សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 2512 នាក់

ម្សិលមិញ 10264 នាក់

សរុប 14141694 នាក់

មនុស្សធម្មតាចេញមិនរួចបារ៉ាស់កូវីតតែឡានដឹកឈើចេញប្រុយពីព្រះវិហ៊ារមកកំពង់ធំ

03-April-2024 / ព័ត៌មានជាតិ

ខេត្តព្រះវិហារ ៖ ឈើលេខ១ប្រភេទ សុក្រំ និងឈ្លីក ត្រូវបានឈ្មួញ ប្រើរថយន្តសេរីទំនើបៗ មានរថយន្ត ស៊ីណា ចំនួន៣គ្រឿង រថយន្តត្រេអ៊ី ចំនួន២គ្រឿង និងរថយន្តធុនត្រា ពណ៌សចំនួន១គ្រឿង ដឹក ចេញពីភូមិសាស្ត្រស្រុកសង្គមថ្មី ទៅកាន់ខេត្តកំពង់ធំ តាមបណ្តោយផ្លូវជាតិលេច៦២ ឆ្លងកាត់បារ៉ាស់ ក្រុមចម្រុះព្រំប្រទល់ខេត្តព្រះវិហារនឹងខេត្តកំពង់ធំបានយ៉ាងស្រួលខុសពីប្រជាពលរដ្ឋធម្មតាដែលចេញមិនរួច។ ក្បួនឡានឈើនេះត្រុវបានប្រជាពលរដ្ឋប្រាប់ថាជារបស់ឈ្មួញដុះស្លែឈ្មោះ ភ័ក្ត្រដែលមានជំនាញ ដឹកឈើឆ្លងបារ៉ាសក្រុមសមត្ថកិច្ចចម្រុះបានគឺគាត់មានជំនាញប្រើសេវា។ a car tbaeng

ប្រភពពីសមត្ថកិច្ចតូចតាចដែលមិនទទួលបានផលប្រយោជន៍ រាយការណ៍ថា ជារៀងរាល់យប់ គេតែងសង្កេតឃើញថា រថយន្តដឹកឈើចំនួន៦គ្រឿង បានធ្វើសកម្មភាពដឹកជញ្ជូនឈើលេខ១ចេញពីភូមិតាសែង ឃុំរណៈសិរ្យ ឃុំស្តៅ កាត់តាមសាលាស្រុកសង្គមថ្មី កាត់មុខស្នាក់ការអាវុធហត្ថ និងកាត់
តាមស្នាក់ការបរិស្ថានការពារបតិកភ័ណ្ឌភ្នំត្បែងដែលមានលោក លំ ផុន ជាប្រធានស្នាក់ការ រួចចេញមកចំនុចភូមិស្វាយប៉ាត រួចបើកតាមបណ្តោយផ្លូវជាតិលេខ៦២ ភ្នំដែក ឆ្លងបារ៉ាស់ ព្រំប្រទល់ជីអោក ចូលទឹកដីកំពង់ធំទោះបីរាជរដ្ឋាភិបាលបានបិទបំរាមគោចរណ៍កូវីត ហាមប្រជាពលរដ្ឋមិនអោយធ្វើដំណើឆ្លងកាត់ពីខេត្តមួយទៅខេត្តមួយយ៉ាងណាក៏ដោយ។

តាមការបញ្ជាក់អោយដឹងថា ក្រុមដឹកឈើរបស់មេឈ្មួញឈ្មោះ ភ័ក្ត្រ ខ្លាចតែកម្លាំងប្រដាប់អាវុធដូចជា អាវុធហត្ថ នគរបាលនឹងកម្លាំងបរិស្ថាន បើនិយាយត្រូវជាមួយកម្លាំងទាំងបីនេះហើយ ការដឹកឈើគ្មានអ្នកណាបង្ក្រាបឡើយ ពីព្រោះកម្លាំងមេព្រៃអត់មានអាវុធ ក្រុមឈ្មួញដឹកឈើមិនខ្លាចរអាបន្តិច។
ប្រជាពលរដ្ឋនៅក្នុងស្រុកសង្គមថ្មីបានអោយដឹងថា, ឈើដែលពួកគេកាប់យកមកលក់អោយឈ្មួញ គឺពួកគេឡើងទៅកាប់នៅលើកំពូលភ្នំត្បែង ដែលជាភ្នំការពារបតិកភ័ណ្ឌជាតិភ្នំត្បែង (ជាតំបន់គេហាមមិនអោយកាប់ កុំថាឡើយឈើលេខ១ឈើលេខ២លេខ៣ក៏គេមិនអោយកាប់ដែរ) លោក លំ ផុន ប្រធានស្នាក់ការបរិស្ថានការពារបតិភ័ណ្ឌភ្នំត្បែង ដែលមានស្នាក់ការនៅស្រុកសង្គមថ្មីមិនអាចទាក់ទងសុំការបកស្រាយបានទេ នៅព្រឹកថ្ងៃទី ២ ខែឧសភាឆ្នាំ២០២១ នេះ ។

ប្រជាពលរដ្ឋនៅក្នុងខេត្តព្រះវិហារ បានសំណូមពរទៅលោក ប្រាក់ សុវណ្ណ អភិបាលនៃគណៈអភិបាលខេត្តព្រះវិហារ សូមមេត្តាជួយពិនិត្យមើលក្រុមចម្រុះនៅព្រំប្រទល់ជីអោក នឹងលោក ចន្ទ័ សុងសុជាតិ មេត្តាពិតនិត្យមើលលោក លំ ផុន ហេតុអីរថយន្តដឹកឈើបើកកាត់មុខស្នាក់ការរាល់យប់មិនបង្ក្រាប?៕ a car tbaeng1