វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2978 នាក់
ម្សិលមិញ 6501 នាក់
សរុប 13951533 នាក់
បន្ទាយមានជ័យ៖ ព្រឹកថ្ងៃទី ៧ សីហា ២០១៨ ការិយាល័យនិពន្ធគេហទំព័រ សារព័ត៌មានមាតុភូមិ www.meatophoum.com បានទទួលសេចក្តីរាយការណ៍ តាម តេឡេក្រាម ពីប្រជាពលរដ្ខរស់នៅក្នុងខេត្តបន្ទាយមានជ័យ ពិសេសក្នុង ក្រុងសេរីសោភណ្ឌថា៖ សព្វថ្ងៃពួកគាត់ជាច្រើនគ្រួសាររស់នៅក្នុង ភូមិអូរអំបិល សង្កាត់អូរអំបិល ក្រុងសេរីសោភ្ឌ ខេត្តបន្ទាយ មានជ័យ កំពុងមានការព្រួយបារម្ភជាខ្លាំង ព្រោះឃើញសកម្ម ភាពក្រុមហ៊ុនដាក់គ្រឿងចក្រ ចុះឈូសឆាយដីព្រៃ នៅតំបន់ជិតជើងភ្នំដែលពួក គាត់កំពុងរស់នៅនិងអាស្រ័យផល ពី សំណាក់អ្នកមានលុយមានអំណាច។
ប្រភពពីប្រជាពលរដ្ឋ បានអោយដឹងថា ពួកគាត់ពុំបានឃើញប្លង់ ឬគំរោងនៃការ អភិវឌ្ឍន៍ដីនៅទីតាំងនោះថា ត្រូវគេធ្វើស្តាត ( ពហុកីឡាដ្ឋាន) ពីសំណាក់ក្រុមហ៊ុន ឬអាជ្ញាធរជូនដំណឹងអោយដឹងទេ គឺស្ងាត់ឈឹង។ ថ្មីៗនេះគេឃើញតំណាងក្រុមហ៊ុនវិនិយោគ គឺលោក តាំង គឺមហួត ជាអ្នកម៉ៅការចុះទៅចង្អុលបង្ហាញដីនៅចំណុចនេះ ចំណុចនោះ ប៉ះពាល់ដល់ដីអាស្រ័យផលរបស់ពួកគាត់ជាច្រើនគ្រួសារដែលធ្លាប់កាន់កាប់និងប្រើប្រាស់យូរឆ្នាំមក ហើយ ។
បញ្ហានេះហើយដែលធ្វើអោយពួកគាត់មានការ ព្រួយបារម្ភជាខ្លាំងខ្លាចបាត់បង់ដីរបស់ពួកគាត់ ។ បងប្អូន ប្រជាពលរដ្ឋបានលើកជាសំណូមពរថា បើរដ្ឋ ឬរាជរដ្ឋាភិបាលកម្ពុជា មានគំរោងវិនិយោគធ្ចើការអភិវឌ្ឍន៍លើដីនោះជាផលប្រយោជន៍ជាតិ ពួក គាត់ក៏មិនហ៊ានជំទាស់ទេ តែពួកគាត់មានការព្រួយខ្លាច មិន មែនជាផែនការអភិវឌ្ឍន៍របស់រដ្ឋ ខ្លាចតែអស់លោកមន្ត្រីជំនាញ និង អាជ្ញាធរខេត្តឃុបឃិតគ្នាលក់ដីព្រៃប៉ះពាល់ដី របស់ពួកគាតទៅអោយឈ្មួញរួចបែងចែកផល ប្រយោជន៍គ្នា ។ ព្រោះកន្លងមកថ្មីៗនេះដីនៅតាមដងមាត់ស្ទឹង សេរីសោភ្ឌ ក៏ត្រូវបានក្រុមហ៊ុនរបស់លោក តាំង គឹមហួត ធ្វើការវិនិយោគថាស្តារបាតស្ទឹងកែលំអ និងធ្វើសួនច្បារលំអសោភណ្ឌភាពដងស្ទឹង ដីថិតនៅភូមិបី សង្កាត់ព្រះ ពន្លា ក្រុងសេរីសោភណ្ឌ ។ ប៉ុន្តែការពិត ជាក់ស្តែង គេឃើញក្រុមហ៊ុនពុះដីជាឡូត៍ លក់ ក្នងរង្វង់ប្រមាណ១៣ហិកតាជាគំរោងផ្ទះល្វែង យកលុយរាប់ ម៉ឺនដុល្លារក្នុង១ឡូត៍ៗ ។
