បែករឿងនគរបាលប្រឆាំងបទល្មើសសេដ្ឋកិច្ចខេត្តសៀមរាប ប្រមូលកញ្ចប់ពីទីតាំងជីករណ្តៅដីការដឹកជញ្ជូនទំនិញ តែសាម៉ីខ្លួនបដិសេធ!
21-May-2026 / ព័ត៌មានជាតិ
ខេត្តសៀមរាប៖ ការិយាល័យនគរបាលប្រឆាំងបទល្មើសសេដ្ឋកិច្ចខេត្តសៀមរាបត្រូវបានគេរាយាករណ៍ដើរ ប្រមូលកញ្ចប់ពីទីតាំងជីករណ្តៅដី,ពីទំនិញគេចពន្ធ តាំងពីច្រកប៉ោយប៉ែត អូរស្មាច់ ច្រកជាំ ពីវៀតណាម តាមកំពង់ចាម ? ។
អ្នកជីករណ្តៅដីបានបង្ហើបថា៖ខាងនគរបាលប្រឆាំងបទល្មើសសេដ្ឋកិច្ចខេត្តសៀមរាប មានច្រើនថ្នាក់ណាស់។ ក្នុងនោះ គ្រាន់តែឮថា, រាល់ការបង់លុយសេវាផ្សេងៗគេត្រូវចាត់ចែងដល់លោកឧត្តមសេនីយ៍ត្រី ម៉ក់ ធារ៉ា ស្នងការរង ទទួលផែនការិយាល័យនគរបាល ប្រឆាំងបទល្មើសសេដ្ឋកិច្ច ,លោកវរ:សេនីយ៍ឯក ជ្រិញ គឹមនី នាយការិយាល័យនគរបាលប្រឆាំងបទល្មើសសេដ្ឋកិច្ច, លោកវរសេនីយ៍ទោ ម៉េង សំណាង នាយរងការិយាល័យនគរបាលប្រឆាំងបទល្មើសសេដ្ឋកិច្ច ទទួលបន្ទុកបទល្មើសព្រៃឈើ និង ជលផល។ ប៉ុន្តែ អ្នកមានអំណាចពីលើ មានន័យថាមាន អំណាចចាត់ចែងប្រមូលសេដ្ឋកិច្ច គឺនៅលើ
ស្នការរង និង ឈ្មោះ ម៉េង សំណាង។
ប្រភពបានឲ្យដឹងទៀតថា លោកវរ:សេនីយ៍ត្រី សុខ ភិរម្យ នាយរងការិយាល័យ ទទួលបន្ទុកត្រួតពិនិត្យខាងធនធានរ៉ែ ( អាជីវកម្មជីកអាចម៍ដីលក់ ) គឺកៀបយកលុយប្រចាំខែកាប់ឆៅៗ ហាងឆេងលើ តែបបូរមាត់ ។ការដ្ឋាន១ តម្រូវឱ្យបង់ពី១០០០ ទៅ២៥០០ដុល្លារក្នុង១ខែ ។ មន្ត្រីបានដឹងថា, ក្នុងខេត្តសៀមរាបទាំងមូល អាចមានទីតាំងជីកអាចម៌ដីយ៉ាងតិចចាប់ពី២០ ទៅ៣០ទីតាំង។
ឯប្រមូលសេដ្ឋកិច្ចពីការដឹកជញ្ជូនទំនិញ គឺមានឈ្មោះលោកវរ:សេនីយ៍ទោ ហេង ហឿយ នាយរងការិយាល័យ គាត់ទទួលបន្ទុកទំនិញគេចពន្ធ ពីច្រក ប៉ោយប៉ែតអូរស្មាច់ ច្រកជាំ ពីវៀតណាម តាមកំពង់ចាម។ទាក់ទងពត៍មាននេះលោកវរ:សេនីយ៍ឯក ជ្រិញ គឹមនី នាយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានប្រាប់កាសែតតាមទូរស័ព្ទ៖ ឥឡូវអីចេះ ខ្ញុំមិនដឹងថាម៉េចទេ ! បើអ្នកសារព័ត៌មាន គាត់ទទួលដំណឹងពីអ្នកណា អាណឹងឱ្យគាត់បំភ្លឺដំណឹងហ្នឹងចុះ ! រួចក៏បិទទូរស័ព្ទ ។
ឯ លោកឧត្តមសេនីយ៍ត្រី ម៉ក់ ធារ៉ា ស្នងការរង ទទួលផែនការិយាល័យនគរបាល ប្រឆាំងបទល្មើសសេដ្ឋកិច្ច បានមានប្រសាសន៌ថា៖ ខ្ញុំសូមអរគុណច្រើនចំពោះការសួរនូវសំណួរដែលមានវិជ្ជាជីវៈ ដែលមិនមែនចុះផ្សាយឮតែគេថា បានព័ត៌មាន ពីអ្នកនេះ អ្នកនោះសុំមិនបញ្ចេញឈ្មោះបែបនេះ។ លោកបន្តថា៖ ខ្ញុំសូមធ្វើការបញ្ជាក់ជូនថា ការជីកអាចម៍ដី វាមានអាជ្ញាបណ្ណចល័ត និងអាជ្ញាបណ្ណអចល័ត ដូចជាសំណួរដែលសួរត្រឡប់មកខ្ញុំថា, មានមន្ត្រីទៅដាក់ខែគេ១០០០ ទៅ២៥០០ដុល្លារ បើសម្រាប់ខ្ញុំ ខ្ញុំមិនទៅកាន់ជើងកូនចៅខ្ញុំទេ ប៉ុន្តែអ្នកនិយាយ គាត់និយាយខុស មិនដឹងថាទៅធ្វើអាជ្ញាបណ្ណអស់ប៉ុន្មានផងហ្នឹង !
