វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 929 នាក់
ម្សិលមិញ 10264 នាក់
សរុប 14140111 នាក់
កំពង់ឆ្នាំង៖ប្រជាពលរដ្ឋជាច្រើនសិបនាក់ រស់នៅក្នុងភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង នៅព្រឹកថ្ងៃទី៣ ខែឧសភា ឆ្នាំ២០២១នេះ បានលើកគ្នាមករារាំងអាជ្ញាធរមិនឲ្យដឹកសពស្ត្រីម្នាក់ ដែលបានស្លាប់ដោយសារជំងឺកូវីដ-១៩ នៅក្នុងមន្ទីរពេទ្យបង្អែកខេត្តកំពង់ឆ្នាំង យកមកបូជានៅក្នុងវត្ត ដែលពួកគាត់ជាប្រជាពុទ្ធបរិស័ទចំណុះជើងវត្តនេះ។
ប្រជាពលរដ្ឋឲ្យដឹងថា កាលដែលពួកគាត់បាននាំគ្នាមករារាំងដល់អាជ្ញាធរមិនឲ្យដឹកសពដែលស្លាប់ដោយជម្ងឺកូវីដ-១៩ យកមកបូជានៅក្នុងទីអារាមនេះដោ យសារតែពួកគាត់ខ្លាចជំងឺនេះ ឆ្លងដល់កូនចៅរបស់ពួក គាត់ដែលតែងតែចេញចូលមកធ្វើបុណ្យទានក្នុងវត្តនេះមិនដែលដាច់។ ព្រោះសព្វថ្ងៃនេះពួកគាត់និងកូនចៅទាំង អស់គ្នាបានខិតខំការពារកុំឲ្យកើតមានការឆ្លងនៃជំងឺកូវីដ- ១៩នេះ ដោយខិតខំអនុវត្តតាមការណែនាំរបស់ក្រសួងសុខាភិបាល ពិសេសអនុវត្តន៍តាមការណែនាំរបស់ប្រមុខរាជរដ្ឋាភិបាលគឺ ៣ការពារ នឹង៣កុំ យ៉ាងខ្ជាប់ខ្ជួន ដោយ សារតែខ្លាចជំងឺដ៏កាចសាហាវមួយនេះឆ្លងចូលក្នុងសហគ មន៍ដោយគ្មានជំរើស ទើបពួកគាត់ធ្វើបែបនេះ។
ដោយឡែកនៅព្រឹកថ្ងៃទី៣ ខែឧសភា ឆ្នាំ២០២១ នេះលោក យង់ សៅវុឌ្ឍី អភិបាលស្រុករលាប្អៀរ និងលោក យិន សាវ៉េន អភិបាលក្រុងកំពង់ឆ្នាំង រួមទាំងលោក តាំង ប៊ុនទត មេឃុំជ្រៃបាក់ ក៏មានវត្តមាននៅក្នុងវត្តជ្រៃបាក់ ដោយពួកគាត់កំពុងតែធ្វើការបោសសំអាតនៅជុំវិញទីបច្ឆា ដើម្បីរៀបចំបូជាសពប្រកបទៅដោយអនាម័យនិងបច្ចេកទេសខ្ពស់ក្នុងការបូជាសពនេះផងដែរ។
លោក យង់ សៅវុឌ្ឍី អភិបាលស្រុករលាប្អៀរ បានបញ្ជាក់ប្រាប់បណ្ដាញព័ត៌មានឲ្យដឹងថា ការរៀបចំបូជាសពស្ត្រីដែលមានវិជ្ជមានកូវីដ-១៩ខាងនេះ គឺជាការរៀបចំបន្ទាន់ ដោយមិនទាន់មានកន្លែងត្រឹមត្រូវដូច្នេះលោកជ្រើសយកទីនេះ គឺជាកន្លែងស្ងប់ស្ងាត់ ដែលវត្តនេះស្ថិតនៅដាច់ឆ្ងាយពីលំនៅដ្ឋានរបស់ប្រជាពលរដ្ឋ និងមិនមានប៉ះពាល់អ្វីឡើយ ពិសេសការរៀបចំបូជានៅក្នុងទីបច្ឆានេះក៏បានរៀបចំមានអនាម័យ និងបច្ចេកទេសក្នុងការបូជាដោយភាពទទួលខុសត្រូវច្បាស់លាស់។
លោកបញ្ជាក់ថា ទីនេះគឺបូជាតែសពស្ត្រីម្នាក់នេះទេពេល ក្រោយបើមានអ្នកស្លាប់ដោយសារជំងឺកូវីដ-១៩ និងត្រូវយកទៅបូជានៅកន្លែងថ្មី ដែលមានទីតាំងនៅឯជើងភ្នំមួយកន្លែងឋិតក្នុងស្រុករលាប្អៀរ។ពេលនេះបន្ទាប់ពីមាន ការតវ៉ានិងរារាំងពីប្រជាពលរដ្ឋ ដោយមិនឲ្យយកសពស្ត្រីដែលមានជំងឺកូវីដ-១៩យកមកបូជានៅទីនេះ លោកអភិ បាលខេត្តក៏បានសម្រេចយកសពទៅបូជានៅកន្លែងផ្សេង វិញហើយ៕