» ទាស់​គ្នា​រឿង​ចាញ់ល្បែង​ក្នុង​កាស៊ីណូ​ខុសច្បាប់​កណ្តាល​ក្រុង​បាងកក​បាញ់​គ្នា​ស្លាប់​ស្ត្រី​ខ្មែរ​ម្នាក់​ទទេ​! » ប្រកាស​ផ្អាក​ដោះស្រាយ​វិវាទ​ដីធ្លី​នៅ​ខេត្តមណ្ឌលគិរី​សិន​ដោយសារ​អាកាសធាតុ​ » កិច្ចព្រមព្រៀង​ពាណិជ្ជកម្ម​សេរី​អឺរ៉ុប​-​វៀតណាម ចូល​ធរមាន​ធ្វើ​ឲ្យ​វៀតណាម​ចំណេញ​ច្រើន​! » កម្មករ​និង​អ្នកលក់​លត​ឆា​រើស​បាន​ទារិកា​មួយ​នៅក្បែរ​សមរាម​យកទៅ​ចិញ្ចឹម​! » លោក​ពេជ្រ ស្រស់​៖​ការចាប់​លោក​រ៉ុង ឈុន ជាការ​ធ្វើ ការដូរ​ឲ្យ​វៀតណាម ប​ណ្ឌឹ​ត​សុខ ទូច ថា​ពេជ្រ ស្រស់ គ្មាន​ដឹងអី​! » ប្រធានាធិបតី​អាមេរិក​និយាយថា​នឹង​បិទ​កម្មវិធី TikTok ឱ្យបាន​ឆាប់​បំផុត​បន្ទាប់មក​ឭ​ថា​ទុក​៤៥​ថ្ងៃ​វិញ ! » Love Riya ឡូឡា​ថា​ចោរលួច​អស់​៣០​ម៉ឺន​ដុល្លារ​តែ ស្នងការ​ខេត្តកណ្តាល ថា​ទូដែក​នោះ​គ្មាន​លុយ​ទេ​! » គ្រូ​ចិន​សែ ចាស់​ជាតិ​ម៉ាឡេស៊ី​ម្នាក់ ត្រូវស្រីក្មេង​បោក​លុយ​អស់​ជិត ១០​ម៉ឺន ដុល្លារ » ឈុត​រ៉ូ​ប​ផ្កាឈូក ជី​មមី និង ព្រះ​នាង​តូច ជេន​ណា ស្រស់​គួរឱ្យ​ក្នាញ់ » បង្ក្រាបបាន​គ្រឿងញៀន​ជិត​២០០​គីឡូ​និង​សារធាតុ​គីមីសម្រាប់ផលិត​សរុប​ជាង​៣០០០​គីឡូ​ » ខ្យល់​ភ្លៀង​បង្ក​ការខូចខាត​ផ្លូវ​ផ្ទះ​នៅ​ក្រុងព្រះសីហនុ​! » ផ្លែ​ស្ត្រ​ប៊ឺ​រី​នាំ​ពី​ស្រុក​ចិន​ចូល​វៀតណាម​២​តោន​មាន​ផ្ទុក​សារធាតុ​គីមី​លើ​សកំ​រឹត​ » ក្រសួងយុត្តិធម៌​កម្ពុជា​ផ្ដល់ជំនួយ​ផ្នែក​ច្បាប់​ជួយ​ស្ត្រី​ខ្មែរ​ដែល​វៀតណាម​នឹង​កា ត់​ទោ ស​ប្រ ហា​ជីវិត រឿង​គ្រឿងញៀន​! » ព្រលានយន្តហោះ​ខេត្តមណ្ឌលគិរី​ចាប់ផ្តើម​ឈូស​ផ្លូវ​ចូល​ហើយ​! » ស្នងការ​នគរបាល​ខេត្តព្រៃវែង​ថា​តុលា​ការរក​មិនឃើញ​កំហុស​លោក​ឧ​ត្ត​ម​សេនីយ៍​ត្រី ថោង វណ្ណឌី​រឿង​លក់​កាំភ្លើង​ឲ្យ​ចោរ​ទេ​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3580 នាក់

ម្សិលមិញ 7219 នាក់

សរុប 5515024 នាក់

សហភាព​អឺរ៉ុប​ដាក់សំណើ​បញ្ចូល​កម្ពុជា​ក្នុង​បញ្ជីខ្មៅ​នៃ​ការលាង​លុយកខ្វក់​!?

