កោះកុងផ្ទុះគូវីតខ្លាំងពេទ្យពេញត្រូវការអុកស៊ីសែនច្រើនអាជ្ញាធរខេត្តដាក់ចេញវិធានការណ៍!
03-April-2024 / សន្តិសុខសង្គម
ខេត្តកោះកុង៖ក្រុមគ្រូពេទ្យនៅខេត្តកោះកុងបានសំដែងកង្វល់គ្រាដែលអ្នកជំងឺកូវិដ១៩កាន់ តែកើនឡើងជាលំដាប់រហូតដល់ថ្នាក់បន្ទប់គ្មានគ្រែទំនេរ ចំណាយលើការទិញខ្យល់អុកស៊ីសែនកាន់តែច្រើន។
នៅថ្ងៃទី២៩កក្កដានេះមន្ទីរពេទ្យខេត្តកោះកុងបានលើកឲ្យកាសែតដឹងថា បច្ចុបន្ននេះស្ថានភាពនៃការឆ្លងរាលដាលជំងឺកូវីដ១៩ក្នុងសហគមន៍ក្នុងខេត្តកោះកុងនៅតែមានការកើនឡើងគួរឱ្យព្រួយបារម្ភ ទន្ទឹមនិងនោះករណីធ្ងន់ធ្ងរ(severe illness) ដែលបានចូលមកសម្រាក ថែទាំ ព្យាបាលនៅក្នុងមន្ទីរពេទ្យបង្អែកខេត្តកោះកុង មានការកើនឡើងជាលំដាប់។គិតត្រឹមថ្ងៃនេះអ្នកជំងឺកូវីដ១៩កំពុងសម្រាកព្យាបាលនៅក្នុងមន្ទីរពេទ្យបង្អែកខេត្តកោះកុងពេញបន្ទប់អស់ហើយ គ្មានគ្រែទំនេរឡើយ ធ្វើឱ្យបន្ទុកនៃការថែទាំព្យាបាលរបស់ក្រុមគ្រូពេទ្យជួរមុខកាន់តែមានការមមាញឹក ទាំងថ្ងៃ ទាំងយប់។
ឯការប្រើប្រាស់អុកស៊ីហ្សែនកាន់តែមានការកើនឡើងជារៀងរាល់ថ្ងៃ ជាមធម្យមមន្ទីរពទ្យត្រូវប្រើអុកស៊ីហ្សែនអស់ ២៥ - ៣០ធុងក្នុងមួយថ្ងៃ ដែលធ្វើឱ្យមន្ទីរពេទ្យត្រូវទទួលបន្ទុកក្នុងការចំណាយលើការទិញខ្យល់អុកស៊ីសែនកាន់តែច្រើន និងកំពុងឈានទៅរកមានការខ្វះខាតថវិកា ។សូមបញ្ជាក់ថាចាប់ពីថ្ងៃទី២៩ក្កដាតទៅរាជរដ្ឋាភិបាលបានប្រកាសបិទខ្ទប់ខេត្តតាមព្រុំដែនចំនួន៨ក្នុងមានខេត្តកោះកុងផងដែរដើម្បីទប់ស្គាត់ការីករាលដាលកូនវីតប្រភេទឌែលតាពូជឥណ្ឌាដែលកំពុងអុកឡុកក្នុងប្រទេសថៃ!។
សម្រាប់ការងារនេះលោកស្រី មិថុនា ភូថង អភិបាលខេត្តកោះកុង នៅថ្ងៃទី២៩ ខែកក្កដា ឆ្នាំ២០២១នេះ បានបើកដឹកនាំកិច្ចប្រជុំផ្សព្វផ្សាយខ្លឹមសារសេចក្តីសម្រេចរបស់រាជរដ្ឋាភិបាល ស្តីពីការបិទខ្ទប់ភូមិសាស្ត្រខេត្តទាំង៨ ដើម្បីទប់ស្កាត់ការឆ្លងរាលដាលក្នុងសហគមន៍ នៃមេរោគកូវីដ-១៩ ប្រភេទ ដែលតា(Delta)។
លោកស្រីអភិបាលថាក្នុងភូមិសាស្ត្រដែលត្រូវបានបិទខ្ទប់ អាចត្រូវបានបែងចែកជា «តំបន់ក្រហម» និង/ឬ «តំបន់លឿងទុំ» និង/ឬ «តំបន់លឿង» អាស្រ័យតាមកម្រិតនៃការឆ្លងរាលដាលនៃជំងឺនេះ នៅក្នុងភូមិសាស្ត្របិទខ្ទប់នីមួយៗ។*«តំបន់ក្រហម» សំដៅដល់ភូមិសាស្ត្រដែលមានការឆ្លងរាលដាលធ្ងន់ធ្ងរនៃជំងឺកូវីដ១៩ ក្នុងសហគមន៍។
*«តំបន់លឿងទុំ» សំដៅដល់ភូមិសាស្ត្រដែលមានការឆ្លងរាលដាលកម្រិតមធ្យមនៃជំងឺកូវីដ១៩ ក្នុងសហគមន៍។*«តំបន់លឿង» សំដៅដល់ភូមិសាស្ត្រដែលមានការឆ្លងរាលដាលកម្រិតស្រាលនៃជំងឺកូវីដ១៩ ក្នុងសហគមន៍។ការកំណត់ភូមិសាស្ត្រណាមួយក្នុងតំបន់បិទខ្ទប់ ជា «តំបន់ក្រហម» «តំបន់លឿងទុំ» ឬ «តំបន់លឿង» ត្រូវធ្វើឡើងដោយសេចក្តីសម្រេច។ ចំពោះភូមិសាស្ត្រដែលមានការឆ្លងរាលដាលក្នុងសហគមន៍ នៃមេរោគកូវីដ១៩ ប្រភេទដែលតា Delta ឬភូមិសាស្ត្រ ដែលមានការផ្ទុះឆ្លងរាលដាលលឿនខុសពីប្រក្រតី ឬមានការសង្ស័យពាក់ព័ន្ធនឹងមេរោគកូវីដ១៩ ប្រភេទដែលតា (Delta)។
អនុគណៈកម្មការសេវាមន្ទីរពិសោធន៍ត្រូវចាត់វិធានការជាបន្ទាន់ ដើម្បីយកសំណាកទៅវិភាគរកប្រភេទមេរោគ (Sequencing) នៅក្នុង «តំបន់ក្រហម» និង «តំបន់លឿងទុំ» ជាពិសេសភូមិសាស្ត្រដែលមានការផ្ទុះឆ្លងរាលដាលលឿនខុសពីប្រក្រតី ឬមានការសង្ស័យពាក់ព័ន្ធនឹងមេរោគកូវីដ១៩ ប្រភេទដែលតា (Delta)។
សូមបញ្ជាក់ថា៖នៅថ្ងៃទី២៩ ខែកក្កដា ឆ្នាំ២០២១ នេះ ក្រសួងសុខាភិបាល បានចេញសេចក្តីជូនដំណឹង ស្តីពីការរកឃើញករណីឆ្លងជំងឺកូវីដ១៩ថ្មី ចំនួន ៧៦៥នាក់ អ្នកជាសះស្បើយចំនួន ៦៩៤នាក់ និងស្លាប់ ១១នាក់បន្ថែមទៀត៕
