វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5240 នាក់
ម្សិលមិញ 8227 នាក់
សរុប 14132121 នាក់
កំពត៖ លោកឧត្តមសេនីយ៍ ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក បានផ្តល់អនុសាសន៍ថា កងទ័ពជំនាន់ក្រោយ ត្រូវរក្សាការពារតម្លៃនៃការលះបង់របស់យោធិនដែលជារៀមច្បង ពិសេសត្រូវការពារឱ្យខាងតែបាននូវតម្លៃនៃសន្តិភាពដែលរកបានមកដោយលំបាក និងរួមគ្នាប្រែក្លាយអង្គភាពកងទ័ព ឱ្យទៅជាមជ្ឍមណ្ឌលផលិតធនធានមនុស្សដ៏មានសមត្ថភាព និងប្រសិទ្ធភាពខ្ពស់។
ក្នុងពិធីប្រកាសបង្កើតផ្នែកសិករងក្រុងបូកគោ តែងតាំងផ្លាស់ប្តូរមុខដំណែង បំពាក់ឋានរស័ក្តិ និងបញ្ចូលក្របខ័ណ្ឌពលទាហ៊ាន នៅតំបន់ប្រតិបត្តិការសិករងខេត្តកំពត នៅថ្ងៃទី៩ ខែធ្នូ ឆ្នាំ២០២១លោកឧត្តមសេនីយ៍ ហ៊ុន ម៉ាណែត បានថ្លែងថា៖ “កងទ័ពត្រូវរក្សាភាពស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងគោរពឱ្យបានម៉ឺងម៉ាត់តាមរដ្ឋធមនុញ្ញ នៃព្រះរាជាណាចក្រកម្ពុជា ច្បាប់ល័ក្ខន្តិកទូទៅ បទវិន័យទូទៅ នៃកងយោធពលខេមរភូមិន្ទ លិខិតបទដ្ឋានគតិយុត្តិពាក់ព័ន្ធផ្សេងៗ និងរាល់បទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការដ្ឋាន និងបញ្ជាការដ្ឋានកងទ័ពជើងគោក”។
លោកឧត្តមសេនីយ៍ ហ៊ុន ម៉ាណែត បានបន្តទៀតថា កងទ័ពត្រូវយកចិត្តទុកដាក់ជាប់ជាប្រចាំលើការអប់រំចិត្តសាស្ត្រ និងស្វែងយល់អំពីសភាពការណ៍ថ្មីៗ ដើម្បីលើកកម្ពស់មនស្សិកាស្នេហាជាតិ សំដៅធានាប្រសិទ្ធភាពក្នុងការអនុវត្តតួនាទី ភារកិច្ចថ្មីរបស់កងទ័ព ដែលជាខឿនការពារជាតិ ការពារឯករាជ្យ អធិបតេយ្យភាព និងបូរណភាពទឹកដី ពិសេសការពារសន្តិភាព ដែលសម្តេចតេជោ ហ៊ុន សែន បានលះបង់គ្រប់បែបយ៉ាងក្នុងការបង្រួបបង្រួមជាតិ និងយកមកជូនជាតិមាតុភូមិ ហើយក្នុងប្រត្តិសាស្ត្ររបស់កម្ពុជា៥០០ឆ្នាំមុនមិនធ្លាប់មានសុខសន្តិភាពពេញផ្ទៃប្រទេសដូច្នេះទេ។