វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6110 នាក់
ម្សិលមិញ 5304 នាក់
សរុប 14145636 នាក់
ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជារឱ្យអាជ្ញាធរពាក់ព័ន្ធ ជុំវិញទំនាស់ដីធ្លី នៅស្រុកគាស់ក្រឡខេត្តបាត់ដំបង ត្រូវដកហូត ដីដែលមានទំនាស់ របស់លោក ឱញ៉ា សង ថន យកមករក្សាទុកធ្វើសម្បទានសង្គមកិច្ច។
នៅក្នុងកិច្ចប្រជុំពេញ អង្គគណៈរដ្ឋមន្ត្រីនៅព្រឹកថ្ងៃទី ៣ ខែកក្កដា ឆ្នាំ ២០២០សម្តេចលើកថា«ករណីទំនាស់ដីធ្លីនៅស្រុកគាស់ក្រឡ ខេត្តបាត់ដំបង ក្រសួងស្ថាប័នពាក់ព័ន្ធនិងរដ្ឋបាលខេត្តបាត់ដំបង ត្រូវដកហូតត្រឡប់មកវិញនូវដីដែលបុគ្គលឈ្មោះ សង ថន បានទន្ទ្រានរំលោភយកដោយខុសច្បាប់ និងត្រូវប្រគល់ឱ្យរដ្ឋបាលខេត្តបាត់ដំបងគ្រប់គ្រងនិងរក្សាទុកសម្រាប់ធ្វើប្រទានកម្មជូនប្រជាពលរដ្ឋក្នុងគោលដៅសម្បទានសង្គមកិច្ច»។
អង្គភាពប្រឆាំង អំពើពុករលួយ(ACU) នៅថ្ងៃទី ៣០ ខែមិថុនា បានឃាត់ខ្លួនលោក ឧញ៉ា សង ថន មានជាប់ពាក់ព័ន្ធនិងអំពើពុករលួយ ដីធ្លីចំនួនប្រមាណ ៥ ពាន់ហិចតា(៥០០០) នៅស្រុកគាស់ក្រឡ ខេត្តបាត់ដំបង។សម្តេចតេជោ បានថ្លែងទៀតថា អង្គភាពប្រឆាំងអំពើពុករលួយត្រូវធ្វើការងារនេះបន្តទៅទៀត។ ហើយ ដំណាក់កាលនេះ ជាពេលដែលត្រូវធ្វើការវះកាត់រាល់ជនខិលខូចទាំងឡាយណាដែលឃុបឃិតគ្នាយកដីរដ្ឋនិងដីរបស់ប្រជាពលរដ្ឋ ហើយប្រើកលល្បិចផ្សេងៗ គឺត្រូវផ្តន្ទាទោស ហើយនឹងឈានដល់ការដកហូតមុខតំណែង និងត្រូវបណ្តេញចេញពីគណបក្សប្រជាជនកម្ពុជាតែម្តង។
សម្តេចនាយករដ្ឋមន្ត្រីបញ្ជាក់ថា ចំពោះបណ្ណកម្មសិទ្ធិដីធ្លីទាំងឡាយណាដែលចេញពីអំពើទុច្ចរិត គឺត្រូវធ្វើមោឃភាពចោល។សម្តេចតេជោក៏បានណែនាំឲ្យក្រសួងបរិស្ថានកសិកម្មក្រសួងរឿបចំដែនដីសហការពិនិត្យកាត់ឆ្វៀលដីក្នុងតំបន់អភិរក្សផ្តល់ឲ្យប្រជាជនដែលរសនៅអាស្រ័យផលដោយបន្ថែម១០ភាគទៀតទុកសម្រាប់ជាដីសហគមន៍។តែហាមការលួចរុករានទន្ទ្រានថែម។
សម្តេច ហ៊ុន សែន ក៏បានអនុញ្ញាតឲ្យកាស៊ីណូនៅទូទាំងប្រទេសកម្ពុជា បើកដំណើរការឡើងវិញ ក្រោយបិទអស់មួយរយៈធំកន្លងមក។ប៉ុន្តែកាស៊ីណូទាំងអស់នោះត្រូវមកចុះអនុស្សរណៈអនុវត្តវិធានការការពារជាមួយក្រសួងសុខាភិបាល ។ក្រៅពីនេះក្លឹបខារ៉ាអូខេអាចបើកដំណើរការជារូបភាពភោជនីយ៍ដ្ឋានដោយប្រកាន់នូវវិធានសុខាភិបាលដើម្បីការពារជម្ងឺកូវីដ១៩។
កាស៊ីណូ ការ៉ាអូខេ ក្លឹបកម្សាន្តនានា រួមទាំងសាលារៀន ត្រូវរដ្ឋាភិបាលបញ្ជាឲ្យបិទដំណើរការបណ្តោះអាសន្នកាលពីអំឡុងខែមេសា ឆ្នាំ ២០២០ ដោយសារការផ្ទុះនៃវីរុសកូវីដ ១៩ ដើម្បីទប់ស្កាត់ការឆ្លងនិងចម្លងពីមនុស្សម្នាក់ទៅមនុស្សម្នាក់។ សូមបញ្ជាក់ថានៅព្រឹកថ្ងៃទី០៣ ខែកក្កដា ឆ្នាំ២០២០ គណៈរដ្ឋមន្ត្រី នឹងបើកកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានៅទីស្តីការគណៈរដ្ឋមន្ត្រី (វិមានសន្តិភាព)។
អង្គប្រជុំពិភាក្សា និងបានអនុមត័លើរបៀបវារៈដូចខាងក្រោម៖
១- សេចក្តីព្រាងច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរដ្ឋ។២- សេចក្តីព្រាងច្បាប់ស្តីពីការគ្រប់គ្រងល្បែងពាណិជ្ជកម្ម។
៣-បញ្ហាផ្សេងៗ សំណើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តពីស្ថាប័ននីតិប្បញ្ញតិ្តលើសេចក្តីព្រាងច្បាប់ស្តីពីការអនុម័តយល់ព្រមលើសន្ធិសញ្ញា ស្តីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌរវាងព្រះរាជាណាចក្រកម្ពុជា និងសាធារណារដ្ឋកូរ៉េ។