ប្រជាពលរដ្ឋតវ៉ារឿងមេភូមិមេឃុំឲ្យឈ្មួញជីកដីបឹងលក់រាលចូលដីរបស់គាត់

ចាប់ឧកញ៉ា អ៊ឹម ប្រុស ពីបទ «ឆបោក», បញ្ជូនទៅាមួយកាំភ្លើងខ្លី៥ដើម និងគ្រាប់កាំភ្លើងជាង ២០០គ្រាប់

ស្ត្រីម្នាក់បានស្លាប់ដោយសារកែសុដន្យនៅគ្លីនិកអន្តរជាតិM25ក្រសួងបិទ

សម្តេចតេជោ ឲ្យសម្រួលជាមួយថៃ រឿងដណ្តើមកម្មសិទ្ធិលើ «ក្បាច់ប្រដាល់»និងផ្តល់អនុសាសន៍រឿងភ្លេងពិណាធតាមវត្ត្

ប្រជាពលរដ្ឋរស់នៅភូមិពោធិមង្គល ឃុំព្រែកតាទែន ស្រុកពញាឮ ខេត្តកណ្តាលចំនួន ២២គ្រួសារ បណ្ដឹងមន្ត្រីស្រុកទៅ អង្គភាពប្រឆាំងអំពើពុករលួយ

ដកលោក ហាន សាខន ពីប្រធានដែនជម្រកសត្វព្រៃកែវសីមា

មិនទាន់មានច្បាប់អនុញ្ញាតិផងតែឈ្មួញហន់សុជាហ៊ានយកគ្រឿងចក្រឈូសឆាយពុះជាឡូត៍លក់យ៉ាងរំភើយ

ជាច្រើនទៀត

ចំនួនអ្នកទស្សនា

ថ្ងៃនេះ 2215 នាក់

ម្សិលមិញ 5456 នាក់

សរុប 12337209 នាក់

លោកប្រាវីតវង់ស៊ូវ៉ាន់ត្រូវបានប្រកាសជាបេក្ខភាពនាយករដ្ឋមន្ត្រីប្រកួតជាមួយលោកប្រាយុទ្ធដែលបង្ក្កើតបក្សថ្មីក្នុងពេលបក្សភឿថៃនាំមុខ

26-February-2023 / ព័ត៌មានអន្តរជាតិ

ប្រទេសថៃ៖ គណបក្សកាន់អំណាចថៃ(ផាឡាង ប្រាចារ៉ាត់ Palang Pracharath ឬ PPRP) នៅថ្ងៃសុក្រទី២៧មករា បានប្រកាសតែងតាំងឧបនាយករដ្ឋមន្ត្រីបច្ចុប្បន្ន គឺលោក ប្រាវីត វង់ស៊ូវ៉ាន់ (Prawit Wongsuwan) ជាបេក្ខជនរបស់ខ្លួនសម្រាប់តំណែងនាយករដ្ឋមន្ត្រី ក្នុងការបោះឆ្នោតសកល នាពេលខាងមុខ។ a brayut thai

ទីភ្នាក់ងារព័ត៌មាន AFP នៅថ្ងៃសុក្រ ទី២៧ ខែមករា ឆ្នាំ២០២៣បានឲ្យដឹងថា៖លោក ផៃប៊ុល នីទីតាវ៉ាន់ (Paibul Nititawan) អនុប្រធានគណបក្ស ផាឡាង ប្រាចារ៉ាត់ (Palang Pracharath ឬ PPRP) បានប្រកាសដូច្នេះថា «ពួកយើងបានឯកភាពគ្នាជាឯកច្ឆន្ទក្នុងការតែងតាំង លោក ប្រាវីត វង់ស៊ូវ៉ាន់ ជាបេក្ខជននាយករដ្ឋមន្ត្រីតែមួយគត់របស់គណបក្សយើង»។ ខណៈកាលបរិច្ឆេទជាក់លាក់មិនទាន់ត្រូវបានកំណត់ក៏ដោយ តែបើតាមរដ្ឋធម្មនុញ្ញាតថៃ គឺការបោះឆ្នោតសកលចាំបាច់ត្រូវតែរៀបចំឡើង មិនឱ្យលើសពីខែឧសភា ឆ្នាំនេះឡើយ។

លោក ប្រាវីត នឹងត្រូវប្រកួតប្រជែងជាមួយនាយករដ្ឋមន្ត្រីបច្ចុប្បន្ន គឺលោក ប្រាយុទ្ធ ចាន់អូចា ដែលនឹងដឹកនាំយុទ្ធនាការសម្រាប់គណបក្សទើបបង្កើតថ្មីរបស់គាត់គឺ គណបក្សរួមថៃសាងជាតិ (Ruam Thai Sang Chart)។ លោក ប្រាយុទ្ធ បានឡើងកាន់អំណាចដំបូង ក្នុងនាមជាប្រមុខរដ្ឋាភិបាលយោធា តាមរយៈរដ្ឋប្រហារកាលពីឆ្នាំ២០១៤ ហើយក្លាយជានាយករដ្ឋមន្ត្រីនៃរដ្ឋាភិបាលស៉ីវិល ក្រោយការបោះឆ្នោតឆ្នាំ២០១៩។ លោក ប្រាយុទ្ធ និងលោក ប្រាវីត ដែលសុទ្ធតែជាអតីតមេបញ្ជាការយោធា គឺជាសម្ព័ន្ធមិត្តជិតដិតនឹងគ្នា អំលុងការកាន់អំណាចនៃរបបយោធា ហើយលោក ប្រាយុទ្ធ គឺជាបេក្ខភាពនាយករដ្ឋមន្ត្រីរបស់គណបក្ស ផាឡាង ប្រាចារ៉ាត់ កាលពីឆ្នាំ២០១៩។

