខបក្សប្រឆាំង និងសម្ព័ន្ធមិត្តរបស់លោកប្រធានាធិបតីផុតអាណត្តិ ប្រកាសទទួលស្គាល់ជ័យជំនះរបស់គូប្រជែង និងគោរពការសម្រេចចិត្តរបស់ប្រជាជនស្រីលង្កា ដែលបានជ្រើសរើស លោក Anura Kumara Dissanayaka អានុរ៉ា កុមារ៉ា ឌីស៊ីណាយ៉ាកាជាអនាគតប្រធានាធិបតីដឹកនាំស្រីលង្កា។
លោកអានុរ៉ា កុមារ៉ា ឌីស៊ីណាយ៉ាកា( Anura Kumara Dissanayaka )ជាប្រធានគណបក្សរណសិរ្សរំដោះប្រជាជន ដែលមាននិន្នាការម៉ាក់ស៊ីសនិយម។ គណបក្សនេះ កើតចេញពី ក្រុមឧទ្ទាមដែលបានតស៊ូបះបោប្រឆាំងរដ្ឋាភិបាល រហូតកើតចេញជាការប្រយុទ្ធហិង្សា បង្ហូរឈាម សម្លាប់មនុស្សជាង ៨ម៉ឺននាក់ នៅដើម ឆ្នាំ ១៩៧០ និងចុងឆ្នាំ ១៩៨០។ គណបក្សរណសិរ្សរំដោះប្រជាជនបានបោះបង់ចោលការតស៊ូដោយប្រើអាវុធ ដោយងាកមកផ្តោតសំខាន់លើសេដ្ឋកិច្ចរបស់ប្រជាជនវិញ។
សូមបញ្ជាក់ថា នៅក្នុងការបោះឆ្នោតសភាកន្លងទៅ គណបក្សលោកអានុរ៉ា កុមារ៉ា ឌីស៊ីណាយ៉ាកា( Anura Kumara Dissanayaka ) បានទទួលសំឡេងមិនដល់១០%។ ប៉ុន្តែ នៅក្នុងយុទ្ធនាការឃោសនាបោះឆ្នោតប្រធានាធិបតី លោកAnura Kumara Dissanayaka អានុរ៉ា កុមារ៉ា ឌីស៊ីណាយ៉ាកា ផ្តោតខ្លាំងលើការបរិហាថ្នាក់ដឹកនាំពុករលួយ ដែលជាដើមហេតុធ្វើឲ្យស្រីលង្កាជួបចលាចល វឹកវរ រហូតធ្លាក់ខ្លួនជាប់បំណុលរបស់មូលនិធិរូបិយវត្ថុអន្តរជាតិ IMF នៅឆ្នាំ ២០២២។
នៅក្នុងយុទ្ធនាការឃោសនាបោះឆ្នោត លោកAnura Kumara Dissanayaka អានុរ៉ា កុមារ៉ា ឌីស៊ីណាយ៉ាកា មិនត្រឹមសន្យាបង្ក្រាបក្រុមជនពុករលួយ ប៉ុន្តែ លោកសន្យាកាត់បន្ថយពន្ធលើប្រាក់ចំណូល និងពន្ធបន្ថែមលើចំណីអាហារ រួមទាំងថ្នាំសង្កូវដែលដាក់សម្ពាធធ្ងន់លើប្រជាជនស្រីលង្កា។នៅអាទិត្យ លោកAnura Kumara Dissanayaka អានុរ៉ា កុមារ៉ា ឌីស៊ីណាយ៉ាកា បានបញ្ជាក់ដែរថា លោកនឹងមិនលុបចោលកិច្ចសន្យាខ្ចីប្រាក់ពីមូលនិធិរូបិយវត្ថុអន្តរជាតិ ប៉ុន្តែ លោកចង់ចរចាសើរើឡើងវិញខ្លះ ដើម្បីកុំឲ្យបំណុលភ្ជាប់ជាមួយលក្ខខណ្ឌ កៀបសង្កត់កប្រជាជនស្រីលង្កាខ្លាំង ដូចសព្វថ្ងៃ។
នៅឆ្នាំមុននេះ បន្ទាប់ពីចរចាយ៉ាងតឹងតែង រដ្ឋាភិបាលរបស់លោកប្រធានាធិបតី រ៉ានីល វីក្រេមេស៊ីងហ្កេ បានជំនួយឥណទានពីមូលនិធិរូបិយវត្ថុអន្តរជាតិ ប្រមាណ ២,៩ពាន់លានដុល្លារ ប៉ុន្តែ ភ្ជាប់ជាមួយជាមួយលក្ខខណ្ឌឲ្យស្រីលង្កាធ្វើកំណែទម្រង់ស៊ីជម្រៅ។ ជំនួយរបស់IMF បានជួយស្តារសេដ្ឋកិច្ចរបស់ស្រីលង្កាបានល្អប្រសើរជាងមុន ប៉ុន្តែ នយោបាយរឹតបន្តឹងថវិកា តាមរយៈការកាត់បន្ថយការចំណាយសាធារណៈ ការដំឡើងពន្ធបានធ្វើឲ្យប្រជាជនស្រីលង្កាប្រមាណ ១ភាគ៤នៃប្រជាជនសរុប ជាង២២លាននាក់ធ្លាក់ខ្លួនក្នុងភាពក្រីក្រ៕
