វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2941 នាក់
ម្សិលមិញ 8227 នាក់
សរុប 14129822 នាក់
ខេត្តក្រចេះ៖ឡានសាំយ៉ុងច្នៃមួយគ្រឿងបើកគេចពីសមត្តកិច្ចច្រឡំផ្លូវបុកខ្លោងទ្វារសាលាក្រគរបាក់ខ្លាចមានទោសក៏យកឈើប្រគេនលោកចៅអធិការវត្តក្រគរក្រុងក្រចេះដើម្បីគេចពីសំណាញ់ច្បាប់។
ករណីនេះកើតឡើងកាលពីព្រឹកថ្ងៃ ៩ ខែសីហា ឆ្នាំ ២០២១ដោយគេឃើញ មានរថយន្តសាំយ៉ុងកែច្នៃមួយគ្រឿងបានដឹកឈើប្រភេទក្តារកកោះ(ឈើអារលេខ 1)ពេញរថយន្តប្រមាណ៤ម៉ែតគូបមិនដឹងចេញពីចំណុចណាអោយច្បាស់លាស់ បានធ្វើដំណើរវង្វេងផ្លូវចេញពីរង្វង់មូលព្រាបសឆ្ពោះបញ្ច្រាស់ទៅលើវិញតាមផ្លូវមាត់ទន្លេឆ្ពោះទៅស្រុកសំបូរ។ ពេលទៅដល់មុខវត្ត ក្រគរ ទើបដឹងថាខុសផ្លូវហើយក៏បានបត់ត្រឡប់ក្រោយមកវិញ។តែនៅពេលដែលបត់បានរអិលកង់រថយន្តថយក្រោយទៅបុកទៅនឹងខ្លោងទ្វារសាលាបឋមសិក្សាក្រគរបាក់រលំដល់ដីតែម្តង។តែម្ចាស់រថយន្តនោះបានបើករត់ចូលទៅក្នុងវត្តក្រគរ ក្នុងក្រុងក្រចេះ រួចលាក់ខ្លួនក្បែរព្រះវិហារ។
ករណីនេះត្រូវបានក្រុមអ្នកសារព័ត៌មានធ្វើការរាយការណ៍តាម WhatsApp ក៏ឃើញមានមន្ត្រីជំនាញជាច្រើនស្ថាប័ណ្ណក៍បានទៅដល់ផងដែរ។តែម្ចាស់រថយន្តពេលនោះឆ្លាត បានប្រើល្បិចយកឈើនៅក្នុងរថយន្តទាំងនោះប្រគេនជូនទៅលោកចៅអធិការវត្តក្រគរ នេះតែម្ដងដែលគេជឿថាដើម្បីជៀសផុតអំពីផ្លូវច្បាប់និងជៀសផុតអំពីការផាកពិន័យរបស់ច្បាប់រដ្ឋបាលព្រៃឈើទៀតផង។
ករណីនេះ មហាជនដាក់សំណួរថាតើអ្នកអនុវត្តច្បាប់គិតយ៉ាងម៉េចទៅបើបទល្មើសជាក់ស្ដែងបែបនេះទៅហើយនៅតែមិនធ្វើការបង្ក្រាបទៅតាមផ្លូវច្បាប់បែជាសុខចិត្តបិទភ្នែកដើរចេញទុកឱ្យមេឈ្មួញប្រើល្បិចយកឈើប្រគេនលោកដើម្បីគេចវេសពីសំណាញ់ច្បាប់បែបនេះបានដោយស្រួលទៅវិញ។គេសង្កេតឃើញថានៅក្នុងទឹកដីនៃខេត្តក្រចេះក្រុមឈ្មួញរកស៊ីបទល្មើសព្រៃឈើទាំនៅតែបន្តសកម្មភាពបានយ៉ាងរលូនយ៉ាងដូច្នេះទៅទៀតតើមកពីមូលហេតុអ្វីទៅ?៕