» នាយករដ្ឋមន្ត្រី​ថៃ​មិន​យក​ប្រជាជន​សាកល្បង​ក្នុងពេល​អាម​រិ​ក​ផ្អាក​ផ្អាក​វ៉ា​សាំង​ម៉ូ​ដេ​ណា​! » រដ្ឋមន្ត្រីក្រសួង​ព័ត៌មាន​៖ សមត្ថកិច្ច មាន​សិទ្ធិ ចាប់​ឃាត់ខ្លួន​អ្នកសារព័ត៌មាន ពេល​ថត​កន្លែង​គេ​ធ្វើការ​?! » សម្តេច​សង្ឃ​ន​ន្ទ​ង៉ែត​យក​វត្ត​វិហា​រសសរ​១០០​មក​គ្រប់គ្រង​និង​តែងតាំង​ព្រះ​តេជគុណ អេង ផល្លា ធ្វើជា​ព្រះចៅអធិការ​វត្ត ឡើងវិញ បង្ក​ការក្តៅក្រហាយ​! » មេបក្ស​ប្រឆាំង​រុស្ស៊ី​លោក​ណា​វ៉ា​លី​ត្រូវបាន​ចាប់ខ្លួន​ពេល​មកពី​ព្យាបាល​ខ្លួន​នៅ​អាល្លឺម៉ង់​ » ស្ត្រី​ម្តាយ​និង​កូន​ស្លាប់​ព្រោះ​ជួយ​សត្វ​ឆ្កែ​របស់ខ្លួន​លង់ទឹក នៅ​កោះរ៉ុង​?! » រដ្ឋមន្ត្រី​ដែនដី​ដាក់ការ​ណែនាំ​៤​ចំណុច​ដើម្បី​ចៀសវាង​បញ្ហា ជាន់ ក្បាលដី​គ្នា និង​បង្កឱ្យមាន​វិវាទ​ដីធ្លី » ​អ៊ា​ណា​រ៉េត​ត្រូវ​តាម​បាញ់សម្លាប់​ដូច​ឆ្កែ​តែ​ឃាតក​២​នាក់​ដែល​ស្គាល់មុខ​ច្បាស់​ដែរ​មកដល់ពេលនេះ ស្ងាត់ឈឹង​? » ការ​វិល​មក​ស្រុក​ខ្មែរ​ចូលរួម​កាត់ទោស​របស់​លោកស្រី​ម៉ូ​សុខ​ហួ​ត្រូវ​បរាជ័យ​ » បែក​រឿង​អាជ្ញាធរ​នៅជាប់​ព្រំដែន​ខេត្តតាកែវ​បើក​ឲ្យ​ជនជាតិ​វៀតណាម​ធ្វើ​មក​ជួល​ដី​ធ្វើស្រែ​ » ស្នងការរង​ខេត្តកណ្តាល អុល ប៊ុណ្ណា ត្រូវ​ព្រមាន​ដោយសារ ល្មើស​វិន័យ​របស់​កងកម្លាំង​នគរបាលជាតិ​ » ចាប់ខ្លួន​បក្ខពួក​ឃាតក​អ៊ា​ណា​រ៉េ​ន​២​នាក់​ទៀត នៅ​ខេត្ត​ត្បូងឃ្មុំ​ » តើ​មានការ​ដកតំណែង​កញ្ញា​ឯក Miss Grand Cambodia 2020 ពី​កញ្ញា សេង រដ្ឋា​មែន​? » ​នាយ​កុយល្បីឈ្មោះព្រោះត្រូវ​ទទួលចាក់វ៉ាក់សាំង​ប្រឆាំង​កូ​វិត​១៩​មុនគេ ក្នុងចំណោម​អ្នក​បានទទួល​មុន​ » គ្រោះ​រញ្ជួយ​ដី​សម្លាប់​មនុស្ស​នៅ​ឥណ្ឌូណេស៊ី​ជាង​៣០​នាក់​ហើយ​! » មូលនិធិ​ត្រីចក្រយាន​កម្ពុជា​ផ្តល់​អំណោយ​ដល់​អ្នករត់​ស៊ីក្លូ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2612 នាក់

ម្សិលមិញ 4665 នាក់

សរុប 6475922 នាក់

សកម្មជន​បក្សប្រឆាំង​មិន​ទទួល​មក​មេធាវី​ដែល​គណៈមេធាវី​រៀបចំ​ឲ្យ​តុលា​ការលើក​ពេល​ទី​ពាក់កណ្តាល​ខែធ្នូ​វិញ​!

