
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 5988 នាក់
ម្សិលមិញ 5667 នាក់
សរុប 18745014 នាក់
ភ្នំពេញ ៖ អតីតកីឡាករបាល់ទាត់ជម្រើសជាតិម្នាក់បានជិះម៉ូតូធ្លាក់ចូលទឹកប្រឡាយបណ្ដាលឲ្យលង់ទឹកស្លាប់យ៉ាងអាណោចអាធ័ម កាលពីយប់ ថ្ងៃទី២០ ខែមេសា ឆ្នាំ២០២៥ ។តែករណីយ៍នេះបានបង្កការភ្ញាក់ផ្អើលនៅព្រឹក ថ្ងៃទី២១ ខែមេសា ឆ្នាំ២០២៥នេះ ស្ថិតនៅភូមិកំរ៉ែង សង្កាត់សាក់សំពៅ ខណ្ឌដង្កោ រាជធានីភ្នំពេញ ។
សពជនរងគ្រោះខាងលើមានឈ្មោះ ទេស សម្បត្តិ អាយុ២៨ឆ្នាំ ស្នាក់នៅបុរីទីលាង សង្កាត់ព្រៃវែង ខណ្ឌដង្កោ រាជធានីភ្នំពេញ។ និងជាកីឡាករជម្រើសជាតិកម្ពុជា បានទទួលមរណភាព ក្នុងវ័យ ២៥ឆ្នាំ កាលពីម៉ោង ១០៖៣០នាទីយប់ ថ្ងៃទី២០ ខែមេសា ឆ្នាំ២០២៥ ដោយសារគ្រោះថ្នាក់ចរាចរណ៍(ធ្លាក់ទឹក)។ នេះបើយោងតាមការជូនដំណឹងផ្លូវការរបស់ក្លិបបាល់ទាត់ វិសាខាក្នុងសេចក្តីប្រកាសពត៍មានរបស់ខ្លួនបានចាត់ទុក កីឡាករ ទេស សម្បត្តិ ខ្សែការពារក្រុមបាល់ទាត់ វិសាខា គឺជាការបាត់បង់នូវធនធានកីឡាករដ៏ឆ្នើមមួយរូបរបស់កម្ពុជា និងជាការបាត់បង់នូវស្វាមី ឪពុក និងជាសមាជិកគ្រួសារ ប្រកបដោយព្រហ្មវិហារធម៌។
ប្រភពព័ត៌មានខាងលើ បានបញ្ជាក់ថា «តាងនាមថ្នាក់ដឹកនាំ ក្រុមការងារ និងកីឡាករ-កីឡាការិនីទាំងអស់ នៃក្លិបកីឡាបាល់ទាត់ វិសាខា ពិតជាមានសេចក្ដីក្ដុកក្ដួលរន្ធត់តក់ស្លុតជាខ្លាំង ក្រោយទទួលបានដំណឹងមរណភាពរបស់កីឡាករ ទេស សម្បត្តិ។ ពួកយើងទាំងអស់គ្នា ពិតជាមានការសោកស្ដាយជាអនេក ចំពោះការបាត់បង់នូវធនធានកីឡាករដ៏សំខាន់របស់កម្ពុជា នាពេលនេះ»។
សូមបញ្ជាក់ថាកីឡាករ ទេស សម្បត្តិ បានផ្ដើមអាជីពបាល់ទាត់ដំបូង នៅសាលាបាល់ទាត់ជាតិបាទី ចន្លោះឆ្នាំ២០១៤-២០១៨ ក្រោយបញ្ចប់ការបណ្ដុះបណ្ដាលនៅបាទី កីឡាករមានដើមកំណើតនៅខេត្តតាកែវ បានចូលរួមជាមួយក្លិបបឹងកេត ដែលជាទីធ្វើឲ្យរូបគេកសាងកេរ្ដិ៍ឈ្មោះក្នុងវិថីបាល់ទាត់ ចន្លោះឆ្នាំ២០១៨-២០២១ ។បន្ទាប់មកបន្ដផ្ទេរមកលេងឲ្យវិសាខា នៅឆ្នាំ២០២១ ដល់បច្ចុប្បន្ន ខណៈមួយរយៈចុងក្រោយដែលមានបញ្ហារបួស បានធ្វើឲ្យខ្សែការពារឆ្នើមរូបនេះ មិនសូវបានលេងជាប់លាប់ និងខកខានមិនបានជាប់ជាកីឡាជម្រើសជាតិផងដែរ៕