វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3908 នាក់
ម្សិលមិញ 10264 នាក់
សរុប 14143090 នាក់
ភ្នំពេញ៖ សត្វតោមួយក្បាលឈ្មោះ Hei Man ដែលជនជាតិចិនចិញ្ចឹមនោះ បានរួចចេញពីផ្ទះវីឡានៅ ម្តុំបឹងកេងកងត្រូវបានពលរដ្ឋប្រទះឃើញដើរនៅតាមផ្លូវលេខ ៣០៦ ម្តុំបឹងកេងកងស្ថិតក្នុងសង្កាត់បឹងកេងកង១ ខណ្ឌបឹងកេងកង មិនឆ្ងាយប៉ុន្មានពីផ្ទះរបស់ម្ចាស់វានោះទេកាលពីព្រឹកថ្ងៃទី១៦សីហា។
តែតាមរូបភាពវីដេអូបង្ហោះនៅលើប្រព័ន្ធបណ្តាញសង្គម បានបង្ហាញថា សត្វតោរបស់ជនជាតិចិននោះ ត្រូវបានម្ចាស់ចាប់យកចូលទៅក្នុងផ្ទះវីឡានៅបឹងកេងកង វិញហើយ បន្ទាប់ពីរួចចេញមកក្រៅ។
ទោះជា សត្វតោនេះមិនបាន បានបង្កគ្រោះថ្នាក់ទៅលើប្រជាជនណាម្នាក់នោះទេ ក្រោយពេលដែលរួចចេញពីផ្ទះ មកផ្លូវសាធារណៈក៏ដោយក៏ នៅរសៀលថ្ងៃដដែលលោក ធីម សំអាន អភិបាលខណ្ឌបឹងកេងកង បានដឹកនាំអាជ្ញាធរចុះត្រួតពិនិត្យ និងណែនាំដល់ម្ចាស់សត្វតោ ដែលជាជនជាតិចិន ដែលបានចិញ្ជឹមធ្វើឱ្យរួចចេញក្រៅផ្ទះ និងដើរតាមផ្លូវសាធារណៈ បានបង្កការភ័យខ្លាចដល់ប្រជាពលរដ្ឋ ។
លោកបានចុះមកដល់ទីតាំងផ្ទាល់ដើម្បីធ្វើការហៅម្ចាស់តោជាជនជាតិមកធ្វើការណែនាំ និងផ្តិតមេដៃធ្វើកិច្ចសន្យាមិនឱ្យមានការធ្វេសប្រហែសម្តងទៀតឡើយ និងបានព្រមានដល់ម្ចាស់តោថា ប្រសិនជាមានរឿងបែបនេះកើតឡើងម្តងទៀត លោកនឹងឱ្យម្ចាស់តោទទួលខុសត្រូវតាមផ្លូវច្បាប់ ដោយគ្មានការលើកលែងឡើយ។
សូមបញ្ជាក់ថា សត្វតោមួយក្បាលឈ្មោះ Hei Man ដែលមានម្ចាស់ជាជនជាតិចិនចិញ្ចឹមនោះត្រូវបានសមត្តកិច្ចរដ្ឋបាលព្រៃឈើចុះដកហូតយកទៅទុកនៅភ្នំតាម៉ៅម្តងហើយតែដោយសារមានសំណូនពរពីប្រជាពលរដ្ឋសម្តេចតេជោក៏បានសម្រេចឲ្យម្ចាសយកមកចិញ្ចឹមវិញដោយឲ្យរឿបចំកន្លែងរស់នៅឲ្យមានសុវត្ថិភាព ៕