រុស្ស៊ីឌឺអាមេរិករឿងដកទាហានចេញពីអាហ្វហ្គានីស្តង់
25-April-2025 / ព័ត៌មានអន្តរជាតិ
អាហ្កានីស្តង់៖ការដកទាហានអាមេរិកចេញពីអាហ្វហ្គានីស្ថានបន្សល់នៅភាពបែកបាក់ ប្រទេសជាតិខ្ទេចខ្ទី អសន្តិសុខ ការគំរាមកំហែងដោយភេរវកម្ម វិបត្តិសេដ្ឋកិច្ច និងបទល្មើសជាច្រើននៅក្នុងប្រទេសនេះប្រជាជនស្អប់ខ្ពើម។នេះជាការវាយតម្លៃដោយមន្ត្រីជាន់ខញបស់រុស្ស៊ី។
លោកសហ្គេហ្សេឡឹយ៉ាក( Sergei Zheleznyak )សមាជិកគណៈកម្មការកិច្ចការបរទេសរបស់សភារុស្ស៊ីបាននិយាយទៅកាន់សារព័ត៌មាន RIA Novosti ថា « ក្នុងរយៈពេល ២០ឆ្នាំនៃសង្គ្រាមនៅប្រទេសអាហ្វហ្គានីស្ថាន អាមេរិកមិនបានសម្រេចគោលដៅសន្តិភាពនៅទីនោះឡើយ ។ ការគំរាមកំហែងវាយប្រហារដោយភេរវកម្មនៅតែបន្តកើនឡើង វិស័យសេដ្ឋកិច្ចរងការបំផ្លាញ សង្គមបែកបាក់ ពលរដ្ឋមិនមានសាមគ្គីភាព… ការជួញដូរគ្រឿងញៀនកើនឡើង ទាំងនោះជាលទ្ធផលនៃសង្គ្រាមដើម្បីសន្តិភាព ប្រឆាំងភេរវកម្មរបស់អាមេរិក ក្នុងទឹកដីអាហ្វហ្គានីស្ថាន។
មន្ត្រីរុស្ស៊ី បានបញ្ជាក់ទៀតថា តាមពិតអាមេរិកមានគោលដៅផ្សេងក្នុងការធ្វើសង្គ្រាមនៅក្នុងទឹកដីអាហ្វហ្គានីស្ថាន គឺធ្វើឲ្យតំបន់ទាំងមូលធ្លាក់ក្នុងស្ថានភាពអសន្តិសុខ។ អ្វីគ្រប់យ៉ាងបានបង្ហាញយ៉ាងច្បាស់ក្រោយអាមេរិកប្រកាសដកទាហានចេញពីប្រទេសអាហ្វហ្គានីស្ថាន សន្តិភាពគឺមិនមែនជាគោលដៅដែលអាមេរិកចង់បាននៅអាហ្វហ្គានីស្ថាននោះឡើយ។
លោកហ្សេឡឹនយ៉ាក( Zheleznyak) បញ្ជាក់ទៀតថា ទីក្រុងវ៉ាស៊ីនតោនបានធ្វើឲ្យពលរដ្ឋអាហ្វហ្គានីស្ថានកាន់តែស្អប់ខ្ពើម ដោយសារតែបានបន្សល់ទុកនូវបញ្ហាជាច្រើនមិនទាន់ដោះស្រាយ ក្នុងនោះមានការជួញដូរគ្រឿងញៀន ការកើនឡើងនៃការវាយប្រហារភេរវកម្ម។បច្ចុប្បន្នក្រុមតាលីបង់បានដណ្តើមគ្រប់គ្រងតំបន់ជាច្រើនក្នុងប្រទេសអាហ្វហ្គានីស្ថាន ។ ក្រុមតាលីបង់ ទទួលបានអាវុធទំនើបៗជាច្រើន មានទាំងរថយន្ត រថពាសដែកដែលអាមេរិកបោះបង់ចោល។ ក្រុមភេរវកម្មបានកើនឡើងនៅក្នុងតំបន់មជ្ឈិមបូព៌ា ក្នុងនោះមានប្រទេស អ៊ីរ៉ាក់ ស៊ីរី និងប្រទេសជាច្រើនទៀតនៅតំបន់អាស៊ីភាគកណ្តាល។ដូច្នេះហើយអ្វីដែលត្រូវធ្វើនៅពេលនេះរបស់រុស្ស៊ី គឺធ្វើឲ្យតំបន់ព្រំដែនមានសន្តិសុខ ស្ថិរភាព សុវត្ថិភាព រហូតដល់ក្នុងប្រទេសអាហ្វហ្គានីស្ថាន គឺជាគោលដៅរបស់រុស្ស៊ី និងបណ្តាប្រទេសក្នុងតំបន់។