 

​បែ​ល​ហ្សិ​ក​៖​គណៈកម្មការ​អឺរ៉ុប​មានបំណង​ស្នើ​បញ្ចូល​កម្ពុជា​ទៅក្នុង​បញ្ជីខ្មៅ​នៃ​ក្រុម​ប្រទេស លាងលុយកខ្វក់ ដែល​បង្ក​ការគំរាមកំហែង​ខ្លាំង​ដល់​ប្រព័ន្ធ​ហិរញ្ញវត្ថុ​របស់​អឺរ៉ុប​។ ការស្នើ​នេះ ធ្វើ​ឲ្យ​កម្ពុជា​នឹង ជាប់​ឈ្មោះ​ជាមួយ​ប្រទេស​មី​យ៉ាន់​ម៉ា ឬ​ភូមា ក្លាយជា​ប្រទេស​ពីរ ក្នុង​តំបន់​អាស៊ីអាគ្នេយ៍ ស្ថិតក្នុង​បញ្ជីខ្មៅ​របស់​អឺរ៉ុប ក្រៅពី​ប្រទេស ១០ ផ្សេងទៀត​នៅលើ​ពិភពលោក ដែល​គណៈកម្មការ​អឺរ៉ុប ទើប​បញ្ចូល​ឈ្មោះ​ក្នុង​បញ្ជីខ្មៅ​លាងលុយកខ្វក់​ក្នុង​ឆ្នាំ​២០២០ នេះ​។ a china money3 

​នៅ​តំបន់​អាស៊ី មាន កម្ពុជា មី​យ៉ាន់​ម៉ា និង​ម៉ុង​ហ្គោ​លី ដែល​ជាប់​ឈ្មោះ​ក្នុង ក្រុម​ប្រទេស​មាន​ហានិភ័យ​ខ្ពស់ ផ្នែក​អំពើ​លាងលុយកខ្វក់ និង​ហិរញ្ញប្បទាន​ភេរវកម្ម បង្ក​ការគំរាមកំហែង​ដល់​ប្រព័ន្ធ ហិរញ្ញវត្ថុ​របស់​អឺរ៉ុប​។ ក្រៅពីនោះ នៅ​តំបន់​ផ្សេងទៀត មាន​ប្រទេស​ប៉ា​ណា​ម៉ា នី​កា​រ៉ា​ហ្គ័​រ និង ហ្សី​ម​បា​វ៉េ ជាដើម​។ គណៈកម្មការ​អឺរ៉ុប ហៅ​ក្រុម​ប្រទេស​ទាំងនេះ​ថា ជា​ប្រទេស​ដែលមាន​កង្វះខាត ជា​យុទ្ធសាស្ត្រ​ផ្នែក​ក្របខណ្ឌ​ប្រយុទ្ធ​ប្រឆាំងនឹង​អំពើ​លាងលុយកខ្វក់ និង​អំពើ​ហិរញ្ញប្បទាន ភេរវកម្ម​។​

កាលពី​ឆ្នាំ​២០១៩ កម្ពុជា​ជាប់​ឈ្មោះ​ពីរ​ឆ្នាំ​ជាប់​គ្នា​ក្នុង « បញ្ជី​ប្រផេះ​» នៃ​ក្រុម​ប្រទេស ឬ​ដែនដី​ដែលមាន​កង្វះខាត​ជា​យុទ្ធសាស្ត្រ​ក្នុងការ​ប្រយុទ្ធ​ប្រឆាំងនឹង​អំពើ​លាងលុយកខ្វក់ និង​ហិរញ្ញប្បទាន​ភេរវកម្ម ក្នុងចំណោម ១៨​ប្រទេស របស់​ស្ថាប័ន​ឃ្លាំមើល​អំពើ​លាង​លុយ កខ្វក់​ពិភពលោក​ដ៏​មាន​ឥទ្ធិពល ហៅ​កាត់​ថា FATF​។​សម្តេច​ក្រឡាហោម ស ខេង រដ្ឋមន្ត្រី​ក្រសួងមហាផ្ទៃ ធ្លាប់​ទទួលស្គាល់ថា កម្ពុជា​នឹង​ប្រឈម​នឹង​ការលំបាក បើ​ស្ថាប័ន​អន្តរជាតិ​ផ្នែក​ឃ្លាំមើល អំពើ​លាងលុយកខ្វក់​របស់​ពិភពលោក ដាក់បញ្ចូល​កម្ពុជា​ទៅក្នុង​បញ្ជីខ្មៅ​។

សម្តេច​តេ​ជោ​នាយករដ្ឋមន្ត្រី ហ៊ុន សែន ក៏​ធ្លាប់​ប្ដេជ្ញា​ថា នឹងមិន​ឲ្យ​កម្ពុជា​ក្លាយជា​ជម្រក​លាង​លុយ កខ្វក់​ឡើយ​៖ «​ទោះបី​យើង​មិនមែនជា​គោលដៅ​នៃ​ការវាយប្រហារ​ភេរវកម្ម តែ​ត្រូវធ្វើ​ឲ្យ​ប្រទេស​កម្ពុជា​យើង កុំ​ក្លាយទៅជា​ប្រទេស​នៃ​ជម្រក ឬ​ការឆ្លងកាត់​របស់​ពួក​ភេរវកម្ម​។ កុំ​ឲ្យ​ប្រទេស​យើង​ក្លាយទៅជា​កន្លែង​ដែល​សម្អាត​ប្រាក់ ព្រោះ​អា​សំណុំ​បញ្ហា ការជួញដូរ​គ្រឿងញៀន ការជួញដូរ​អាវុធ ការជួញដូរ​ការលាង​លុយកខ្វក់ គឺ​សំណុំរឿង​ទៅ​តែមួយ​»​។​

