វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4491 នាក់
ម្សិលមិញ 4292 នាក់
សរុប 14114190 នាក់
បាត់ដំបង៖ព្រះសង្ឃ និងពុទ្ធបរិស័ទ ស្ថិតនៅភូមិសំរោង ឃុំដូនបា ស្រុកគាស់ក្រឡ ខេត្តបាត់ដំបង ដែលពុលបាញ់ហយមានចំនួន៥២អង្គ/នាក់កាលពីថ្ងៃទី៣០ ខែឧសភា ឆ្នាំ២០២២ ឡូវមាន៤៤អង្គ/នាក់ បាននិមន្តទៅកាន់ទីអារាមវត្ត និងផ្ទះវិញជាបន្តបន្ទាប់ បន្ទាប់ពីព្យាបាលបានជាសះស្បើយ ។
អធិការនៃអធិការដ្ឋាននគរបាលស្រុកគាស់ក្រឡ លោក ប៉ាង ហៀង នៅថ្ងៃទី០១ ខែមិថុនា ឆ្នាំ២០២២នេះបានឲ្យកាសែតដឹងថា រហូតមកដល់នឹងថ្ងៃទី០១ ខែមិថុនា ឆ្នាំ២០២២នេះ មានព្រះសង្ឃនិងពុទ្ធរិស័ទចំនួន៤៤អង្គ/នាក់ ក្នុងនោះមានស្រីចំនួន២២នាក់ បានធូរស្រាលមកវិញហើយ ហើយនឹងបាននិមន្តនិងវិលត្រឡប់ទៅកាន់ទីអារាមវត្ត និងលំនៅដ្ឋានវិញជាបន្តបន្ទាប់ ដោយឡែកនៅសល់ចំនួន៨នាក់ទៀត មានស្រី៦នាក់ កំពុងនៅសម្រាកព្យាបាលនឹងបានវិលត្រឡប់ទៅផ្ទះវិញបន្ទាប់ពីអស់សេរ៉ូម ។
អ្នកជំនាញខាងម្ហូបអាហារបានត្រួតពិនិត្យមើលបានបញ្ជាក់ថា ការពុលចំណីអាហារនេះ មិនមែនពុលដោយសារតែបាញ់ហយនោះទេ ព្រោះក្រោយពីធ្វើការត្រួតពិនិត្យបាញ់ហយនោះមិនមានសារធាតុគីមីពុលនោះឡើយ គឺបណ្តាលមកពីកង្វះអនាម័យ ទើបនាំឲ្យកើតការចុកពោះ រាគ ក្អួត ចង្អោរតែម្តង ។
គួររម្លឹកថា កាលពីថ្ងៃទី៣០ខែឧសភា មានប្រជាពលរដ្ឋ បាននាំយកចង្ហាន់ជាបាញ់ហយ និងមានបន្លែច្រើនមុខ មកប្រគេនព្រះសង្ឃ នាថ្ងៃឧបោសថសីល ក្រោយពីបានឆាន់ និងទទួលទាន ស្រាប់តែមានការភ្ញាក់ផ្អើលភ្លាមៗ ខណៈដែលព្រះសង្ឃ៥អង្គ និងពុទ្ធបរិស័ទ សរុបចំនួន៥២អង្គ/នាក់ មានអាការៈចុកពោះ រាគ និងក្អួតចង្អោរ ជាបន្តបន្ទាប់ ហើយអ្នកពុលអាហារទាំងនោះត្រូវបានសមត្ថកិច្ចនិងអាជ្ញាធរមូលដ្ឋាន បានដឹកបញ្ជូនទៅសង្គ្រោះនៅមន្ទីរពេទ្យបង្អែកមោងឬស្សី មណ្ឌលសុខភាព និងពេទ្យឯកជនភ្លាមៗតែម្តង ។
តាមរយៈនៃការចុះស្រាវជ្រាវពីមន្ត្រីជំនាញ បានសន្និដ្ឋានថា ព្រះសង្ឃ និងប្រជាពលរដ្ឋ ដែលពុលអាហារនោះ បានឆាន់និងទទួលទានបាញ់ហយ រួមជាមួយបន្លែ គឺលាងមិនស្អាត បង្កឲ្យមានការចុកពោះ រាគ ក្អួតចង្អោរ តែម្តង ។សូមបញ្ជាក់ថាច្បាប់ស្តីពីសុវត្ថិភាពម្ហូបអាហារត្រូវបានស្ថាបន័នីតិប្បញ្ញត្តិអនុមត្ត័ឲ្យប្រើប្រាសហើយតែបញ្ហាពុលចំណីអាហារនៅតែមានបានន័យថាសមត្តកិច្ចមិនទាន់យល់និងយកច្បាប់មកអនុវត្តនៅឡើយទេ?៕