វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8716 នាក់
ម្សិលមិញ 8227 នាក់
សរុប 14135597 នាក់
ភ្នំពេញ ៖ វត្តចំនួន៤ ត្រូវបានរដ្ឋបាលរាជធានីភ្នំពេញ សម្រេចយកធ្វើជាទីកន្លែងសម្រាប់បូជាសពអ្នកស្លាប់ដោយសារជំងឺកូវីដ-១៩ ។
សេចក្តីជូនដំណឹងរបស់មន្ទីរសុខាភិបាល នៃរដ្ឋបាលរាជធានីភ្នំពេញ បានឱ្យដឹងថា៖ក្រោយពីមន្ត្រីសុខាភិបាល បានវិចខ្ចប់សពអ្នកជំងឺកូវីដ-១៩ បានត្រឹមត្រូវតាមលក្ខណៈបច្ចេកទេសរួចរាល់ ក្រុមគ្រួសារអាចទទួលយកសពទៅបូជានៅទីកន្លែង ដែលបានកំណត់ដូចខាងក្រោម៖
១. វត្តអង្គតាមិញ ស្ថិតនៅភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ័យ។២. វត្តគោកបញ្ជាន់ ស្ថិតនៅផ្លូវវងស្រេង សង្កាត់ចោមចៅ២ ខណ្ឌពោធិ៍សែនជ័យ។៣. វត្តជន្លង់ម្លូ ស្ថិតនៅភូមិព្រៃងៀង សង្កាត់ភ្លើងឆេះរទេះ ខណ្ឌកំបូល។៤. វត្តក្រាំងធ្នង់ ស្ថិតនៅសង្កាត់ក្រាំងធ្នង់ ខណ្ឌសែនសុខ
អាជ្ញាធរបានបញ្ជាក់ថា ក្រុមគ្រួសារបងប្អូនសាច់ញាតិរបស់សពអ្នកជំងឺកូវីដ-១៩ ត្រូវបានអនុញ្ញាតឱ្យចូលរួមក្នុងពិធីបុណ្យសព បានត្រឹមតែ ១០នាក់ប៉ុណ្ណោះ ដោយអនុវត្តឱ្យបានត្រឹមត្រូវតាមវិធានសុខាភិបាល។ នាពេលថ្មីៗនេះ អភិបាលរាជធានីភ្នំពេញ បានថ្លែងថា មានសពអ្នកដែលស្លាប់ដោយសារជំងឺកូវីដ-១៩ ចំនួន ៧១១នាក់ ត្រូវបានវេចខ្ចប់ទុក ដោយសារតែពុំមានទីកន្លែងគ្រប់គ្រាន់សម្រាប់បូជា។
សូមបញ្ជាក់ថាតាមក្រួងសុខាភិបាលបើគិតត្រឹមព្រឹកថ្ងៃទី១៥ ខែកក្កដានេះ ប្រទេសកម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន ៦៤ ៦១១នាក់ និងស្លាប់សរុបឈានដល់លេខ៤ខ្ទង់ជាលើកដំបូងគឺ ១ ០២៥នាក់ ។សម្រាបក់អ្នកឆ្លងថ្មីមានអ្នកឆ្លងថ្មីមានចំនួន ៩៩៦នាក់ និងស្លាប់ច្រើនបំផុតប្រចាំថ្ងៃមិនធ្លាប់មានចំនួន ៣៩នាក់។
តាមតួលេខចុងក្រោយនេះ កម្ពុជាបានឈរនៅលំដាប់ទី៦ ពីលើប្រទេសសិង្ហបុរី ដែលធ្លាប់តែមានអ្នកឆ្លងច្រើនជាងកម្ពុជា ចាប់តាំងពីមានការឆ្លងរាលដាលជំងឺកូវីដ-១៩ មក។ ប្រទេសសិង្ហបុរី គិតមកត្រឹមថ្ងៃម្សិលមិញ មានអ្នកឆ្លងសរុបចំនួន ៦២ ៨០៤ នាក់ និងស្លាប់សរុបតែ ៣៦នាក់ប៉ុណ្ណោះ។
សូមបញ្ជាក់ថា នៅក្នុងចំណោមប្រទេសអាស៊ានទាំង១០ កម្ពុជាបានឈរនៅលំដាប់ទី៦ ទាំងចំនួនអ្នកឆ្លង និងចំនួនអ្នកស្លាប់ ក្រោមប្រទេសភូមា ដែលមានអ្នកឆ្លងដល់ទៅជាង ២០ម៉ឺននាក់ និងស្លាប់ជាង៤ពាន់នាក់។ រីឯប្រទេសដែលមានអ្នកឆ្លង និងស្លាប់ច្រើនជាងគេនៅក្នុងចំណោមប្រទេសអាស៊ានវិញ គឺឥណ្ឌូនេស៊ី ដែលមានអ្នកឆ្លងសរុបជាង ២,៦លាននាក់ និងស្លាប់ជិត៧ម៉ឺននាក់ តាមពីក្រោយដោយហ្វីលីពីន ម៉ាឡេស៊ី ថៃ ភូមា និងកម្ពុជា។