វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4761 នាក់
ម្សិលមិញ 9706 នាក់
សរុប 14083004 នាក់
ភ្នំពេញ៖ ដោយសំអាងលើលិខិតរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃ១សន្លឹក មានចំណារលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២១ ខែកុម្ភៈ ឆ្នាំ២០២២នេះ សមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃមួយក្រុមដឹកនាំដោយលោកស័ក្តិ៥ ហ៊ុន សុងហាក់ បានទទួលការអនុញ្ញាតពីម្ចាស់ទីតាំងដើម្បីសហការឆែកឆេររកផលិតផលក្លែងក្លាយ ។
ម្ចាស់ទីតាំងលោក ម៉ៅ មីន អាយុ៤០ឆ្នាំ យល់ថាខ្លួនមានច្បាប់ មានប៉ាតង់ មានប្រវេទន៍ មានបញ្ជិកាត្រឹមត្រូវ ក៏បានអនុញ្ញាតឱ្យត្រួតពិនិត្យ ។ ការត្រួតពិនិត្យមុនដំបូងមានក្រុមលោកស័ក្តិ៥ ហ៊ុន សុងហាក់ និងក្រឡាបញ្ជី,ពេលម្ចាស់ទីតាំងសួរនាំរកខាងជំនាញមន្ត្រីសុខាភិបាលទើបសមត្ថកិច្ចហៅខាងមន្ត្រីសុខាភិបាលខណ្ឌពោធិ៍សែនជ័យ រាជធានីភ្នំពេញឲ្យមកមកចូលរួម តែនៅខាងក្រៅរហូត ។
សមត្ថកិច្ចបានចាប់យកសំណាកសង្ស័យ (សាប៊ូ) ចំនួន១៣មុខ ដែលខាងសមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផលក្លែងក្លាយក្រសួងមហាផ្ទៃប្រាប់ថាយកទៅពិសោធនិងទាមទារអាជ្ញាប័ណ្ណក្រុមហ៊ុន ប៉ាតង់ ច្បាប់អនុញ្ញាតពីក្រសួងសុខាភិបាល ក្រសួងពាណិជ្ជ ប្រវេទន៍ បញ្ជិកា ហើយខាងម្ចាស់ទីតាំងបានយកមកបង្ហាញ ប្រគល់ជូនសព្វគ្រប់ដើម្បីធ្វើកំណត់ហេតុរួមគ្នា។
ប្រភពីម្ចាស់ទីតាំងឲ្យដឹងថាការធ្វើកំណត់ហេតុ មិនបានចុះតាមលិខិតអនុញ្ញាត បញ្ជិកា ប្រវេទន៍ ។ល។ ដោយចោទថា ជាផលិតផលក្លែងក្លាយ ទើបម្ចាស់ទីតាំងមិនព្រមចុះហត្ថលេខា គាត់ត្រូវការឱ្យធ្វើកំណត់ហេតុតាមគតិយុត្តិ តាមឯកសារ ដែលគាត់ប្រគល់ជូន តែសមត្ថកិច្ចមិនព្រម និងព្យាយាមឱ្យម្ចាស់ទីតាំងទៅអង្គភាពខ្លួន ។ តែម្ចាស់ទីតាំងគាត់ស្នើឱ្យធ្វើកំណត់ហេតុសួរនាំនៅកន្លែងពិនិត្យ ខណៈផលិតផលរបស់គាត់មានច្បាប់។មានការកតសម្គាល់ថាពេលអានកំណត់ហេតុ មិនឱ្យបុគ្គលិក បងប្អូន សាច់ញាតិនៅជិត មិនឱ្យកាន់ទូរស័ព្ទ ហើយសម្លុតថា ម្ចាស់ទីតាំងមិនចូលរួមសហការ។
ម្ចាស់ទីតាំងឆ្លើយតបវិញថា បើគាត់មិនសហការរឿងអីឱ្យខាងសមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃចុះពិនិត្យ ? ហើយកំណត់ហេតុធ្វើការចោទប្រកាន់ថាផលិតផលរបស់គាត់ក្លែងក្លាយ?។ ព្រោះគាត់លក់មានច្បាប់ មិនក្លែងក្លាយរឿងអីត្រូវផ្តិតមេដៃលើកំណត់ហេតុដែលធ្វើទាំងបំពាននេះ ? ហើយចោទថាផលិតផលក្លែងក្លាយ តើបានយកទៅពិនិត្យនៅមន្ទីរពិសោធន៍ហើយឬនៅ?។ដោយមិនចុះសម្រុងគ្នាការឆែកឆេបន្តរហូតមកដល់ម៉ោង៥និង២០នាទីល្ងាចថ្ងៃដដែល សមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃបានប្រើវិធីសុំឡើងឆែកឆេរពិនិត្យម្តងហើយម្តងទៀត ។សូមបញ្ជាក់ថា កន្លែងដែលត្រូវសមត្តកិច្ចចុះត្រួតពិនិត្យ ស្ថិតនៅផ្លូវលេខ១៦ ផ្ទះលេខ៦៣ បុរីពិភពថ្មីឈូកវ៉ា២ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
សូមបញ្ជាក់ថា, សមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃ កំពុងបំពេញតួនាទី ចុះឆែកឆេរ ទំនិញនៅបុរីពិភពថ្មីឈូកវ៉ា២ បង្ខំអោយម្ចាស់ទីតាំងផ្តិតមេដៃលើកំណត់ហេតុ ដែលសរសេរផ្ទុយពីអាជ្ញាធរប័ណ្ណតើបានយកទៅពិនិត្យនៅមន្ទីរពិសោធន៍ហើយ ឬនៅ ។
មកដល់ម៉ោង៥និង២០នាទីល្ងាចថ្ងៃដដែល សមត្ថកិច្ចនគរបាលរបស់គណៈកម្មាធិការប្រយុទ្ធប្រឆាំងផលិតផល ក្លែងក្លាយក្រសួងមហាផ្ទៃ បានប្រើវិធីសុំឡើងឆែកឆេរពិនិត្យ ម្តងហើយ ម្តងទៀត បង្កើតជាចម្ងល់ , ហើយម្ចាស់ទីតាំងមិនយល់ គាត់ត្រូវដំណើរការនីតិ ដោយវិធីណា ? សូមបញ្ជាក់ថា, រហូតមកដល់ម៉ោង ៦ និង ១០នាទី ល្ងាចថ្ងៃដដែលនេះ សមត្ថកិច្ចនៅតែបន្តចុះឆែកឆេរលើសម៉ោងរដ្ឋបាល និងការឆែកឆេរក៏គ្មានដីកាទៀតផង? ៕