លោក គួច ចំរើន​អភិបាលខេត្ត​ព្រះសីហនុ នៅក្នុង​កិច្ចប្រជុំ​គណៈបញ្ជាការ​ឯកភាព​ខេត្ត នា​រសៀល​ថ្ងៃទី​១៩ ខែកក្កដា ឆ្នាំ​២០១៩ បាន​មាន​ប្រសា​ស​ន៏​ថា​៖”​ស្នើឱ្យ​មានការ​ដកខ្លួន​ចេញ​ជាបន្ទាន់ ចំពោះ​មន្ត្រី​ណា​ដែល មានការ​ពាក់ព័ន្ធ​ក្នុង​រឿង​វិវាទ​ដីធ្លី​, បញ្ហា​លាង​លុយខ្មៅ​, ការជួញដូរ​មនុស្ស​ជាដើម​”​។​នេះ​ជាការ​ប្រកាស​នាពេល​កន្លងមក​។​

​គណៈកម្មការ​អឺរ៉ុប បញ្ជាក់​ក្នុង​សេចក្ដីប្រកាស​ព័ត៌មាន កាលពី​ថ្ងៃទី​៧ ឧសភា ថា ខ្លួន​នឹងដាក់​សេចក្ដីសម្រេចចិត្ត​នេះ ឲ្យ​សភា និង​ក្រុមប្រឹក្សា​អឺរ៉ុប​សម្រេច​បន្ត មុននឹង​ចាប់ផ្ដើម​អនុវត្ត​ជា​ផ្លូវការ ចាប់ពី​ថ្ងៃទី​១ ខែតុលា​តទៅ ដោយសារតែ​ពិភពលោក​កំពុង​ប្រឈម​នឹង​បញ្ហា​វិបត្តិ​ជំងឺ​រាតត្បាត​សាកល​កូ​វីដ​១៩​។ ទន្ទឹមគ្នានេះ គណៈកម្មការ​អឺរ៉ុប ក៏បាន​សម្រេច​ដាក់ចេញ​វិធាន​ការរួម ដើម្បី​ពង្រឹង​ការប្រយុទ្ធ​ប្រឆាំងនឹង​អំពើ​សម្អាត​ប្រាក់ ឬ​លាងលុយកខ្វក់ និង​អំពើ​ហិរញ្ញប្បទាន​ភេរវកម្ម​។ ក្រៅពីនេះ គណៈកម្មការ​អឺរ៉ុប ក៏​កំពុង​ពិចារណា​បង្កើត​ស្ថាប័ន​ប្រឆាំង​អំពើ​លាងលុយកខ្វក់ ដាច់ដោយឡែក​មួយ នាពេល​អនាគត មិន​ស្ថិតក្រោម​ចំណុះ​របស់​ធនាគារកណ្ដាល​អឺរ៉ុប​។​

​អ្នកជំនាញ​ខាង​វិស័យ​ធនាគារឯកជន បណ្ឌិត អ៊ិន ចាន់នី បដិសេធ​ផ្ដល់​ការអត្ថាធិប្បាយ ជុំវិញ​ការសម្រេចចិត្ត​របស់​គ​ណៈ​កម្ម​ការ​អឺរ៉ុប​នេះ​ជាមួយ​កាសែត ពីព្រោះ​លោក​មិនទាន់ បាន​អាន​ឯកសារ​នោះ​។ ក៏ប៉ុន្តែ លោក​ថា ការចាយវាយ​នៅ​កម្ពុជា​ស្ទើរតែ​ជាង ៨០% ពឹងផ្អែក​ខ្លាំង​លើ​រូបិយប័ណ្ណ​បរទេស​ដែលជា​ប្រាក់​ដុល្លារ​។ ដូច្នេះ លោក​ថា កម្ពុជា​មិនអាច​ធ្វើ​ឲ្យ​បាត់បង់​មធ្យោបាយ ក្នុងការ​ផ្ទេរប្រាក់​នោះទេ​។​

​កាលពី​ឆ្នាំ​២០១៩ នៅ​ទូទាំង​ពិភពលោក មាន​ប្រទេស និង​ដែនដី​សរុប​ចំនួន ២៣ ជាប់​ឈ្មោះ ក្នុង​បញ្ជីខ្មៅ​របស់​សហភាព​អឺរ៉ុប​ខាង​ផ្នែក​លាងលុយកខ្វក់ និង​ហិរញ្ញប្បទាន​ភេរវកម្ម​។ សហភាព​អឺរ៉ុប​ចាត់ទុក​ប្រទេស និង​ដែនដី​ទាំងនោះ​ថា បង្ក​ការគំរាមកំហែង​ធ្ងន់ធ្ងរ​ដល់​ប្រព័ន្ធ ហិរញ្ញវត្ថុ​របស់ខ្លួន ដោយសារតែ​ក្រុម​ប្រទេស​ទាំង​នោះបាន​បរាជ័យ​មិនបាន​ដោះស្រាយ បញ្ហា​លាងលុយកខ្វក់ និង​ហិរញ្ញប្បទាន​ភេរវកម្ម​។​a china money2 a eu money