ចំណែក គណបក្សប្រឆាំងធំជាងគេរបស់ថៃវិញ គឺគណបក្សភឿថៃ (Pheu Thai) ត្រូវគេរំពឹងថា នឹងតែងតាំងអ្នកនាង ផែថងថាន ស៉ីណាវ៉ាត់ (Paetongtarn Shinawatra) ដែលជាកូនស្រីពៅរបស់អតីតនាយករដ្ឋមន្ត្រីថៃ លោក ថាក់ស៉ីន ស៉ីណាវ៉ាត់ (Thaksin Shinawatra) ឱ្យធ្វើជាបេក្ខភាពម្នាក់ ក្នុងចំណោមបេក្ខភាពនាយករដ្ឋមន្ត្រីរបស់ខ្លួន។ទីភ្នាក់ងារព័ត៌មាន Bloomberg កាលពីថ្ងៃទី២៩ ខែមករា បានដកស្រង់សម្តីលោកស្រី Paetongtarn ដែលនិយាយថា លោកស្រីមានទំនុកចិត្តចំពោះជ័យជម្នះដ៏លើសលប់របស់គណបក្សភឿថៃ តាមរយៈការអនុវត្តគោលនយោបាយដើម្បីសម្រាលបន្ទុកលើអ្នកបោះឆ្នោត។

កូនស្រីអាយុ ៣៦ ឆ្នាំរបស់លោកថាក់ស៊ីន ត្រូវបានគេមើលឃើញយ៉ាងទូលំទូលាយថាជាបេក្ខជនដ៏មានសក្ដានុពលកំពូលសម្រាប់តំណែងនាយករដ្ឋមន្ត្រីដោយគណបក្សភឿថៃ ។ លោកស្រី Paetongtarn បាននិយាយថា នាងត្រៀមខ្លួនជាស្រេចដើម្បីក្លាយជាបេក្ខភាពនាយករដ្ឋមន្ត្រីមួយក្នុងចំណោមបេក្ខភាពនាយករដ្ឋមន្ត្រីទាំងបីរបស់គណបក្សនេះ។លោកស្រី Paetongtarn បាននិយាយនៅក្នុងបទសម្ភាសន៍មួយ ពេលកំពុងធ្វើយុទ្ធនាការនៅខេត្ត Nong Khai ភាគឦសានប្រទេសថៃកាលពីថ្ងៃទី ២៩ ខែមករាថា “បច្ចុប្បន្នត្រូវតែមានគោលនយោបាយកាន់តែប្រសើរឡើង ហើយប្រជាជនត្រូវមានជីវភាពរស់នៅកាន់តែប្រសើរឡើង។ គណបក្សរបស់យើងត្រៀមខ្លួនរួចជាស្រេចហើយអាចជួយប្រជាជនបាន”។

គួរបញ្ជាក់ថា បញ្ហាបើទោះបីអ្នកនាង ផែថងថាន និងបក្សភឿថៃ ទទួលបានការគាំទ្រយ៉ាងរឹងមាំ ក្នុងការស្ទង់មតិជាបន្តបន្ទាប់នាពេលកន្លងមកនេះក៏ដោយ រដ្ឋធម្មនុញ្ញថៃបច្ចុប្បន្នដែលត្រូវបានធ្វើវិសោធនកម្ម នៅក្រោមសម័យរដ្ឋាភិបាលយោធា គឺអនុញាតឱ្យគណបក្សដែលមានទំនាក់ទំនងជាមួយយោធា មានប្រៀបខ្ពស់បើទោះជាមានសម្លេងឆ្នោតតិចក៏។ តួយ៉ាងដូចកាលពីក្នុងឆ្នាំ២០១៩ គណបក្សភឿថៃឯណោះទេ ដែលបានទទួលជ័យជម្នះនាំមុខគេនៅក្នុងសភា ប៉ុន្តែបក្ស ផាឡាង ប្រាចារ៉ាត់ ទៅវិញ ដែលអាចបង្កើតរដ្ឋាភិបាលចម្រុះដោយសារមានកម្លាំងគាំទ្រពីសមាជិកព្រិទ្ធសភាដែលត្រូវបានតែងតាំងដោយពួកយោធា តែងតាំងលោក ប្រាយុទ្ធ ជានាយករដ្ឋមន្ត្រី៕ a thak dau