 


​ភ្នំពេញ​៖​នៅ​ព្រឹក​ថ្ងៃទី​២៥​វិច្ឆិកា តុលាការ​សាលាដំបូង​រាជធានី​ភ្នំពេញ​បានប្រកាស​លើក​ពេល​បើកសវនាការ​លើ​សំណុំរឿង​រួមគំនិត​ក្បត់ និង​ញុះញង់​ឲ្យ​ប្រព្រឹត្ត​បទល្មើស​ជាអាទិ៍​លើ​មន្ត្រី និង​សកម្មជន​អតីត​គណបក្ស​សង្គ្រោះ​ជាតិ​ជាង​១០០​នាក់​ទៅ​ថ្ងៃទី​១៥​ធ្នូ​ឆ្នាំ​២០២០​វិញ ។ កាលពី​ថ្ងៃទី​១១ ខែវិច្ឆិកា តុលាការ​សាលាដំបូង បាន​បើក​សវន​កា​រលើ​សំណុំរឿង​របស់ លោក​សម រង្ស៊ី និង​មន្ត្រី​បក្សប្រឆាំង ៨​រូប​ទៀត ពាក់ព័ន្ធ​នឹង​បទ «​ឧបឃាត​» ឬ «​ប៉ុនប៉ង​ធ្វើ​រដ្ឋប្រហារ​» ម្តងមកហើយ ប៉ុន្តែ​មេធាវី​ជនជាប់ចោទ​បានស្នើ​សុំ​ពន្យា​ពេល ក្រោម​ហេតុផល​ថា ពុំមាន​ពេលវេលា​គ្រប់គ្រាន់​សិក្សា​ស្រាវជ្រាវ​បន្ថែម​លើ​សំណុំ​រឿងនេះ ទើប​តុលាការ​សម្រេច​លើក​ពេល​សវនាការ មក​ថ្ងៃទី​២៥ ខែវិច្ឆិកា​នេះ​វិញ​។​a cnrp come1 

ប្រធាន​ក្រុមប្រឹក្សា​ជំនុំជម្រះ លោក ឌុ​ច សុខ​សារិន ​មានប្រសាសន៍ថា​៖ «​ខ្ញុំ​នឹងធ្វើ​របាយការណ៍​ទៅ​គណៈមេធាវី​អំពី​អវត្តមាន​របស់​មេធាវី សំ សុខ​គង់​»​។​
​ក្រុម​មេដឹកនាំ និង​មន្ត្រី​អតីត​បក្ស​សង្គ្រោះ​ជាតិ​ចំនួន​៩​រូប ដែល​រង​ការ​ចោទ​ពីបទ «​ឧបឃាត​»​នោះ រួមមាន លោក សម រ​ង្ស៉ី​, លោក អេង ឆៃអ៊ាង​, អ្នកស្រី មួរ សុខ​ហួរ​, លោក អ៊ូ ច័ន្ទ​ឬ​ទិ្ធ​, លោក ហូរ វ៉ាន់​, លោក ឡុង រី​, លោក ម៉ែន សុថា​វរិ​ន្ទ្រ​, អ្នកស្រី ជូ​ឡុង សួ​មួ​រ៉ា និង​លោក នុត រំដួល​។​លោក សំ សុ​គង់ មេធាវី​ការពារ​ក្តី​ឱ្យ​អតីត​មេដឹកនាំ និង​មន្ត្រី​អតីត​បក្សប្រឆាំង មានប្រសាសន៍ថា លោក​មិន​បានទទួល​ដីកា​ឱ្យ​ចូលរួម​សវនាការ​នៅ​ថ្ងៃ​ពុធ​នេះ​ទេ​។​លោក​សំ សុ​គង់ មេធាវី​ការពារ​ក្តី​ឱ្យ​មន្ត្រី និង​សកម្មជន​អតីត​គណបក្ស​សង្គ្រោះ​ជាតិ បាន​លើកឡើងថា ក្រុម​មេធាវី​របស់​គណៈមេធាវី​កម្ពុជា​គួរតែ​ដកខ្លួន​ចេញពី​សំណុំ​រឿងនេះ ព្រោះ​កូនក្តី​បាន​បដិសេធ​មិន​ទទួលយក​ទៅហើយ​។

