វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5523 នាក់
ម្សិលមិញ 5544 នាក់
សរុប 13946620 នាក់
ប្រទេស៖ កន្លែងស្ប៉ា, សួនច្បារ និងគ្លីនិកថែរក្សាសម្រស់ផងដែរត្រូវបានរដ្ឋាភិបាលថៃបានអនុញ្ញាតិឱ្យបើកដំណើរការឡើងវិញ ចាប់ថ្ងៃអង្គារស្អែកនេះតទៅ ។ សារព័ត៌មាន Bangkok Post នៅល្ងាចថ្ងៃចន្ទ ទី៣១ ខែឧសភា ឆ្នាំ២០២១បានផ្សាយឲ្យដឹងថា៖កន្លែងដែលត្រូវបានអនុញ្ញាតឱ្យបើកដំណើរការឡើងវិញ ចាប់ពីថ្ងៃអង្គារ៍ទី១មិថុនាដែររួមមាន សារមន្ទីរ និងមជ្ឈមណ្ឌលសិក្សា ប៉ុន្តែត្រូវបានហាមឃាត់ខ្លះៗ ដោយមិនឱ្យមានការធ្វើទស្សនកិច្ចជាក្រុមឡើយ។
ហាងចាក់សាក់ ហាងផ្ដល់សេវាកម្មចោះក្រវិល ហាងធ្វើក្រចក កន្លែងស្ប៉ា គ្លីនិកថែរក្សាសម្រស់ និងហាងម៉ាស្សា ក៏ត្រូវបានអនុញ្ញាតឱ្យបើកដំណើរការឡើងវិញផងដែរ លើកលែងតែការផ្ដល់សេវាកម្មម៉ាស្សាមុខ និងសេវាកម្មសូណា។ឧទ្យានសាធារណៈ សួនរុក្ខសាស្ត្រ ឬសួនផ្កា ក៏ត្រូវអនុញ្ញាតឱ្យបើកដំណើរការឡើងវិញដូចគ្នា ប៉ុន្តែត្រូវបានហាមឃាត់មិនឱ្យអង្គុយផ្ដុំគ្នាជាក្រុម និងមិនឱ្យទទួលទានអាហារ ឬស្រាឡើយ លើកលែងតែទឹកបរិសុទ្ធ។ ចំណែកឯកន្លែងផ្សេងៗទៀត នៅតែត្រូវបិទជាបណ្តោះអាសន្នរហូតដល់ថ្ងៃទី១៤ ខែមិថុនាខាងមុខនេះដដែល។
គួរបញ្ជាក់ថា គិតត្រឹមថ្ងៃចន្ទនេះ ប្រទេសថៃដែលមានវិស័យទេសចរណ៍ជាប្រភពចំណូលធំបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេស ១៥៩,៧៩២ករណី ក្នុងនោះមានអ្នកស្លាប់ ១,០៣១នាក់ និងអ្នកជាសះស្បើយ ១០៨,៣៤៥នាក់។ថ្មីៗនេះថៃក៏បានរឹតបន្តឹងសន្តិសុខតាមបណ្តោយព្រុំដែនជាមួយប្រទេសម៉ាឡេស៊ីដែលកំពុងផ្ទុះជម្ងឺកូវីត១៩ផងដែរ៕