វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2191 នាក់
ម្សិលមិញ 6501 នាក់
សរុប 13950746 នាក់
ខេត្តបាត់ដំបង៖ លោកយឹម វិចិត្រ មេបញ្ជាការវរៈសេនាតូច នគរបាលការពារព្រំដែនគោកលេខ៨២៣ត្រូវបានលោកស្នងការចេញលិខិតផ្អាកការអារជាបណ្ដោះអាសន្ន ហើយ នៅព្រឹកថ្ងៃទី០៤ មិថុនា ពិបទបានប្រើហិង្សាដ៏រកំរោលទៅលើមន្ត្រីក្រោមឱវាទរបស់ខ្លួន នៅចំពោះមុខមន្ត្រីរាប់សិននាក់ កាលពីប៉ុន្មានថ្ងៃមុននេះ ។
ពិធីប្រកាស «សេចក្ដីសម្រេច» របស់លោកស្នងការខេត្តក្នុងកម្មវត្ថុ៖ «ផ្អាកការងារ» លោកយឹម វិចិត្រ ខាងលើនេះ បានធ្វើឡើងនៅទីបញ្ជាការវរៈសេនាតូច នគរបាលការពារព្រំដែនគោលលេខ៨២៣ ដែលមានទៅតាំងនៅ ជិតច្រកតំបន់៤០០ ក្នុងស្រុកសំឡូត ដែលមានលោក លី ប៊ួយ ស្នងការរងទទូលផែនការងារព្រំដែនជាអធិបតិ ។
យោងលិខិតបង្គាប់ការ ស្ដីពី«ការប្រគល់ភាកិច្ចបណ្ដោះអាសន្ន ជូនមន្ត្រីនគរបាលជាតិ នៃស្នងការដ្ឋាននគរបាលខេត្តបាត់ដំបង» លេខ៦៦ លបក.នប ចុះថ្ងៃទី០៣ មិថុនា ២០២១ របស់លោក សាត គឹមសាន ស្នងការនគរបាលខេត្ត គឺ ជូនលោកវរៈសេនីយ៏ទោ មាស មឿន ជាមេបញ្ជាការរងឲ្យទទូលដឹកនាំការងារក្នុងអង្គភាព ក្នុងចន្លោះពេលអវត្តមានមេបញ្ជាការដឹកនាំ។
ក្រៅពីរឿងវ៉ៃក្បាលកូនចៅមុខគេឯងលោក យឹម វិចិត្រ ក៏ពុងត្រូវស៊ើបអង្កេតលើសំណុំរឿថ្មីមួយករណីទៀតដែរ គឺករណី «ស្លាប់ពលរដ្ឋម្នាក់ ដោយសារឈើវាត់ត្រូវក្បាលស្លាប់ នៅពេលទៅកាប់ព្រៃឲ្យលោកយឹម វិចិត្រ នៅក្នុងស្រុកសំឡូត»។ សូមបញ្ជាក់ថា លោក យឹម វិចិត្រ អតិតមេបញ្ជាការវរៈសេនាតូចនគរបាលការពារព្រំដែនគោកលេខ៨២៣ ត្រូវបានកូនចៅរបស់ខ្លួន គឺ លោក ជា សុភ័ស្ដ នាយផ្នែកភស្ដភា ប្ដឹងទៅលោក សាត គឺមសាន ស្នងការខេត្ត ដើម្បីសុំអន្តរាគមន៏ជួយរកយុត្តិធម៏ ដោយចោទថា អតីតមេបញ្ជាការដ៏សំបូររឿងអាស្រូវរូបនេះ បានយកវិទ្យទាក់ទងអាកូមវាយក្បាលខ្លួនធ្វើឲ្យរបួសថ្ងាស កាលពីព្រឹកថ្ងៃទី០១ មិថុនា នៅក្នុងទីបញ្ជាការ ស្របពេលមានវត្តមានមន្ត្រីស្ថាប័ននានា នៅទីនោះដើម្បីចូលរួមប្រជុំពិភាក្សាការងារ ជាមួយលោកណុប ដារ៉ា អភិបាលរងខេត្តបាត់ដំបង។ដោយសារតែលោកយឹម វិចិត្រ មិនទុកមុខ ទុកមាត់ ទុកកិត្តិយសឲ្យលោកបែបនេះហើយ និងបានកើតឡើងដដែលពេក ទើបលោកសម្រេចចិត្តប្ដឹងទៅសុំអន្តរាគមន៏ពីលោកស្នងការ ដើម្បីឲ្យជួយរកយុត្តិធម៏តែម្ដងទៅ។