វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3464 នាក់
ម្សិលមិញ 6677 នាក់
សរុប 14151040 នាក់
ភ្នំពេញ៖នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានអំពាវនាវដល់សារធារណជន ជាពិសេសយុវជន យុវនារី សូមមេត្តាកុំប្រើប្រាស់ កុំសាកល្បងប្រើប្រាស់ ប៉េងប៉ោងសប្បាយ (Happy balloon) ឱ្យសោះ ព្រោះប៉េងប៉ោងដែលផ្ទុកឧស្ម័នសប្បាយ Nitrous Oxide បង្កឱ្យមានគ្រោះថ្នាក់ធ្ងន់ធ្ងរ ដល់សរសៃប្រសាទ សរសៃឈាម ធ្វើឱ្យបាត់ស្មារតីចងចាំ គាំងបេះដូង រហូតបាត់បង់ជីវិត។
ការអំពាវនាវនេះ បានធ្វើឡើងបន្ទាប់ពីសមត្ថកិច្ចមន្ទីរប្រឆាំងគ្រឿងញៀន បានបើកប្រតិបត្តិការបង្ក្រាបក្លឹបកំសាន្តពីរកន្លែងស្ថិតនៅក្នុងខណ្ឌដូនពេញ និងខណ្ឌចំការមន កាលពីយប់ថ្ងៃទី៣ ខែវិច្ឆិកា ឆ្នាំ២០២៣ ឃាត់ខ្លួនមនុស្សចំនួន ២៤៧នាក់ ដែលបានប្រើប្រាស់សារធាតុញៀន បញ្ចូលក្នុងប៉េងប៉ោង ។ ទីតាំងទី១ដែលរងការបង្ក្រាបឈ្មោះថាក្លឹបឈ្មោះណាំប៊ឺរណាញ(Number 9) ស្ថិតនៅផ្លូវលេខ៣០៨ សង្កាត់ទន្លេបាសាក់ ខណ្ឌចំការមន ឃាត់ខ្លួនមនុស្សបានចំនួន១០៥នាក់ (ស្រី៤១នាក់) ក្នុងនោះមាន ម្ចាស់ក្លឹប អ្នកគ្រប់គ្រង សន្តិសុខ៣នាក់ និងភ្ញៀវ១០៤នាក់ មានជនបរទេស២៣នាក់ (ស្រី៥នាក់) (ចិនតៃវ៉ាន់៩នាក់ ស្រីម្នាក់), កូរ៉េ៩នាក់, ស្ត្រីវៀតណាម២នាក់, ស្ត្រីហ្វីលីពីនម្នាក់, ស្ត្រីអាម៉េរិកម្នាក់, អង់គ្លេស ១នាក់។ វត្ថុតាងចាប់យកបានរួមមាន ដបឧស្ម័នធំៗ (ផ្ទុកឧស្ម័នណាយទ្រៅសអុកសៃ) ចំនួន១២ដប និងប៉េងប៉ោងមួយចំនួនទៀតផង។
ទីតាំងទី២៖ ស្ថិតនៅក្លឹបឈ្មោះ DRIP 13 ស្ថិតនៅផ្លូវលេខ១៣ សង្កាត់វត្តភ្នំ ខណ្ឌដូនពេញ ឃាត់ខ្លួនមនុស្សបានចំនួន១៤២នាក់ (ស្រី៤៧នាក់) ក្នុងនោះមាន មេការ បុគ្គលិក៣២នាក់ និងភ្ញៀវ១០៩នាក់។ ជនបរទេសចំនួន៩នាក់(វៀតណាម៧នាក់(ស្រី២), កូរ៉េម្នាក់, អាហ្វ្រិកម្នាក់ និងបានចាប់យកវត្ថុតាងបំពង់ឧស្ម័ន១បំពង់ និងប៉េងប៉ោងមិនទាន់ផ្លុំមួយចំនួនធំ (ប៉េងប៉ោងដែលបញ្ចូលឧស្ម័នហើយ ពួកវាចាក់ទម្លុះចោលអស់)។
នាយឧត្តមសេនីយ៍ ម៉ក់ ជីតូ បានបន្តថា ក្នុងពេលឆាប់ៗនេះ ឧស្ម័នប្រភេទនេះនឹងត្រូវដាក់បញ្ចូលក្នុងច្បាប់ហាមឃាត់ ខណៈនៅបណ្ដាប្រទេសផ្សេងៗ ដូចជាប្រទេសអូស្ត្រាលី បើចែកចាយប្រើប្រាស់ឧស្ម័ននេះ នឹងត្រូវផ្ដន្ទាទោស២ឆ្នាំ-៥ឆ្នាំ។បើតាមលោកម៉ក់ជីតូមានន័យថាស្រុកខ្មែរមិនទាន់មានច្បាប់ហាមឃាត់ការប្រើប្រាស់ឧស្មន័ប្រភេទនេះនៅឡើយក្នុងពេលដែលនៅប្រទេសថៃវៀតណាមគេឲ្យប្រើ។បើចឹងវាមិនអាចចាត់ទុកថាជាបទល្មើសបានទេបើយោងតាមគោលការណ៍នៃច្បាប់ព្រហ្មទណ្ឌ។ជាក់ស្តែងមាត្រាទី៣នៃក្រមព្រហ្មទណ្ឌ័នៃព្រះរាជាណាចកក្រកម្ពុជាបានចែងយ៉ាងច្បាស់ពីបញ្ហានេះ។ករណីយ៍នេះអាជ្ញាធរត្រូវចុះទៅហាមឃាត់ជាមុនសិនបើគេមិនស្តាប់ចាំបង្ក្រាបមិនមែនចុះទៅចាប់ឃាត់មនុស្សបង្កភាពភ្ញាក់ផ្អើលដោយគ្មានខាងតុលាការចូលរួមចឹងទេ!?។មកដល់ពេលនេះមិនមានពត៍មានថាតើអ្នកដែលត្រូវឃាត់ខ្លួនត្រូវបានដោះស្រាយបែបណានោះទេ?។