លោក​បន្តថា បើសិន​ពួកគេ នៅតែ​បន្ត​ចូលរួម​ការពារ​ក្តី​ទាំង​ដែល​កូនក្តី​មិនបាន​ពឹងពាក់​នោះ គឺ​នឹង​នាំ​សវនាការ​ប្រព្រឹត្ត​ទៅដោយ​មិន​ត្រឹមត្រូវ និង​មិនអាច​ផ្តល់​យុត្តិធម៌​ដល់​កូនក្តី​។ យ៉ាងណាក៏ដោយ លោក​មេធាវី​សំ សុ​គង់ បាន​គូសបញ្ជាក់ថា បើសិន​ពួកគេ​នៅ​ចូលរួម​នៅក្នុង​សវនាការ​នោះ គឺ​រូបលោក​នឹង​ស្នើ​ទៅកាន់​តុលាការ​ដោយផ្ទាល់​ឱ្យ​ពួកគេ​ដកខ្លួន​ចេញ​តាម​ការចង់បាន​របស់​កូនក្តី​របស់លោក​។​​នៅក្នុង​លិខិត​បដិសេធ​នៅ​ថ្ងៃទី​២៤ ខែវិច្ឆិកា ក្រុមមន្ត្រី​ជាន់ខ្ពស់​អតីត​គណបក្ស​សង្គ្រោះ​ជាតិ​មាន​ជាអាទិ៍ លោកស្រី​ជូ​ឡុង សូ​មូរ៉ា លោកស្រី​មួរ សុខ​ហូរ លោក​អេង ឆៃអ៊ាង និង​លោក​ហូរ វណ្ណ ជាដើម បាន​បដិសេធ​មិន​ទទួលយក​ក្រុម​មេធាវី​ដែល​ចាត់តាំង​មក​ចូលរួម​ការពារ​ក្តី​ដល់​ពួកគេ​ពី​សំណាក់​គណៈមេធាវី​កម្ពុជា​នោះទេ​។ បើតាម​ពួកគេ គឺ​ពួកគេ​មាន​សិទ្ធិ និង​មានលទ្ធភាព​ក្នុងការ​ពឹងពាក់​មេធាវី​ដោយ​ខ្លួនឯងបាន ដើម្បី​ការពារ​នៅក្នុង​សំណុំរឿង​ព្រហ្មទណ្ឌ​របស់​ពួកគេ​។

​គណៈមេធាវី​កម្ពុជា​កាលពី​ថ្ងៃទី​២៤ ខែវិច្ឆិកា​តាមរយៈ​សេចក្តីប្រកាស​ព័ត៌មាន​បានសម្រេច​ផ្តល់​មេធាវី​ចំនួន​៦​រូប ដើម្បី​ចូលរួម​ការពារ​ក្តី​ដល់​មន្ត្រី និង​សកម្មជន​អតីត​គណបក្ស​សង្គ្រោះ​ជាតិ​នៅក្នុង​សវនាការ​នៅ​ថ្ងៃទី​២៦ ខែវិច្ឆិកា​។ គណៈមេធាវី​កម្ពុជា​បាន​អះអាងថា ការផ្តល់​មេធាវី​នេះ គឺធ្វើឡើង​តាម​ការស្នើសុំ​របស់​សាលាដំបូង​រាជធានី​ភ្នំពេញ​។ ក៏ប៉ុន្តែ ក្រុមមន្ត្រី​ជាន់ខ្ពស់​នៃ​អតីត​បក្សប្រឆាំង​មិន​ពេញ​ចិត្តនឹង​ការចាត់ចែង​នេះឡើយ​។ ពួកគេ​បាន​គូសបញ្ជាក់ថា ការយឺតយ៉ាវ​រក​មេធា​វី​ការពារ​ក្តី​របស់​ពួកគេ គឺ​បណ្តាលមកពី​តុលាការ​មិនបាន​កោះហៅ​ពួកគេ​តាម​ពេលវេលា​ដែល​បានកំណត់​ក្នុង​ក្រមនីតិវិធី​ព្រហ្មទណ្ឌ ហើយ​ថា ពួកគេ​មិនបាន​ដឹង​ពីបទ​ចោទ​មកលើ​ខ្លួន​ថែមទៀត​។​

