វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5741 នាក់
ម្សិលមិញ 5378 នាក់
សរុប 14085034 នាក់
ខេត្តកណ្តាល៖ដីជាមេទឹករបស់រដ្ឋជាង១ហិកតានៅចំណុចទំនប់បឹងតាសូរ ស្ថិតក្នុងភូមិព្រែកក្របៅទី២ ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល ត្រូវបានឈ្មោះ អ៊ុក រដ្ឋា ប្រធានក្រុមហ៊ុនមហារដ្ឋាត្រេឌីង និងបក្ខពួក កំពុងដាក់ដាំបង្គោលធ្វើរបងព័ទ្ធយកដោយធ្វើជាកម្មសិទ្ធិផ្ទាល់ខ្លួនមេឃុំមិនហ៊ានក្អក។
ករណិយ៍នេះ លោក ឈឹម ម៉េង មេឃុំព្រែកអំពិលបានឲ្យកាសែតដឹងថា៖ កាលពីថ្ងៃទី០៩ ខែឧសភា ឆ្នាំ២០២១ លោក ប៊ុន ផេង អភិបាល នៃគណ:អភិបាលស្រុកខ្សាច់កណ្ដាល បានដាក់បទបញ្ជា មករដ្ឋបាលសាលាឃុំព្រែកអំពិលឲ្យចុះទៅទប់ស្កាត់និងហាមឃាត់ជាបន្ទាន់ ។លោក ឈឹម ម៉េង មេឃុំព្រែកអំពិល បានដឹកនាំក្រុមការងារឃុំ កម្លាំងប៉ុស្ដិ៍ កម្លាំងប្រជាការពារ ចុះទៅហាមឃាត់ភ្លាមៗ ផ្អាកមិនឲ្យធ្វើរបង ព្រោះដីមេទឹកជាង១ហិកតា នៅចំណុចទំនប់បឹងតាសូរ គឺជាដីមេទឹករបស់រដ្ឋ។
តែ លោក អ៊ុក រដ្ឋា និងបក្ខពួក នៅតែគឃ្លើនមិនគោរពនិងអាជ្ញាធរឃុំព្រែកអំពិល ក៍ដូចលោក ប៊ុន ផេង អភិបាលស្រុក នោះទេគឺ រហូតដល់ថ្ងៃទី១២ ខែឧសភា ឆ្នាំ២០២១នេះគេឃើញពួកគេ នៅតែបន្តដាំបង្គោលធ្វើរបងព័ទ្ធយកដដែល ។ សូមបញ្ជាក់ថាមេទឹកមួយនេះសូម្បីបងប្អូនប្រជាពលរដ្ឋបូមទឹកដាក់ស្រែ ពលរដ្ឋរាយមងគ្រាន់បានចិញ្ចឹមឆ្នាំងក៍មិនឲ្យរកត្រី និងមិនឲ្យបូមទឹកដាក់ស្រែផងដែរ ។ផ្ទុយទៅវីញបែរជាថៅកែក្រុមឯកជន ហ៊ានរំលោភយកដោយមិនចេះខ្មាស់អៀនគេសោះ?តើគាត់អាងអី?ចៅហ្វាយខេត្តឬ?។
ប្រជាពលរដ្ឋក៍ដូចជាមហាជនដែលនៅក្បែរខាងកំពុងរងចាំមើលតើខាងអាជ្ញាធរឃុំព្រែកអំពិល ជាពិសេសអាជ្ញាធរស្រុកខ្សាច់កណ្ដាល អាចចាត់ការចំពោះ លោក អ៊ុក រដ្ឋា និងបក្ខពួកដែល កំពុងរំលោភយកដីមេទឹកដាក់ដាំបង្គោលធ្វើរបងព័ទ្ធយកធ្វើកម្មសិទ្ធិផ្ទាល់ខ្លួន ឬមួយទុក្ខឲ្យបុគ្គលម្នាក់នេះធ្វើព្យុះធ្វើភ្លៀងស្ទើរគ្រប់កន្លែងអញ្ចឹងតែរហូត?៕