វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 406 នាក់
ម្សិលមិញ 8227 នាក់
សរុប 14127287 នាក់
សឹង្ហបុរី៖កាលពីថ្ងៃអាទិត្យទី២៧ឧសភា ជនជាតិសិង្ហបុរីមានការភ្ញាក់ផ្អើលហើយបានតាមប្រមាញ់រូបមេដឹកនាំកូរ៉េខាងជើង គីម ជុងអ៊ុន នៅក្បែរសណ្ឋាគារ Marina Bay Sands ក្រោយមកបានដឹងថាជាប្រធានាធិបតីកូរ៉ខាងជើងក្លែងក្លាយ។
លោក សាហ្គា អាដម៉ាត់ ដែលទើបមកពីទីក្រុងបុមបៃ ប្រទេសឥណ្ឌា បន្ទាប់ពីថតរូបស៊ែលហ្វីជាមួយគីម ជុងអ៊ុន ក្លែងក្លាយនៅពីមុខសណ្ឋាគារនេះ បាននិយាយថា “មើលទៅគាត់ដូចជា គីម ជុងអ៊ុន ពិតប្រាកដ ប៉ុន្តែក្រោយមក ទើបខ្ញុំដឹងថា នោះមិនមែនជាពិតទេ។ នៅពេលដែលអ្នកបានឃើញគាត់ផ្ទាល់ វាគឺពិតជាពិបាកក្នុងការបែងចែកថាមួយណាពិតឬក្លែងក្លាយណាស់”។
បុរសកូនកាត់ចិនអូស្ត្រាលីតែងខ្លួនជាគីម ជុងអ៊ុន រូបនេះ បានហៅខ្លួនឯងថា ហូវ៉ាដ អ៊ិច (Howard X) ហើយនិយាយថា គាត់កំពុងបន់ឱ្យជោគជ័យក្នុងជំនួបកំពូលរវាងលោកគីម និងប្រធានាធិបតីត្រាំ ដើម្បីចរចាបញ្ចប់កម្មវិធីនុយក្លេអ៊ែររបស់កូរ៉េខាងជើង។
លោក ហូវ៉ាដ អ៊ិច ក៏ធ្លាប់បានបង្ហាញមុខក្នុងនាមជា គីម ជុងអ៊ុន ក្លែងក្លាយ នៅឯកីឡាអូឡាំពិករដូវរងាក្នុងទីក្រុងកាងនឿង ក្នុងប្រទេសកូរ៉េខាងត្បូងផងដែរ កាលពីខែកុម្ភៈ ដែលធ្វើឱ្យអ្នករាំគាំទ្រក្រុមកូរ៉េខាងជើងភ្ញាក់ផ្អើលជាខ្លាំង ដែលស្មានថា មេដឹកនាំរបស់ពួកគេបានដើរចូលទៅក្នុងពហុកីឡាដ្ឋានសម្រាប់ការប្រកួតហក់ឃី។
សូមបញ្ជាក់ថាក្រោយពីមេដឹកនាំទាំងពីរកូរ៉ខាងជើងគីមជុងអ៊ុននិងលោកដូណាល់ត្រាំលេងល្បែងការទូតប្រកាសលុបចោលការជួបចរចារបានមួយដង្ហើមចង្រឹងពួកគេបានប្រកាសថាជួបគ្នាវីនៅក្នុងប្រទេសសសឹង្ហបុរីដដែលតែមិនមែនថ្ងៃទី១២មិថុនាទេគឺពន្យាដល់ថ្ងៃទី២១មិថុនាឆ្នាំ២០១៨ដដែល៕