វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 150 នាក់
ម្សិលមិញ 6001 នាក់
សរុប 13872980 នាក់
កម្ពុជា៖អ្នកនាងស្រួង សុភាវីកីឡាការិនីខ្មែរដែលរស់នៅកូរ៉េខាងត្បូងបាន ជាប់ចំណាត់ថ្នាក់លេខ៣ស្ទួនក្នុងនាមកីឡាការិនីកម្ពុជាជាមួយកីឡាការិនីជប៉ុន Ayako Sakai ខណៈកីឡាការិនីហូឡង់ Therese KLOMPENHOUWER លេខ១ និងកីឡាការិនីជប៉ុនមួយរូបទៀត Orie HIDA លេខ២ ក្នុងការប្រកួតជើងឯកពិភពលោកខាងស្នូគ័រនៅប្រទេសអស្ប៉ាញ។
ហ្វេសប៊ុកផ្លូវការរបស់កីឡាការិនីស្រុងភាវី បានបញ្ជាក់ថា “ខ្ញុំប្រកួតបានលេខ៣ ។ ខ្ញុំសូមអរគុណបងប្អូនទាំងគ្នាណាស់។ ពូកែយ៉ាងណា ក៏មិនទាន់ស្ទាត់ជំនាញខ្លាំងដែរ ព្រោះនៅតែលះបង់ពេលវេលា និងការហ្វឹកហាត់ ច្រើនតទៅទៀត ដើម្បីទទួលបានលទ្ធផលមួយ ដែលយើងរំពឹងទុក”។
សូមបញ្ជាក់ថាក្នុងវគ្គពាក់កណ្តាលផ្តាច់ព្រ័ត្រកីឡាការិនីកម្ពុជារូបនេះ ចាញ់កីឡាការិនី KLOMPENHOUWER ក្នុងពិន្ទុ ១៤ទល់នឹង៣០។ វគ្គ៨នាក់ចុងក្រោយ ភាវី ឈ្នះកីឡាការិនីម្ចាស់ផ្ទះអេស្ប៉ាញ Estela CARDOSO ៣០ ទល់នឹង១៣ ចំនែកវគ្គ១៦នាក់ចុងក្រោយ ឈ្នះកីឡាការិនី ហូឡង់ Joke BREUR ៣០ទល់នឹង១៦។ មុនឈានដល់វគ្គចាញ់ធ្លាក់នេះ ស្រួង ភារី បានបំបាក់កីឡាការិនីបារាំង Celine JACQUES ២៥ ទល់នឹង ១៦ និងឈ្នះកីឡាការិនីអេស្ប៉ាញ Ana JUAREZ ២៥ ទល់នឹង៩។
កីឡាការិនី ស្រួង ភាវី គឺជាកីឡាស្ដ្រីខ្មែរដ៏ឆ្នើមដោយសារនាងបាន និងដណ្ដើមបានពានយ៉ាងច្រើនក្រោយពីបានរៀបការទៅរស់នៅជាមួយស្វាមីជាជនជាតិកូរ៉េ នៅកូរ៉េកាលពីឆ្នាំ២០១០។ កីឡាការិនីអាយុ២៩ឆ្នាំ មានដើមកំណើត នៅខេត្តត្បូងឃ្មុំនេះ ធ្លាប់ឈ្នះជើងឯករងពិភពលោក នៅសហរដ្ឋអាមេរិក កាលពីឆ្នាំ២០១៥ និងលេខ៣ពិភពលោកនៅទួកគីឆ្នាំ២០១៨។ ទោះជាយ៉ាងណាអ្នកនាងស្រុងភាវី នៅតែស្រឡាញ់ប្រទេសកម្ពុជា ដោយចង់លេងឲ្យកម្ពុជាជានិច្ច ទោះបីមានប្រទេសមួយចំនួន ចង់ឲ្យនាងចូលសញ្ជាតិ និងលេងឲ្យជម្រើសជាតិគេក៏ដោយ៕