ធ្វើអាជ្ញាបណ្ណតាមផ្លូវច្បាប់ ឥឡូវរដ្ឋបាលខេត្ត បានប្រតិភូកម្ម អោយរដ្ឋបាលស្រុកអចល័ត ការសុំច្បាប់អស់តែ២៥ម៉ឺនរៀលទេ ហើយសុំច្បាប់ការពារបរិស្ថានអស់តែ២លានរៀលទេ មិនអស់៦០០ដុល្លារផង ។បើទៅសូកមន្ត្រី១ខែអោយបង់១០០០ ទៅ២០០០ យើងត្រូវគិតពិចារណាពីច្បាប់១ឆ្នាំគេចេញម្តង បើសិនករណីគេមានច្បាប់ តើមានមន្ត្រីណាទៅ ហ៊ានទៅសុំលុយ។ លោកបញ្ជាក់បន្តថា៖ មួយរយៈការិយាល័យប្រឆាំងបទល្មើសសេដ្ឋកិច្ច បានចុះបង្ក្រាបបទល្មើសធនធានរ៉ែ មានស្នាដៃដោយសារការណែនាំពីលោកអភិបាលខេត្ត បង្ក្រាបការជីកអាចម៌ដីខុសច្បាប់ ហើយមិនបានបង់ពន្ធ ។
ដល់ឆ្នាំ២០២២នេះ យើងថាសម្រេចរហូតដល់ មានច្បាប់រ៉ែ ច្បាប់បរិស្ថានរហូតដល់៩០%ឯណោះ ដោយសារការបង្ក្រាបកន្លងទៅ។ ប៉ុន្តែយើងបង្ក្រាបទៅមានអ្នកមិនសប្បាយចិត្ត បែជាបង្កើតព័ត៌មាននេះឡើង ការពិតធ្វើច្បាប់មិនអស់៦០០ដុល្លារផង រឿងអីគេបង់អោយមន្ត្រីយើង។ លោកស្នងការរង លើកឡើងថា៖ ចុះបើគាត់សូក ក៏ត្រូវសូកខាងខ្ញុំផង សូកខាងរ៉ែផង សូកខាងបរិស្ថានផង ។ ប៉ុន្តែព័ត៌មានមិនពិតពីផេកតូចៗខ្លះ គាត់ចេះតែផ្សព្វផ្សាយ ទទួលព័ត៌មានមិនគ្រប់ជ្រុងជ្រោយ ប៉ះពាល់ដល់កម្លាំងដែលគាត់ខិតខំបំពេញភារកិច្ច។
ពាក់ព័ន្ធនឹងករណីថា៖ លោកវរ:សេនីយ៍ទោ ហេង ហឿយ នាយរងការិយាល័យ គាត់ទទួលបន្ទុកទំនិញគេចពន្ធ ពីច្រក ប៉ោយប៉ែតអូរស្មាច់ ច្រកជាំ ពីវៀតណាម តាមកំពង់ចាម ,គឺលោកឧត្តមសេនីយ៍ត្រី ម៉ក់ ធារ៉ា ស្នងការរង ទទួលផែនការិយាល័យនគរបាល ប្រឆាំងបទល្មើសសេដ្ឋកិច្ច បានបញ្ជាក់ថា៖ ខ្ញុំបានព័ត៌មាននឹងហើយ ! ប៉ុន្មានថ្ងៃមុននោះ មានអ្នកសារព័ត៌មានមួយចំនួនពីភ្នំពេញ ផេកតូចៗទេ គាត់បានទាក់ទងមកប្រធានការិយាល័យ ដើម្បីសុំឧបត្ថម្ភ ដោយយកព័ត៌មាននេះ ព័ត៌មាននោះ ដើម្បីស្នើសុំ ទើបកើតចេញជារឿងនេះឡើង ដូច្នេះខ្ញុំត្រូវពិភាគ្សាគ្នាជាមួយខាងប្រធានមន្ទីរព័ត៌មានខេត្ត(ដើម្បីធើក?) ។