​លោក​សំ​សុ​គង់​ថា​៖ «​ខ្ញុំ​បានដាក់​អ​សយ​ដ្ឋា​ន​[​ថ្មី​]​របស់​កូនក្តី​កាលពី​សប្តាហ៍​មុន​។ ដូច្នេះ​ខ្ញុំ​គិតថា ថ្ងៃនេះ​មិនចាំបាច់​នោះទេ​»​។​​លោក​បន្ថែមថា តាម​នីតិវិធី​ក្រមព្រហ្មទណ្ឌ​តម្រូវឱ្យ​ប​ញ្ចូ​ន​ដីកា​ទៅ​អ​យស​ដ្ឋា​ន​ចុងក្រោយ​របស់​ជនជាប់ចោទ ប៉ុន្តែ​ថា តុលាការ​បែរ​ជាប​ញ្ចូ​ន​ដីកា​ទៅ​អតីត​ទីស្នាក់ការ​គណបក្ស​ដែល​គ្មាន​មនុស្ស និង​ត្រូវបាន​ហាមឃាត់​ដោយ​តុលាការ​នោះ​។​ អំឡុងពេល​សវនាការ​រយៈ​ជាង ៣៥​នាទី លោក​ព្រះរាជអាជ្ញារង សេង ហៀ​ង បាន​លើកឡើងថា ការដាក់​លិខិត​ដោយ​បញ្ចូល​អ​សយ​ដ្ឋា​ន​ថ្មី​របស់​កូនក្តី​មេធាវី សំ សុ​គង់ គឺ​មិនអាច​ទទួលយកបាន​។​

​លោក​ថា នេះ​គ្រាន់តែ​ជា​ចេតនា​ចង់​គេចវេស​ពីស​វន​ការ ហើយ​ថា តុលាការ​បាន​បំពេញ​ទៅតាម​នីតិវិធី​ត្រឹមត្រូវ និង​បានកំណត់​យក​អ​សយ​ដ្ឋា​ន​ចុងក្រោយ​របស់​ជនជាប់ចោទ​ទាំងអស់ នៅក្នុង​រាជធានី​ភ្នំពេញ តាំងពី​ដំណាក់កាល​ស៊ើបអង្កេត ដំណាក់កាល​អយ្យការ និង​ដំណាក់កាល​ចៅក្រម​ស៊ើប​។​
​លោក​ព្រះរាជអាជ្ញារង បាន​បន្ថែមថា ជនជាប់ចោទ ក៏​មិនបាន​ប្រកាស​ពី​អ​សយ​ដ្ឋា​ន​របស់ខ្លួន​នៅ​ទីតាំង​ណា​ផ្សេង​ដែរ ដូច្នេះ​តុលាការ​កំណត់​យក​អ​សយ​ដ្ឋា​ន​ក្នុង​រាជធានី​ភ្នំពេញ ជា​អ​សយ​ដ្ឋា​ន​ចុងក្រោយ​របស់​ជនជាប់ចោទ​។​​លោក សេង ហៀ​ង ថ្លែងថា​៖ «​ខ្ញុំ​សុំ​ទាត់ចោល [ លិខិត ] វា​បង្ហាញ​ពី​ចេតនា​ទុច្ចរិត​»​។​