កាលពីថ្ងៃទី ៩ខែកក្កដា ក្រុមតាលីបង់បានវាយប្រហារដណ្តើមគ្រប់គ្រងខេត្ត Kandahar ដែលជាតំបន់សេដ្ឋកិច្ចធំបំផុតនៅតំបន់ភាគខាងត្បូងប្រទេសអាហ្វហ្គានីស្ថាន ។ កន្លងមក ក្រុមតាលីបង់ ក៏បានដណ្តើមគ្រប់គ្រង ទីតាំងនៅតំបន់ព្រំដែនជាប់ប្រទេស តាជីគីស្ថាន អ៊ីរ៉ង់ និងTurkmenistan ។តំណាងក្រុមតាលីបង់ម្នាក់ឈ្មោះ Shahabuddin Delawar បានធ្វើសន្និសីទកាសែត នៅទីក្រុងមូស្គូ ដោយបានអះអាងថា គិតមកត្រឹមពេលនេះ គឺក្រុមតាលីបង់ បានវាយដណ្តើមគ្រប់គ្រង បាន៨៥% នៃផ្ទៃដីអាហ្វហ្កានីស្ថានហើយ។ ពោលគឺ ២៥០តំបន់ ក្នុងចំណោម ៣៩៨តំបន់ របស់អាហ្វហ្កានីស្ថាន គឺស្ថិតនៅក្នុងការគ្រប់គ្រង របស់កងកម្លាំងតាលីបង់ហើយ ចាប់ពីពេលនេះទៅ។
តែយ៉ាងណា ការប្រកាសអះអាងរបស់ក្រុមតាលីបង់នេះ ត្រូវបានខាងរដ្ឋាភិបាលអាហ្វហ្កានីស្ថាន លើកឡើងថា ថាមិនពិតទេ។ លោកហ្វាយ៉ាាម៉ាន( Fawad Aman) អ្នកនាំពាក្យរដ្ឋាភិបាលអាហ្វហ្កានីស្ថាន បានលើកឡើងថា បើសិនជាក្រុមតាលីបង់ កំពុងតែគ្រប់គ្រងដែនដី ៨៥%មែន ចុះហេតុអ្វីបានជាពួកមេក្រុមតាលីបង់ នៅតែបន្តសំងំលាក់ខ្លួននៅបាគីស្ថាន? ហេតុអ្វីមិនព្រមចូលមកដែនដីអាហ្វហ្កានីស្ថាន។ មួយវិញទៀត បើក្រុមតាលីបង់គ្រប់គ្រងផ្ទៃដីអាហ្វហ្កានីស្ថាន ជាង៨០%មែន ចុះហេតុអ្វីបានជាពេលសមាជិកក្រុមនេះរបួស ឬស្លាប់ ម្តេចក៏បញ្ជូនចេញទៅប៉ាគីស្ថាន?
ទន្ទឹមនិងអះអាងថាដណ្តើមកានកាប់បានទឹកដីជាបន្តបន្ទាប់ក្រុមតាលីបង់ក៏បានស្នើដល់ប្រទេសចិន ចូលរួមកសាងប្រទេសអាហ្វហ្គានីស្ថាន ដោយបានសន្យាថា នឹងធានាដល់សន្តិសុខ សុវត្ថិភាពរបស់កម្មករចិន។ ចំណែករដ្ឋាភិបាលអាហ្វហ្គានីស្ថានវិញ ក៏បានអំពាវនាវដល់ចិន រុស្ស៊ី និងឥណ្ឌា ចូលរួមកសាងប្រទេសនេះឡើងវិញ ក៏ដូចជាទប់ស្កាត់ក្រុមភេរវកម្ម ក្រោយអាមេរិកដកទាហានចេញ។ប្រទេសមហាអំណាចធំៗជាច្រើនបានអំពាវនាវឲ្យភាគីទាំងពីរចូលតុចរចារ។ប្រហែលជាចឹងហើយបានជាពួកតាលីបង់ខំសម្រុកដណ្តើមកាន់កាប់ទឹកដីដើម្បីតថ្លៃការចរចារ។
