វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2972 នាក់
ម្សិលមិញ 8227 នាក់
សរុប 14129853 នាក់
ថៃ៖ កាលពីវេលាម៉ោង ២៣:០០នាទីយប់ ថ្ងៃទី២ ខែវិច្ឆិកា ឆ្នាំ២០២១ នៅមន្ទីរពេទ្យវ៉ាំងសំបូរណ៍ ខេត្តស្រះកែវ សមត្តកិច្ចថៃបានចុះទៅពិនិត្យសាកសពពលករខ្មែរ និងអ្នករងរបួសជាច្រើននាក់ពីមាន ក្រោយរថយន្តដឹកពលករខ្មែរក្រឡាប់ នៅបរិវេណផ្លូវបំបែកជា៤រង្វង់មូលភូមិ ខ្លងយ៉ាយអ៊ីន ឃុំវ៉ាំងថង ស្រុកវ៉ាំងសំបូរណ៍ ខេត្តស្រះកែវ។
គេហទំព័រពត៍មានថៃ បានឱ្យដឹងថា រថយន្តគ្រោះថ្នាក់ ពាក់ស្លាកលេខ อร-4551ក្រុងបាងកក ដឹកពលករខ្មែរយ៉ាងណែនសរុប ១៣នាក់។ក្រោយពីរងគ្រោះថ្នាក់ មានមនុស្សស្លាប់ភ្លាមៗនៅកន្លែងកើតហេតុ ៥នាក់ (ស្រី៣ និងប្រុស២នាក់) ដែលម្នាក់ក្នុងនោះអ្នកបើកបរផងដែរ។ រីឯអ្នករងរបួសត្រូវបញ្ជូនទៅមន្ទីរពទ្យវ៉ាំងសំបូរណ៍ មានចំនួន ៨នាក់ ក្នុងនោះរបួសធ្ងន់ម្នាក់។
អ្នកឃើញហេតុការណ៍បានរៀបរាប់ថា ខណៈកំពុងបើកម៉ូតូត្រឡប់ទៅផ្ទះ និងឈប់ម៉ូតូនិយាយទូរស័ព្ទក្បែរចំណុចកើតហេតុផ្លូវបំបែកជា៤ ខ្លងយ៉ាយអ៊ីន មិនដល់មួយនាទីផង ក៏មានរថយន្តបើកសំដៅមកយ៉ាងលឿន ឃើញរថយន្តបត់ និងរេចង្កូតរួចក្រឡាប់នៅលើផ្លូវខាងស្ដាំដៃ និងក្រឡាប់មួយត្រឡប់ទៀត ហើយក៏ជ្រុលទៅបុកបង្គោលភ្លើង ទើបគាត់រាយការណ៍ទៅអង្គភាពសង្គ្រោះ។