វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 893 នាក់
ម្សិលមិញ 5168 នាក់
សរុប 16013027 នាក់
កំពង់ធំ៖មន្ត្រីកងរាជអាវុធហត្ថខេត្តកពង់ធំម្នាក់ ប្រើ ហិង្សា លើនារីម្នាក់បណ្តាលឲ្យរងរបួសធ្ងន់នៅវេលាម៉ោង ៧/៣០នាទីព្រឹកថ្ងៃទី២៣ខែឧសភាឆ្នាំ២០២១នៅចំណុចភូមិត្បូងទឹក ឃុំមានរិទ្ធិ ស្រុកសណ្ដាន់ខេត្តកំពង់ធំ។
មន្ត្រីប៉េអឹមនោះឈ្មោះ ស្រ៊នពេជ្ររស្មី ភេទប្រុសអាយុ ៣៦ឆ្នាំ បានប្រើកាំបិតចុង ស្រួចកាប់ទៅលើជនរងគ្រោះ ឈ្មោះ គួច មួយហៀក ភេទស្រីអាយុ ៣០ឆ្នាំ ជាអតីតប្រពន្ធដែលទើបលេងលះគ្នាតាមផ្លូវតុលាកានៅខេត្តកំពង់ធំរួចហើយ បណ្ដាលឲ្យរងរបួសធ្ងន់ ចំដៃខាងឆ្វេងចំនួន ២កាំបិត-ដៃខាងស្ដាំចំនួន ២កាំបិតនិងកញ្ចិង(ក)ខាងក្រោយ ១កាំបិត។
ជនរងគ្រោះត្រូវបានក្រុមគ្រួសារបញ្ជូនទៅព្យាលបាលនៅមណ្ឌលសុខភាពស្រុកសណ្ដាន់ ជនសង្ស័យបានរត់គេចខ្លួនបាត់កម្លាំងមូលដ្ឋានកងរាជអាវុធហត្តស្រុកសណ្ដាន់កំពុងស្វែងរកតាមចាប់ខ្លួន។មិនទាន់ដឹងពីមូលហេតុនៃការបង្កហឹង្សាលើអតីប្រពន្ធបណ្តាលមកពីអ្វីនៅឡើយទេ។
ថ្លែងប្រាប់សារព័ត៌មានក្នុងស្រុក នៅរសៀលថ្ងៃទី២៤ ខែឧសភានេះ នាយឧត្តមសេនីយ៍ សៅ សុខា បានបញ្ជាក់ថា បុគ្គលដែលប្រព្រឹត្តខុសច្បាប់ គឺមិនអាចអត់ឱនឲ្យបាននោះទេ ពោលត្រូវតែស្រាវជ្រាវចាប់ខ្លួន ដើម្បីយកមកផ្ដន្ទាទោសតាមផ្លូវច្បាប់ជាធរមាន។មកទល់ពេលនេះប៉េអឹមទំនើងរូបនេះមិនទាន់ត្រុវបានសមត្តកិច្ចចាប់ខ្លួនបាននៅឡើយទេមិដឹងថាចេះហើរដល់ណា?៕