វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3642 នាក់
ម្សិលមិញ 10264 នាក់
សរុប 14142824 នាក់
អូស្ត្រាលីនូវែលហ្សឡង់៖រដ្ឋាភិបាលអូស្ត្រាលីបានពិចារណា ផ្អាកជួលកំពង់ផែពាណិជ្ជកម្ម និងយោធានៅតំបន់ភាគខាងជើង ប្រទេសអូស្ត្រាលីឱ្យទៅចិនដោយសារបញ្ហាសន្តិសុខជាតិ។ប្រទេសនូវែលហ្សេឡង់ក៏បង្ហាញពីជំហរមិនស្របជាមួយចិនផងដែរ។
គណៈកម្មការសន្តិសុខជាតិ អូស្ត្រាលី បានស្នើដល់ក្រសួងការពារជាតិប្រទេសនេះ ពិចារណាត្រួតពិនិត្យទៅលើកិច្ចព្រមព្រៀងជួលកំពង់ផែ Darwin ឱ្យក្រុមហ៊ុន Landbridge របស់មហាសេដ្ឋីចិន Ye Cheng របស់ប្រទេសចិន ។ ទាក់ទងបញ្ហានេះស្ថានទូតចិននៅអូស្ត្រាលីមិនទាន់មានប្រតិកម្មអ្វីជុំវិញហេតុការណ៍ខាងលើនៅឡើយទេ។
សារព័ត៌មានរ៉យទ័របានរាយការណ៍ថា ក្រុមហ៊ុន Landbridge ជាក្រុមហ៊ុនមានទំនាក់ទំនងជាមួយយោធាចិនទទួលបានជ័យជម្នះនៅក្នុងការដេញថ្លៃកាលពីឆ្នាំ២០១៥ ដើម្បីដំណើរការកំពង់ផែរនៅអូស្ត្រាលី តាមកិច្ចព្រមព្រៀងមានតម្លៃ ៣៩០លានដុល្លារ។កន្លងមក អតីតប្រធានាធិបតីអាមេរិកលោក បារ៉ាក់ អូបាម៉ា បានបង្ហាញពីការខឹងសម្បាយ៉ាងខ្លាំងដល់អតីតនាយករដ្ឋមន្ត្រី Malcolm Turnbull ដែលមិនបានផ្តល់ដំណឹងស្តីពីកិច្ចព្រមព្រៀងជាមួយចិនខាងលើនេះ។
ទំនាក់ទំនងរវាងអូស្ត្រាលី នឹងចិន កាន់តែអាក្រក់ទៅ ក្រោយពេលរដ្ឋាភិបាលទីក្រុង Canberra ស្នើឲ្យស្រាវជ្រាវពីប្រភពកូវីដ-១៩ ធ្វើឲ្យទីក្រុងប៉េកាំងខឹងយ៉ាងខ្លាំង ដោយបានវាយបកទៅលើវិស័យពាណិជ្ជកម្ម ។
ឯនាយករដ្ឋមន្ត្រីនូវែលហ្សេឡង់វិញនៅថ្ងៃចន្ទទី៣ឧសភានេះបាននិយាយថា ការមិនចុះសម្រុងគ្នារវាងប្រទេសនូវែលសេឡង់ និងចិនដែលជាដៃគូពាណិជ្ជកម្មដ៏ធំបំផុតរបស់ខ្លួននោះ កាន់តែពិបាកផ្សះផ្សានៅពេលដែលតួនាទីរបស់ទីក្រុងប៉េកាំងនៅលើពិភពលោកមានការរីកចម្រើន និងផ្លាស់ប្តូរ។មតិរបស់លោកស្រី ចាស៊ីនដា អាឌឺន (Jacinda Ardern) បានធ្វើឡើក្នុងគ្រាដែលប្រទេសនូវែលសេឡង់កំពុងប្រឈមមុខនឹងសម្ពាធពីសម្ព័ន្ធមិត្តលោកខាងលិចជុំវិញភាពស្ទាក់ស្ទើររបស់នូវែលសេឡង់ក្នុងការរិះគន់ក្រុងប៉េកាំង។
នៅក្នុងសុន្ទរកថានៅឯកិច្ចប្រជុំកំពូលស្តីពីធុរកិច្ចចិននៅក្នុងទីក្រុងអុកឡេន (Auckland) លោកស្រី អាឌឺន បាននិយាយថា មានរឿងជាច្រើនដែលប្រទេសចិន និងនូវែលសេឡង់ «មិនយល់ស្របគ្នា ហើយក៏នឹងមិនអាចយល់ស្របគ្នាបាន» ប៉ុន្តែលោកស្រីបានបន្ថែមថា ការមិនចុះសម្រុងគ្នានេះមិនអាចកំណត់ពីទំនាក់ទំនងរបស់ពួកគេបានឡើយ។
លោក រដ្ឋមន្ត្រីក្រសួងការបរទេសនូវែលសេឡង់កាលពីខែមុនបានិយាយថា ប្រទេសនូវែលសេឡង់មិនស្រួលចិត្តទេក្នុងការពង្រីកតួនាទីរបស់ក្រុមប្រទេសសម្ព័ន្ធ Five Eyes ដែលរួមមានអូស្ត្រាលី, អង់គ្លេស, កាណាដា, នូវែលសេឡង់ និងអាមេរិកដែលធ្វើឲ្យមានប្រតិកម្មពីលោកខាងលិចដែលជាដៃគូ។
ប្រទេសចិនដែលទទួលការនាំចូលជិតមួយភាគបីនៃការនាំចេញសរុបរបស់នូវែលសេឡង់នោះ បានចោទប្រកាន់ក្រុមប្រទេសសម្ព័ន្ធ Five Eyes នេះថា កំពុងព្រួតគ្នាវាយប្រហារមកលើខ្លួនតាមរយៈការចេញសេចក្តីថ្លែងការណ៍ពាក់ព័ន្ធនឹងក្រុងហុងកុង និងការប្រព្រឹត្តរបស់ចិនទៅលើជនជាតិភាគតិចមូស្លីមអ៊ុយហ្គ័រ (Uyhgur) នៅតំបន់ស៊ីនជាំង៕