ទាក់ទិនករណីនះ ការិយាល័យនិពន្ធ គេហទំព័រ មាតុភូមិ នៅព្រឹកថ្ងៃទី ៧សីហានេះ បានទំនាក់ទំនងសុំការបំភ្លឺពីលោកប្រធានមន្ទីរសុរិយោដី និងសំណង់ខេត្តបន្ទាយមានជ័យតាម ទូរស័ព្ទ លោក ប្រាក់ ប៉ូលី បានប្រាប់ថា លោកពុំទាន់ទទួលបាន ឯកសារជាផ្លូវការនៅឡើយទេស្តីពីការវិនិយោគដីនៅតំបន់ អូរអំបិល ក្រុងសេរីសោភ័ណ្ឌនេះ គឺខាងអាជ្ញាធរខេត្តទើបមាន ប្លង់គំរោង ឬស.ជ.ណ សំរេចពីរាជរដ្ឋាភិបាល ។
លោកប្រាក់ ប៉ូលី បានទទួលស្គាល់ថា លោកបានលឺព័ត៌មានអំពីការធ្វើស្តាតនេះដែរ ហើយក៏ធ្លាប់បានចុះទៅពិនិត្យ មើលទីតាំងដី នៅចំណុចនោះដែរ ។ លោកបញ្ជាក់ថាដីនៅតំបន់ ជើងភ្នំក្នុងឃុំអូរអំបិលនោះដែរ គឺជាដីព្រៃជើងភ្នំគ្មានប្រជា ពលរដ្ឋបង្កបង្កើនផលឬកាន់កាប់នោះទេ ។ លោកប្រាក់ ប៉ូលី ថាកុំសូវជឿលើការរាយការណ៍ពីប្រជាពលរដ្ឋពេក ទុកអោយ អាជ្ញាធរគេធ្វើការចុះ ។ ឯលោក ហ៊ីល រ៉ាយ៉ា ចៅហ្វាយក្រុង សេរីសោភណ្ឌ បានប្រាប់តាមទូរស័ព្ទថា ជាសិទ្ធិសម្រេច លើ អាជ្ញាធរខេត្តក្នុងការផ្តល់អោយក្រុមហ៊ុនវិនិយោគលើទីតាំង ដី នៅចំណុចអូរអំបិលនេះ ព្រោះគ្រាន់តែជាអ្នកទទួលរួមសហការ អនុវត្តតាមការណែនាំពីថ្នាក់ខេត្ត ។
លោកអភិបាល ក្រុងសេរីសោភណ្ឌ បន្តទៀតថា បច្ចុប្បន្នពុំទាន់មានសកម្មភាព អ្វីលេចធ្លោនោះទេ គឺគ្រាន់តែមានការឈូសឆាយ ដីធ្វើផ្លូវជូនប្រជាពលរដ្ឋធ្វើដំណើរ ប៉ុណ្ណោះដែលអាជ្ញាធរធ្វើ ផ្លូវបានរាប់រយគីឡូមែត្រក្នុងមូលដ្ឋាន ។ ដោយឡែកចំពោះ ការចោទប្រកាន់ថាក្រុមហ៊ុនម៉ៅការធ្វើស្តាត របស់លោក តាំង គឺមហួត ធ្វើការអភិវិឌ្ឍន៍វិនិយោគប៉ះពាល់លើដីប្រជាពលរដ្ឋ លោក តាំង គឹមហួត បានប្រាប់តាមទូរស័ព្ទនៅព្រឹកថ្ងទី ៧ សីហានេះថា ក្រុមហ៊ុនមានស.ជ.ណ ពីរាជរដ្ឋាភិបាលអនុញ្ញាតិត្រឹមត្រូវ ហើយលោកធ្វើការទៅតាមតែការណែនាំ និងការកំណត់របស់អាជ្ញាធរខេត្តបន្ទាយមានជ័យតែប៉ុណ្ណោះ ។
តែទោះជាយ៉ាងណាក៏ដោយក៏បងប្អូនបហរជាពលរដ្ឋ ដែល ភាគច្រើនបានបោះឆ្នោតអោយCPP បានសំណូមពរដល់អស់ លោកថ្នាក់ដឹកនាំខេត្តមេត្តាផ្សព្វផ្សាយអំពីគម្រោងប្លង់នៃការធ្វើស្តាត ពីសំណាក់ដៃគូវិនិយោគរបស់ក្រុមហ៊ុន លោក តាំង គឹមហួត អោយពួកគាត់បានដឹងជ្រួតជ្រាបច្បាស់លាស់ផង ៕ ដោយ : ឈិន តុងហុន កែសម្រួលរៀបចំ ដោយៈ សុផល