​លោក សួង ចាន់ថន មេធាវី​រាជរដ្ឋាភិបាល បាន​គាំទ្រ​ការលើកឡើង​របស់លោក​ព្រះរាជអាជ្ញារង សេង ហៀ​ង ដោយ​លោក​អះអាងថា តុលាការ​បាន​បំពេញ​តាម​និតិ​វិធី​គ្រប់​ដំណាក់​កាលដែល​មានន័យ​ថា អ​សយ​ដ្ឋា​ន​ចុងក្រោយ​របស់​ជនជាប់ចោទ​ស្ថិតនៅ​រាជធានី​ភ្នំពេញ ហើយ​ការ​ភៀសខ្លួន​ទៅ​បរទេស​ជា​រឿង​របស់​ជនជាប់ចោទ​។​​លោក​ថា​៖ «​យើង​ស្វាគមន៍​ការចូលរួម​របស់គាត់ យើង​អត់​បិទ​សិទ្ធិ​ទេ​”​។​

​ចំណែក លោក​មេធាវី កៅ សីហា ដែលជា​មេធាវី​ចាត់តាំង​ដោយ​គណៈមេធាវី​នៃ​ព្រះរាជាណាចក្រ​កម្ពុជា ដើម្បី​ការពារ​ក្តី​អតីត​មេដឹកនាំ​និង​មន្ត្រី​បក្សប្រឆាំង​ទាំង​៩​រូបនេះ ក៏បាន​ស្នើឱ្យ​តុលា​ការបន្ត​សវនាការ​ផងដែរ​។ លោក​រិះគន់​អវត្តមាន​របស់ លោក​មេធាវី សំ សុ​គង់ ថា នាំឱ្យ​ប៉ះពាល់​ដល់​ដំណើរការ​នៃ​ការដោះស្រាយ​ការកកស្ទះ​សំណុំរឿង ក៏ដូចជា​ប៉ះពាល់​ដល់​វិជ្ជាជីវៈ​មេធាវី​។​​លោក​មានប្រសាសន៍ថា​៖ «​ខ្ញុំ​ម្នាក់ឯង​ក៏មាន​សមត្ថភាព​ការពារ​អ្នក​ទាំង​៩​នេះដែរ​»​។​
​ក្រៅពី​សំណុំ​រឿងនេះ មេដឹកនាំ​និង​មន្ត្រី​អតីត​បក្ស​សង្គ្រោះ​ជាតិ​ទាំង​៩​រូបនេះ រួម​នឹង​សកម្មជន​គណបក្ស​នេះ​ជាច្រើនរូប​ទៀត ក៏ត្រូវ​តំណាង​អយ្យការ​អម​សាលាដំបូង ចេញ​ដីកាកោះ​ឱ្យចូល​ខ្លួន​ទៅកាន់​សាលាដំបូង​រាជធានី​ភ្នំពេញ នៅ​ថ្ងៃទី​២៦ ខែវិច្ឆិកា ស្អែក​នេះ ដើម្បី​ចូលរួម​សវនាការ​ពាក់ព័ន្ធ​នឹង​បទ​ចោទ «​រួមគំនិត​ក្បត់ និង​ញុះញង់​ឱ្យ​ប្រព្រឹត្ត​បទល្មើស​ជាអាទិ៍​» ផងដែរ​។


​សូមបញ្ជាក់ថា នៅ​ថ្ងៃទី​២៦ ខែវិច្ឆិកា​ស្អែក តុលាការ​សាលាដំបូង​រាជធានី​ភ្នំពេញ​នឹង​បើកសវនាកា​សួរ​ឆ្លើយ​លើ​មន្ត្រី និង​សកម្មជន​អតីត​គណបក្ស​សង្គ្រោះ​ជាតិ​ពាក់ព័ន្ធ​នឹង​សំណុំរឿង​«​រួមគំនិត​ក្បត់​» និង «​ញុះញង់​ឲ្យ​ប្រព្រឹត្ត​បទល្មើស​ជាអាទិ៍​» ។ គិតដល់​ពេលនេះ គឺ​មន្ត្រី និង​សកម្មជន​អតីត​បក្សប្រឆាំង​ប្រមាណ​១៤០​នាក់​ហើយ​ត្រូវបាន​តុលាការ​ប្រកាស​កោះហៅ​ឱ្យ​ចូលមក​តុលាការ​។ ពួកគេ​ទាំងនេះ ខ្លះ​នៅក្រៅ​ប្រទេស និង​ខ្លះ​នៅតាម​ខេត្ត​នានា​នៅក្នុង​ប្រទេស​កម្ពុជា​៕a court ky